ਤ੍ਰਿਪੋਲੀ, 5 ਫਰਵਰੀ 2026 : ਲੀਬੀਆ (Libya) ਦੇ ਸਾਬਕਾ ਤਾਨਾਸ਼ਾਹ ਮੁਅੰਮਰ ਗੱਦਾਫੀ ਦੇ ਬੇਟੇ ਸੈਫ ਅਲ-ਇਸਲਾਮ ਗੱਦਾਫੀ (Saif al-Islam Gaddafi) ਦੀ ਲੰਘੇ ਦਿਨਾਂ ਗੋਲੀ ਮਾਰ ਕੇ ਹੱਤਿਆ ਕਰ ਦਿੱਤੀ ਗਈ ।
ਸੈਫ ਦੇ ਵਕੀਲ ਨੇ ਦਿੱਤੀ ਸੋਸ਼ਲ ਮੀਡੀਆ ਰਾਹੀਂ ਮੌਤ ਦੀ ਜਾਣਕਾਰੀ
ਲੀਬੀਆਈ ਨਿਊਜ਼ ਚੈਨਲ ਫਵਾਸੇਲ ਮੁਤਾਬਕ ਜਿੰਟਾਨ ਸ਼ਹਿਰ ‘ਚ ਉਨ੍ਹਾਂ ਦੇ ਘਰ ‘ਤੇ 4 ਹਮਲਾਵਰਾਂ (Attackers) ਨੇ ਹਮਲਾ ਕੀਤਾ ਅਤੇ ਉਨ੍ਹਾਂ ਨੂੰ ਮਾਰ ਦਿੱਤਾ । ਸੈਫ ਦੇ ਵਕੀਲ ਖਾਲਿਦ ਅਲ-ਜ਼ੈਦੀ ਤੇ ਸਿਆਸੀ ਸਲਾਹਕਾਰ ਅਬਦੁੱਲਾ ਓਥਮਾਨ ਨੇ ਸੋਸ਼ਲ ਮੀਡੀਆ ਪੋਸਟ ਦੇ ਜ਼ਰੀਏ ਉਨ੍ਹਾਂ ਦੀ ਮੌਤ ਦੀ ਜਾਣਕਾਰੀ ਦਿੱਤੀ ।
ਸੈਫ ਦੀ ਮੌਤ ਨੂੰ ਲੈ ਕੇ ਭੈਣ ਨੇ ਕੀ ਦਾਅਵਾ ਕੀਤਾ
ਹਾਲਾਂਕਿ ਸ਼ੁਰੂਆਤੀ ਬਿਆਨਾਂ ‘ਚ ਹੱਤਿਆ (Murder) ਦੇ ਕਾਰਨ ਜਾਂ ਹਮਲਾਵਰਾਂ ਦੀ ਪਛਾਣ ਸਬੰਧੀ ਕੋਈ ਜਾਣਕਾਰੀ ਨਹੀਂ ਦਿੱਤੀ ਗਈ। ਸੈਫ ਦੀ ਮੌਤ ਨੂੰ ਲੈ ਕੇ ਉਨ੍ਹਾਂ ਦੀ ਭੈਣ ਨੇ ਵੱਖਰਾ ਹੀ ਦਾਅਵਾ ਕੀਤਾ ਹੈ । ਬੀ. ਬੀ. ਸੀ. ਨੇ ਲੀਬੀਆਈ ਟੀ. ਵੀ. ਦੇ ਹਵਾਲੇ ਨਾਲ ਦੱਸਿਆ ਕਿ ਉਨ੍ਹਾਂ ਦੀ ਮੌਤ ਲੀਬੀਆ-ਅਲਜੀਰੀਆ ਸਰਹੱਦ ਦੇ ਨੇੜੇ ਹੋਈ । ਸੈਫ ਦੀ ਉਮਰ 53 ਸਾਲ ਸੀ । ਉਨ੍ਹਾਂ ਨੂੰ ਕਦੇ ਆਪਣੇ ਪਿਤਾ ਦਾ ਉੱਤਰਾਧਿਕਾਰੀ ਮੰਨਿਆ ਜਾਂਦਾ ਸੀ ।
Read more : ਪਿਤਾ ਨੇ ਕੀਤਾ ਮਾਸੂਮ ਜਿਹੀ ਬੱਚੀ ਦਾ ਕਤਲ
