ਮਨੀਸ਼ ਤਿਵਾਰੀ ਨੂੰ BSP ਉਮੀਦਵਾਰ ਰੀਤੂ ਸਿੰਘ ਨੇ ਕੀਤੇ ਤਿੱਖੇ ਸਵਾਲ
ਇੰਡੀ ਅਲਾਇੰਸ ਚੰਡੀਗੜ੍ਹ ਦੇ ਉਮੀਦਵਾਰ ਮਨੀਸ਼ ਤਿਵਾਰੀ ਨੇ ਅੱਜ ਕਿਹਾ ਕਿ ਅਗਰ ਪਿਛਲੀਆਂ ਚੋਣਾਂ ਦੇਖੀਏ ਤਾਂ 2014 ਤੇ 2019 ਦੇ ਵਿੱਚ ਚੰਡੀਗੜ੍ਹ ਦੇ ਉਮੀਦਵਾਰ ਦੇ ਲਈ ਖੁਦ ਨਰਿੰਦਰ ਮੋਦੀ ਵੱਲੋਂ ਰੈਲੀ ਕੀਤੀ ਗਈ ਅਤੇ ਬੀਜੇਪੀ ਉਮੀਦਵਾਰ ਲਈ ਵੋਟਾਂ ਦੀ ਅਪੀਲ ਕੀਤੀ ਪਰ ਇਸ ਵਾਰ 2024 ਦੀਆਂ ਚੋਣਾਂ ਦੇ ਵਿੱਚ ਦੇਖਿਆ ਜਾਵੇ ਤਾਂ ਬੀਜੇਪੀ ਦੇ ਨਰਿੰਦਰ ਮੋਦੀ ਅਤੇ ਗ੍ਰਹਿ ਵਿਭਾਗ ਤੋਂ ਅਮਿਤ ਸ਼ਾਹ ਵੋਟਾਂ ਮੰਗਣੇ ਨਹੀਂ ਆਏ ਇਸ ਤੋਂ ਸਾਫ ਹੋ ਜਾਂਦਾ ਹੈ ਕਿ ਬੀਜੇਪੀ ਚੰਡੀਗੜ੍ਹ ਤੋਂ ਹਰ ਮੰਨ ਗਈ ਹੈ।
ਉੱਥੇ ਹੀ ਮਨੀਸ਼ ਤਿਵਾਰੀ ਨੇ ਕਿਹਾ ਕਿ ਮੈਂ ਪਿਛਲੀ ਪ੍ਰੈਸ ਵਾਰਤਾ ਦੇ ਵਿੱਚ ਚੰਡੀਗੜ੍ਹ ਦੇ ਉਮੀਦਵਾਰ ਨੂੰ ਖੁੱਲ੍ਹਾ ਚੈਲੇੰਜ ਕੀਤਾ ਸੀ ਕਿ ਆ ਕੇ ਮੇਰੇ ਨਾਲ ਡਿਬੇਟ ਕਰਨ ਪਰ ਉਹ ਡਿਬੇਟ ਤੋਂ ਭੱਜਦੇ ਹੋਏ ਨਜ਼ਰ ਆਏ।
ਰੀਤੂ ਸਿੰਘ ਵੱਲੋਂ ਮਨੀਸ਼ ਤਿਵਾਰੀ ਨੂੰ ਤਿੱਖੇ ਸਵਾਲ
ਜਦੋਂ ਪ੍ਰੈਸ ਵਾਰਤਾ ਖਤਮ ਹੋਈ ਤਾਂ ਬੀਐਸਪੀ ਦੇ ਉਮੀਦਵਾਰ ਰੀਤੂ ਸਿੰਘ ਮਨੀਸ਼ ਤਿਵਾਰੀ ਨਾਲ ਡਿਬੇਟ ਕਰਨ ਲਈ ਪਹੁੰਚੇ ਉੱਥੇ ਹੀ ਰੀਤੂ ਸਿੰਘ ਨੇ ਮਨੀਸ਼ ਤਿਵਾਰੀ ਤੋਂ ਕਾਫੀ ਪ੍ਰਸ਼ਨ ਕੀਤੇ ਅਤੇ ਕਿਹਾ ਕਿ ਇੱਕ ਤੋਂ 10 ਸੈਕਟਰ ਤੱਕ ਹੀ ਚੰਡੀਗੜ੍ਹ ਦਿਖਾਇਆ ਜਾ ਰਿਹਾ ਹੈ ਜਦਕਿ ਚੰਡੀਗੜ੍ਹ ਵਿੱਚ ਪਿੰਡ ਵੀ ਹਨ ਪਿੰਡਾਂ ਵਿੱਚ ਜਾ ਕੇ ਦੇਖੋ ਕਿੰਨਾ ਵਿਕਾਸ ਪਿਛਲੇ ਸਾਲਾਂ ਦੇ ਵਿੱਚ ਹੋਇਆ ਹੈ। ਰੀਤੂ ਸਿੰਘ ਵੱਲੋਂ ਮਨੀਸ਼ ਤਿਵਾਰੀ ਨੂੰ ਤਿੱਖੇ ਸਵਾਲ ਕੀਤੇ ਗਏ।
