ਨਵੀਂ ਦਿੱਲੀ, 25 ਦਸੰਬਰ 2025 : ਦਿੱਲੀ ਹਾਈ ਕੋਰਟ (Delhi High Court) ਨੇ ਹਿਜਬੁਲ ਮੁਜ਼ਾਹਿਦੀਨ ਦੇ ਮੁਖੀ ਸਈਦ ਸਲਾਹੁਦੀਨ (syed salahuddin) ਦੇ 2 ਬੇਟਿਆਂ ਅਤੇ ਹੋਰਨਾਂ `ਤੇ ਅੱਤਵਾਦੀ ਸੰਗਠਨਾਂ ਨੂੰ ਫੰਡਿੰਗ ਦੇ ਮਾਮਲੇ `ਚ ਲਾਏ ਗਏ ਦੋਸ਼ਾਂ ਨੂੰ ਚੁਣੌਤੀ ਦੇਣ ਵਾਲੀਆਂ ਉਨ੍ਹਾਂ ਦੀਆਂ ਪਟੀਸ਼ਨਾਂ ਨੂੰ ਖਾਰਿਜ (Petitions dismissed) ਕਰ ਦਿੱਤਾ । ਮੁਲਜ਼ਮਾਂ ਨੇ 2021 `ਚ ਉਨ੍ਹਾਂ ਦੇ ਖਿਲਾਫ ਦੋਸ਼ ਤੈਅ ਕਰਨ ਸਬੰਧੀ ਹੇਠਲੀ ਅਦਾਲਤ ਦੇ ਹੁਕਮ ਨੂੰ ਚੁਣੌਤੀ ਦਿੱਤੀ ਸੀ ।
ਹਿਜਬੁਲ ਮੁਖੀ ਸਲਾਹੁਦੀਨ ਦੇ ਬੇਟਿਆਂ ਦੀ ਪਟੀਸ਼ਨ ਖਾਰਿਜ
ਰਾਸ਼ਟਰੀ ਜਾਂਚ ਏਜੰਸੀ (National Investigation Agency) (ਐੱਨ. ਆਈ. ਏ.) ਅਨੁਸਾਰ, ਇਹ ਮਾਮਲਾ ਪਾਕਿਸਤਾਨ ਮੌਜੂਦ ਅੱਤਵਾਦੀਆਂ ਵੱਲੋਂ ਹਵਾਲਾ ਚੈਨਲਾਂ ਰਾਹੀਂ ਜੰਮੂ-ਕਸ਼ਮੀਰ `ਚ ਪੈਸਾ ਟਰਾਂਸਫਰ ਕਰਨ ਨਾਲ ਸਬੰਧਤ ਹੈ, ਜਿਸ ਦਾ ਮਕਸਦ ਜੰਮੂ-ਕਸ਼ਮੀਰ `ਚ ਵੱਖਵਾਦੀ ਅਤੇ ਅੱਤਵਾਦੀ ਸਰਗਰਮੀਆਂ ਨੂੰ ਉਤਸ਼ਾਹ ਦੇਣਾ ਅਤੇ ਉਨ੍ਹਾਂ ਨੂੰ ਫੰਡ ਮੁਹੱਈਆ ਕਰਨਾ ਸੀ । ਸਲਾਹੁਦੀਨ ਦੇ ਬੇਟੇ ਸ਼ਾਹਿਦ ਯੂਸੁਫ ਨੂੰ ਅਕਤੂਬਰ 2017 `ਚ ਗ੍ਰਿਫਤਾਰ ਕੀਤਾ ਗਿਆ ਸੀ, ਜਦੋਂ ਕਿ ਉਸ ਦੇ ਦੂਜੇ ਬੇਟੇ ਸਈਦ ਅਹਿਮਦ ਸ਼ਕੀਲ ਨੂੰ 30 ਅਗਸਤ 2018 ਨੂੰ ਐੱਨ. ਆਈ. ਏ. ਨੇ ਸ੍ਰੀਨਗਰ ਸਥਿਤ ਉਸ ਦੇ ਘਰ `ਚੋਂ ਗ੍ਰਿਫਤਾਰ ਕੀਤਾ ਸੀ ।
Read More : ਦਿੱਲੀ ਹਾਈ ਕੋਰਟ ਨੂੰ ਬੰਬ ਨਾਲ ਉਡਾਉਣ ਦੀ ਮਿਲੀ ਧਮਕੀ
