ਨਵੀਂ ਦਿੱਲੀ, 6 ਮਾਰਚ 2026 : ਸਿਵਲ ਸੇਵਾਵਾਂ ਪ੍ਰੀਖਿਆ-2025 (Civil Services Exam-2025) (ਯੂ. ਪੀ. ਐਸ. ਸੀ.) ਦੇ ਅੱਜ ਆਏ ਨਤੀਜਿਆਂ ਵਿਚ ਅਨੁਜ ਅਗਨੀਹੋਤਰੀ (Anuj Agnihotri) ਨੇ ਪਹਿਲਾ ਸਥਾਨ ਪ੍ਰਾਪਤ ਕੀਤਾ ਹੈ ।
ਕਿਥੋਂ ਦੇ ਰਹਿਣ ਵਾਲੇ ਹਨ ਅਗਨੀਹੋਤਰੀ
ਮਿਲੀ ਜਾਣਕਾਰੀ ਮੁਤਾਬਕ ਸਿਵਲ ਸੇਵਾਵਾਂ ਪ੍ਰੀਖਿਆ 2025 ਦੇ ਨਤੀਜਿਆਂ ਵਿੱਚ ਜਿਸ ਅਨੁਜ ਅਗਨੀਹੋਤਰੀ ਨਾਮਕ ਵਿਅਕਤੀ ਨੇ ਦੇਸ਼ ਭਰ ਵਿਚੋਂ ਪਹਿਲਾ ਸਥਾਨ (First place) ਪ੍ਰਾਪਤ ਕਰਕੇ ਟਾਪਰ ਬਣੇ ਹਨ ਰਾਜਸਥਾਨ ਦੇ ਰਹਿਣ ਵਾਲੇ ਹਨ । ਅਨੁਜ ਨੇ ਪਹਿਲਾ ਸਥਾਨ ਪ੍ਰਾਪ ਕਰਕੇ ਸਿਰਫ਼ ਇਕ ਨਵੀਂ ਮਿਸਾਲ ਹੀ ਕਾਇਮ ਨਹੀਂ ਕੀਤੀ ਹੈ ਬਲਕਿ ਅਨੁਜ ਦੀ ਇਹ ਸਫਲਤਾ ਉਨ੍ਹਾਂ ਸਾਰੇ ਨੌਜਵਾਨਾਂ ਲਈ ਪ੍ਰੇਰਨਾ ਸਰੋਤ ਹੈ ਜੋ ਸਖ਼ਤ ਮਿਹਨਤ ਅਤੇ ਅਨੁਸ਼ਾਸਨ ਨਾਲ ਆਪਣੇ ਸੁਪਨਿਆਂ ਨੂੰ ਪੂਰਾ ਕਰਨਾ ਚਾਹੁੰਦੇ ਹਨ ।
ਅਨੁਜ ਨੇ ਤੀਸਰੀ ਕੋਸਿ਼ਸ਼ ਵਿਚ ਕੀਤਾ ਯੂ. ਪੀ. ਐਸ. ਸੀ. ਕਲੀਅਰ
ਅਨੁਜ ਰਾਜਸਥਾਨ ਦੇ ਕੋਟਾ ਨੇੜੇ ਰਾਵਤਭਾਟਾ ਦਾ ਰਹਿਣ ਵਾਲਾ ਹੈ । ਉਸਨੇ ਆਪਣੀ ਸਕੂਲੀ ਸਿੱਖਿਆ ਰਾਵਤਭਾਟਾ ਦੇ ਪਰਮਾਣੂ ਊਰਜਾ ਕੇਂਦਰੀ ਸਕੂਲ ਤੋਂ ਕੀਤੀ, ਜਿੱਥੇ 12ਵੀਂ ਜਮਾਤ ਵਿੱਚ ਉਸਨੇ 94% ਅੰਕ ਹਾਸਲ ਕੀਤੇ ਸਨ । ਅਨੁਜ ਇੱਕ ਪ੍ਰਤਿਭਾਸ਼ਾਲੀ ਵਿਦਿਆਰਥੀ ਰਿਹਾ ਹੈ । ਉਸਨੇ ਏ. ਆਈ. ਆਈ. ਐਮ. ਐਸ. ਜੋਧਪੁਰ ਤੋਂ ਐਮ. ਬੀ. ਬੀ. ਐਸ. ਦੀ ਡਿਗਰੀ ਪ੍ਰਾਪਤ ਕੀਤੀ ਹੈ ।
2023 ਵਿੱਚ ਆਪਣੀ ਡਾਕਟਰੀ ਪੜ੍ਹਾਈ ਪੂਰੀ ਕਰਨ ਤੋਂ ਬਾਅਦ ਉਸਨੇ ਪੂਰਾ ਧਿਆਨ ਯੂ. ਪੀ. ਐਸ. ਸੀ. ਦੀ ਤਿਆਰੀ ‘ਤੇ ਲਗਾ ਦਿੱਤਾ । ਉਸਦੇ ਪਿਤਾ ਕੇ. ਬੀ. ਅਗਨੀਹੋਤਰੀ ਰਾਜਸਥਾਨ ਪ੍ਰਮਾਣੂ ਬਿਜਲੀ ਘਰ ਵਿੱਚ ਸੇਵਾ ਨਿਭਾ ਰਹੇ ਹਨ ਅਤੇ ਉਸਦੀ ਮਾਂ ਮੰਜੂ ਅਗਨੀਹੋਤਰੀ ਇੱਕ ਘਰੇਲੂ ਔਰਤ ਹਨ । ਇਹ ਅਨੁਜ ਦੀ ਤੀਜੀ ਕੋਸਿ਼ਸ਼ ਸੀ । ਇਸ ਤੋਂ ਪਹਿਲਾਂ ਉਹ ਡੀ. ਏ. ਐਨ. ਆਈ. ਸੀ. ਐਸ. ਕੇਡਰ ਲਈ ਚੁਣਿਆ ਗਿਆ ਸੀ ।
Read more : ਹਰਿਆਣਾ ਵਿਚ 12ਵੀਂ ਜਮਾਤ ਦੀਆਂ ਪ੍ਰੀਖਿਆਵਾਂ ਹੋਣਗੀਆਂ 25 ਤੋਂ ਸ਼ੁਰੂ
 ਦੇ ਅੱਜ ਆਏ ਨਤੀਜਿਆਂ ਵਿਚ ਅਨੁਜ ਅਗਨੀਹੋਤਰੀ ਨੇ ਪਹਿਲਾ ਸਥਾਨ ਪ੍ਰਾਪਤ ਕੀਤਾ ਹੈ । ){kind=link}