ਧਨੁਸ਼, ਰਸ਼ਮੀਕਾ ਮੰਡਾਨਾ ਅਤੇ ਨਾਗਾਰਜੁਨ ਸਟਾਰਰ ਫਿਲਮ ਕੁਬੇਰ 20 ਜੂਨ ਨੂੰ ਰਿਲੀਜ਼ ਹੋਣ ਵਾਲੀ ਹੈ। ਰਿਲੀਜ਼ ਤੋਂ ਪਹਿਲਾਂ ਸੈਂਸਰ ਬੋਰਡ ਨੇ ਫਿਲਮ ਵਿੱਚ 19 ਬਦਲਾਅ ਕਰਨ ਦੀ ਮੰਗ ਕੀਤੀ ਹੈ। ਇਨ੍ਹਾਂ ਬਦਲਾਅ ਦੇ ਨਾਲ, ਬੋਰਡ ਨੇ ਫਿਲਮ ਨੂੰ U/A ਸਰਟੀਫਿਕੇਟ ਦੇ ਦਿੱਤਾ ਹੈ।
ਜ਼ਿਕਰਯੋਗ ਹੈ ਕਿ ਸੀਬੀਐਫਸੀ (ਸੈਂਟਰਲ ਬੋਰਡ ਆਫ਼ ਫਿਲਮ ਸਰਟੀਫਿਕੇਸ਼ਨ) ਨੇ ਮੰਗਲਵਾਰ ਨੂੰ ਫਿਲਮ ਨੂੰ ਯੂ/ਏ ਸਰਟੀਫਿਕੇਟ ਦਿੱਤਾ ਅਤੇ ਫਿਲਮ ਵਿੱਚੋਂ 19 ਦ੍ਰਿਸ਼ ਕੱਟ ਦਿੱਤੇ। ਆਂਧਰਾ ਬਾਕਸ ਆਫਿਸ ਦੀ ਰਿਪੋਰਟ ਦੇ ਅਨੁਸਾਰ, ਸੈਂਸਰ ਬੋਰਡ ਨੇ ਧਨੁਸ਼ ਅਤੇ ਸਮੰਥਾ ਦੇ ਦ੍ਰਿਸ਼ਾਂ ਨੂੰ ਰਾਜਨੀਤਿਕ ਪਾਰਟੀਆਂ ਦਾ ਹਵਾਲਾ ਦੇਣ ਵਾਲੇ ਦ੍ਰਿਸ਼ਾਂ ਦੇ ਨਾਲ ਹਟਾ ਦਿੱਤਾ ਹੈ। ਕੱਟਾਂ ਤੋਂ ਬਾਅਦ, ਫਿਲਮ ਦਾ ਕੁੱਲ ਰਨਟਾਈਮ ਹੁਣ 181 ਮਿੰਟ ਯਾਨੀ 3 ਘੰਟੇ ਅਤੇ 1 ਮਿੰਟ ਹੋ ਗਿਆ ਹੈ।
ਇਸਤੋਂ ਇਲਾਵਾ ਫਿਲਮ ਕੁਬੇਰ ਅਤੇ ਆਮਿਰ ਖਾਨ ਦੀ ਫਿਲਮ ਸਿਤਾਰਾ ਜ਼ਮੀਨ ਪਰ ਇੱਕੋ ਦਿਨ 20 ਜੂਨ ਨੂੰ ਰਿਲੀਜ਼ ਹੋ ਰਹੀ ਹੈ। ਅਜਿਹੀ ਸਥਿਤੀ ਵਿੱਚ, ਦੋਵਾਂ ਫਿਲਮਾਂ ਵਿਚਕਾਰ ਬਾਕਸ ਆਫਿਸ ‘ਤੇ ਟੱਕਰ ਹੋਵੇਗੀ। ਫਿਲਮ ਕੁਬੇਰ ਤਾਮਿਲ ਅਤੇ ਤੇਲਗੂ ਭਾਸ਼ਾਵਾਂ ਵਿੱਚ ਬਣੀ ਹੈ। ਸਿਤਾਰਾ ਜ਼ਮੀਨ ਪਰ ਨੂੰ ਤਾਮਿਲ ਅਤੇ ਤੇਲਗੂ ਭਾਸ਼ਾਵਾਂ ਵਿੱਚ ਵੀ ਡੱਬ ਕੀਤਾ ਗਿਆ ਹੈ।
ਦੱਸ ਦਈਏ ਕਿ ਕੁਬੇਰਾ ਤੋਂ ਪਹਿਲਾਂ, ਸੈਂਸਰ ਬੋਰਡ ਨੇ ਆਮਿਰ ਖਾਨ ਦੀ ਫਿਲਮ ਸਿਤਾਰਾ ਜ਼ਮੀਨ ਪਰ ਵਿੱਚ 2 ਬਦਲਾਅ ਸੁਝਾਏ ਸਨ। ਹਾਲਾਂਕਿ, ਨਿਰਮਾਤਾਵਾਂ ਨੇ ਸੁਝਾਵਾਂ ਨੂੰ ਸਵੀਕਾਰ ਨਹੀਂ ਕੀਤਾ, ਜਿਸ ਕਾਰਨ ਫਿਲਮ ਨੂੰ UA13+ ਸਰਟੀਫਿਕੇਟ ਦਿੱਤਾ ਗਿਆ ਹੈ। ਇਸਦਾ ਮਤਲਬ ਹੈ ਕਿ 13 ਸਾਲ ਤੋਂ ਘੱਟ ਉਮਰ ਦੇ ਬੱਚੇ ਆਪਣੇ ਮਾਪਿਆਂ ਦੀ ਇਜਾਜ਼ਤ ਨਾਲ ਹੀ ਫਿਲਮ ਦੇਖ ਸਕਣਗੇ।
