ਬਠਿੰਡਾ ਦੀ ਕੇਂਦਰੀ ਜੇਲ੍ਹ ਮੁੜ ਤੋਂ ਸੁਰਖੀਆਂ ‘ਚ ਹੈ। ਜੇਲ੍ਹ ‘ਚੋ’ ਇੱਕ ਵਾਰ ਫਿਰ ਮੋਬਾਈਲ ਫੋਨ ਮਿਲਣ ਦੀ ਘਟਨਾ ਸਾਹਮਣੇ ਆਈ ਹੈ।ਜੇਲ੍ਹ ਵਿੱਚੋਂ ਤਲਾਸ਼ੀ ਦੌਰਾਨ ਦੋ ਹਵਾਲਾਤੀਆਂ ਤੋਂ ਮੋਬਾਈਲ ਫੋਨ ਅਤੇ 1 ਸਿਮ ਬਰਾਮਦ ਹੋਇਆ ਹੈ। ਡਿਪਟੀ ਸੁਪਰਡੈਂਟ ਕੇਂਦਰੀ ਜੇਲ੍ਹ ਬਠਿੰਡਾ ਦੇ ਬਿਆਨਾਂ ‘ਤੇ ਦੋ ਹਵਾਲਾਤੀਆਂ ਖ਼ਿਲਾਫ਼ ਥਾਣਾ ਕੈਂਟ ਵਿਖੇ ਮਾਮਲਾ ਦਰਜ ਕਰ ਲਿਆ ਗਿਆ। ਜੇਲ੍ਹ ਪ੍ਰਸ਼ਾਸਨ ਵੱਲੋਂ ਅੱਜ ਹਵਾਲਾਤੀਆਂ ਤੇ ਕੈਦੀਆਂ ਦੀ ਤਲਾਸ਼ੀ ਲਈ ਜਾ ਰਹੀ ਸੀ, ਇਸ ਦੌਰਾਨ ਦੋ ਹਵਾਲਾਤੀਆਂ ਹਵਾਲਾਤੀ ਗੁਰਜੀਵਨ ਸਿੰਘ ਵਾਸੀ ਖਾਰਾ ਤੇ ਹਵਾਲਾਤੀ ਰੂਬਲ ਸਿੰਘ ਵਾਸੀ ਬੁਰਜ ਮਾਨਸਾ ਕੋਲੋਂ ਮੋਬਾਈਲ ਮਿਲਣ ਮਗਰੋਂ ਮਾਮਲਾ ਦਰਜ ਕਰ ਲਿਆ ਗਿਆ ਹੈ।
ਇਹ ਵੀ ਪੜ੍ਹੋ: ਸੁਧੀਰ ਸੂਰੀ ਦੀ ਅੰਤਿਮ ਯਾਤਰਾ ਸ਼ੁਰੂ, ਭਾਰੀ ਸੁਰੱਖਿਆ ਬਲ ਤਾਇਨਾਤ
ਜ਼ਿਕਰਯੋਗਹੈ ਕਿ 1 ਨਵੰਬਰ ਨੂੰ ਵੀ ਤਲਾਸ਼ੀ ਦੌਰਾਨ ਧਾਰਾ-302 ਵਿਚ ਬੰਦ ਹਵਾਲਾਤੀ ਸਾਵਨ ਅਸੀਸ ਜੋ ਕਿ ਵਾਸੀ ਘੁਗਿਆਣਵੀ ਜ਼ਿਲ੍ਹਾ ਝੱਜਰ (ਹਰਿਆਣਾ) ਦਾ ਰਹਿਣ ਵਾਲਾ ਹੈ, ਕੋਲੋਂ ਇਕ ਸੈਮਸੰਗ ਦਾ ਕੀ ਬੋਰਡ ਵਾਲਾ ਮੋਬਾਈਲ ਸਿਮ ਅਤੇ ਹੈੱਡਫੋਨ ਬਰਾਮਦ ਹੋਏ ਸਨ।
ਸਹਾਇਕ ਸੁਪਰਡੈਂਟ ਜੇਲ੍ਹ ਨੇ ਆਪਣੇ ਬਿਆਨਾਂ ਵਿਚ ਦੱਸਿਆ ਸੀ ਕਿ ਰਾਤ ਅਚਨਚੇਤ ਕੈਦੀ ਬਲਾਕ 4 ਦੀ ਬੈਰਕ ਨੰਬਰ ਇਕ ਦੀ ਤਲਾਸ਼ੀ ਲਈ ਤਾਂ ਸਾਵਣ ਅਸੀਸ ਜੋ ਕੇ ਘੁਗਿਆਣਵੀ ਜ਼ਿਲ੍ਹਾ ਝੱਜਰ (ਹਰਿਆਣਾ) ਦਾ ਰਹਿਣ ਵਾਲਾ ਹੈ ਨੇ ਟੁਆਇਲਟ ਸੀਟ ‘ਚ ਇਕ ਸੈਮਸੰਗ ਨੀਲੇ ਰੰਗ ਦਾ ਕੀ ਬੋਰਡ ਵਾਲਾ ਮੋਬਾਈਲ, ਸਿਮ ਅਤੇ ਹੈੱਡਫੋਨ ਲੁਕੋ ਕੇ ਰੱਖੇ ਹੋਏ ਸਨ। ਅਧਿਕਾਰੀਆਂ ਵੱਲੋਂ ਤਲਾਸ਼ੀ ਦੌਰਾਨ ਬਰਾਮਦ ਕਰ ਲਏ ਗਏ ਹਨ।