ਟਰੋਨਾ (ਅਮਰੀਕਾ), 7 ਦਸੰਬਰ 2025 : ਅਮਰੀਕੀ ਹਵਾਈ ਫੌਜ (US Air Force) ਦੇ ਵਿਸ਼ੇਸ਼ `ਥੰਡਰਬਰਡਸ` ਦਸਤੇ ਦਾ ਇਕ ਲੜਾਕੂ ਜਹਾਜ਼ (Fighter plane) ਦੱਖਣੀ ਕੈਲੀਫੋਰਨੀਆ ਰੇਗਿਸਤਾਨ `ਚ ਹਾਦਸਾਗ੍ਰਸਤ (Accident) ਹੋ ਗਿਆ।
ਪਾਇਲਟ ਰਿਹਾ ਸਮਾਂ ਰਹਿੰਦੇ ਸੁਰੱਖਿਅਤ ਬਾਹਰ ਨਿਕਲਣ `ਚ ਸਫਲ
ਖੁਸ਼ਕਿਸਮਤੀ ਇਹ ਰਹੀ ਕਿ ਪਾਇਲਟ ਸਮਾਂ ਰਹਿੰਦੇ ਸੁਰੱਖਿਅਤ ਤਰੀਕੇ ਨਾਲ ਬਾਹਰ ਨਿਕਲਣ `ਚ ਸਫਲ ਰਿਹਾ । ਸੈਨ ਬਰਨਾਰਡੀਨੋ ਕਾਊਂਟੀ ਦੇ ਫਾਇਰ ਬ੍ਰਿਗੇਡ ਵਿਭਾਗ`ਅਨੁਸਾਰ ਪਾਇਲਟ (Pilot) ਦਾ ਹਸਪਤਾਲ `ਚ ਇਲਾਜ ਕੀਤਾ ਜਾ ਰਿਹਾ ਹੈ ਅਤੇ ਉਸ ਨੂੰ ਜਾਨਲੇਵਾ ਸੱਟ ਨਹੀਂ ਲੱਗੀ ਹੈ।
2022 ਵਿਚ ਪਹਿਲਾਂ ਵੀ ਹੋਇਆ ਸੀ ਐਫ-ਏ 18 ਈ ਸੁਪਰ ਹਾਰਨੇਟ ਜਹਾਜ਼ ਹਾਦਸਾਗ੍ਰਸਤ
ਨੇਵਾਦਾ `ਚ ਸਥਿਤ `ਨੈਲਿਸ ਏਅਰ ਫੋਰਸ ਬੇਸ` ਵੱਲੋਂ ਜਾਰੀ ਬਿਆਨ ਅਨੁਸਾਰ ਐੱਫ-16ਸੀ ਫਾਈਟਿੰਗ ਫਾਲਕਨ ਬੁੱਧਵਾਰ ਸਵੇਰੇ ਲੱਗਭਗ 10:45 ਵਜੇ ਕੈਲੀਫੋਰਨੀਆ `ਚ ਕੰਟਰੋਲਡ ਏਅਰ ਸਪੇਸ ਟ੍ਰੇਨਿੰਗ ਮਿਸ਼ਨ (Air Space Training Mission) ਦੌਰਾਨ ਹਾਦਸਾਗ੍ਰਸਤ ਹੋਇਆ । ਫਾਇਰ ਬ੍ਰਿਗੇਡ ਵਿਭਾਗ ਨੇ ਦੱਸਿਆ ਕਿ ਜਹਾਜ਼ ਲਾਸ ਏਂਜਲਸ ਤੋਂ 290 ਕਿਲੋਮੀਟਰ ਉੱਤਰ `ਚ ਸਥਿਤ ਮੋਜਾਵੇ ਰੇਗਿਸਤਾਨ ਦੇ ਟਰੋਨਾ ਕੋਲ ਹਾਦਸਾਗ੍ਰਸਤ ਹੋਇਆ। ਇਸ ਤੋਂ ਪਹਿਲਾਂ 2022 `ਚ ਵੀ ਟਰੋਨਾ ਨੇੜੇ ਹਵਾਈ ਫੌਜ ਦਾ ਇਕ ਐੱਫ/ਏ-18ਈ ਸੁਪਰ ਹਾਰਨੇਟ ਜਹਾਜ਼ ਹਾਦਸਾਗ੍ਰਸਤ ਹੋਇਆ ਸੀ, ਜਿਸ `ਚ ਪਾਇਲਟ ਦੀ ਮੌਤ ਹੋ ਗਈ ਸੀ ।
Read More : ਫਿਸਲਣ ਕਾਰਨ ਮੁੰਬਈ ਹਵਾਈ ਅੱਡੇ ਉਤੇ ਜਹਾਜ ਹੋਇਆ ਹਾਦਸਾਗ੍ਰਸਤ
