ਇੱਕ ਹੋਰ ਥੱਪੜ ਕਾਂਡ ! ਹੁਣ SpiceJet ਦੀ ਮਹਿਲਾ ਮੁਲਾਜ਼ਮ ਨੇ CISF ਜਵਾਨ ਨੂੰ ਜੜਿਆ ਥੱਪੜ
ਕੰਗਨਾ ਥੱਪੜ ਕਾਂਡ ਤੋਂ ਬਾਅਦ ਏਅਰਪੋਰਟ ‘ਤੇ ਥੱਪੜ ਮਾਰਨ ਦਾ ਇੱਕ ਹੋਰ ਮਾਮਲਾ ਸਾਹਮਣੇ ਆਇਆ ਹੈ। ਦਰਅਸਲ , ਸੁਰੱਖਿਆ ਜਾਂਚ ਨੂੰ ਲੈ ਕੇ ਬਹਿਸ ਦੌਰਾਨ ਸਪਾਈਸ ਜੈੱਟ ਦੀ ਇੱਕ ਮਹਿਲਾ ਕਰਮਚਾਰੀ ਨੇ CISF ਦੇ ਇੱਕ ਜਵਾਨ ਨੂੰ ਥੱਪੜ ਮਾਰ ਦਿੱਤਾ, ਜਿਸ ਤੋਂ ਬਾਅਦ ਉਸ ਨੂੰ ਗ੍ਰਿਫ਼ਤਾਰ ਕਰ ਲਿਆ ਗਿਆ ਹੈ । ਇਸ ਦਾ ਵੀਡੀਓ ਵੀ ਸੋਸ਼ਲ ਮੀਡੀਆ ‘ਤੇ ਕਾਫੀ ਵਾਇਰਲ ਹੋ ਰਿਹਾ ਹੈ। CISF ਜਵਾਨਾਂ ਦਾ ਕਹਿਣਾ ਹੈ ਕਿ ਬਿਨ੍ਹਾਂ ਤਲਾਸ਼ੀ ਦੇ ਜ਼ਬਰਦਸਤੀ ਵਹੀਕਲ ਗੇਟ ਤੋਂ ਅੰਦਰ ਜਾਣ ਦੀ ਜ਼ਿਦ ‘ਤੇ ਮਨ੍ਹਾ ਕਰਨ ‘ਤੇ ਏਅਰਲਾਈਨ ਦੀ ਮਹਿਲਾ ਸਟਾਫ ਭੜਕ ਗਈ। ਜਿਸ ਤੋਂ ਬਾਅਦ ਉਸਨੇ CISF ਜਵਾਨ ਦੇ ਥੱਪੜ ਜੜ ਦਿੱਤਾ।
ਪੁਲਿਸ ਨੇ ਮਹਿਲਾ ਕਰਮਚਾਰੀ ਨੂੰ ਲਿਆ ਹਿਰਾਸਤ ਵਿੱਚ
ਜਿਸ ਤੋਂ ਬਾਅਦ ਪੀੜਤ CISF ਜਵਾਨ ਨੇ ਏਅਰਪੋਰਟ ਥਾਣੇ ਵਿੱਚ ਇਸਦੀ ਰਿਪੋਰਟ ਦਿੱਤੀ ਤੇ ਪੁਲਿਸ ਨੇ ਮਹਿਲਾ ਕਰਮਚਾਰੀ ਨੂੰ ਹਿਰਾਸਤ ਵਿੱਚ ਲੈ ਲਿਆ। ਥਾਣੇ ਵਿੱਚ ਦਰਜ ਰਿਪੋਰਟ ਵਿੱਚ ਦੱਸਿਆ ਕਿ ਰਾਤ ਦੇ ਸਮੇਂ ਜੈਪੁਰ ਏਅਰਪੋਰਟ ਨੇ ਵਹੀਕਲ ਗੇਟ ‘ਤੇ ਹਥਿਆਰ ਦੇ ਨਾਲ ਤਾਇਨਾਤ ਸੀ। ਉਦੋਂ ਵੀਰਵਾਰ ਸਵੇਰੇ 4.40 ਵਜੇ ਮਹਿਲਾ ਕਰਮਚਾਰੀ ਪਹੁੰਚੀ। ਉਸਨੇ ਦੱਸਿਆ ਕਿ ਜਦੋਂ ਉਹ ਵਹੀਕਲ ਗੇਟ ਤੋਂ ਅੰਦਰ ਜਾਣ ਲੱਗੀ ਤਾਂ ਉਸਨੇ ਮਹਿਲਾ ਕਰਮਚਾਰੀ ਰੋਕਿਆ। ਜਿਸ ਤੋਂ ਬਾਅਦ ਉਹ ਜਲਦੀ ਏਅਰਪੋਰਟ ਦੇ ਅੰਦਰ ਜਾਣ ਦੀ ਜ਼ਿਦ ਕਰਨ ਲੱਗੀ।
CISF ਸਟਾਫ ਨਾਲ ਬਹਿਸ ਕਰਦੇ ਹੋਏ ਮਾਰਿਆ ਥੱਪੜ
ਜਿਸ ਤੋਂ ਬਾਅਦ ਵੀ ਮਹਿਲਾ ਕਰਮਚਾਰੀ ਨੂੰ ਬਹੁਤ ਸਮਝਾਇਆ ਗਿਆ, ਪਰ ਉਹ ਨਾ ਮੰਨੀ। ਉਸਨੇ CISF ਸਟਾਫ ਨਾਲ ਬਹਿਸ ਕਰਦੇ ਹੋਏ ਅਚਾਨਕ ਹੀ ਉਸਦੇ ਥੱਪੜ ਮਾਰ ਦਿੱਤਾ। ਇਸ ਪੂਰੇ ਘਟਨਾਕ੍ਰਮ ਦੇ ਬਾਅਦ CISF CI ਨੇ ਏਅਰਪੋਰਟ ਪੁਲਿਸ ਥਾਣੇ ਵਿੱਚ ਰਿਪੋਰਟ ਦਿੱਤੀ। ਇਸਦੇ ਬਾਅਦ ਪੁਲਿਸ ਨੇ FIR ਦਰਜ ਕਰ ਕੇ ਮਹਿਲਾ ਕਰਮਚਾਰੀ ਨੂੰ ਹਿਰਾਸਤ ਵਿੱਚ ਲੈ ਲਿਆ।
ਇਹ ਵੀ ਪੜ੍ਹੋ : ਜਾਣੋ ਕਿਉਂ ਟ੍ਰੋਲ ਹੋ ਰਹੇ ਹਨ Yo Yo Honey Singh
ਜੈਪੁਰ ਹਵਾਈ ਅੱਡੇ ‘ਤੇ ਹੋਈ ਘਟਨਾ ਮੰਦਭਾਗੀ
ਇਸ ਪੂਰੀ ਘਟਨਾ ਨੂੰ ਲੈ ਕੇ ਸਪਾਈਸ ਜੈੱਟ ਦਾ ਕਹਿਣਾ ਹੈ ਕਿ ਜੈਪੁਰ ਹਵਾਈ ਅੱਡੇ ‘ਤੇ ਹੋਈ ਘਟਨਾ ਮੰਦਭਾਗੀ ਹੈ। ਗੇਟ ‘ਤੇ ਇੱਕ ਕੈਟਰਿੰਗ ਵਾਹਨ ਨੂੰ ਐਸਕਾਰਟ ਕਰਦੇ ਸਮੇਂ ਮਹਿਲਾ ਕਰਮਚਾਰੀ ਨੂੰ CISF ਜਵਾਨ ਦੀ ਅਪਮਾਨਜਨਕ ਭਾਸ਼ਾ ਦਾ ਸਾਹਮਣਾ ਕਰਨਾ ਪਿਆ। ਜਦਕਿ ਉਸ ਕੋਲ ਭਾਰਤ ਦੇ ਨਾਗਰਿਕ ਹਵਾਬਾਜ਼ੀ ਸੁਰੱਖਿਆ ਰੈਗੂਲੇਟਰ, ਬਿਊਰੋ ਆਫ ਸਿਵਲ ਐਵੀਏਸ਼ਨ ਸਕਿਓਰਿਟੀ ਵੱਲੋਂ ਜਾਰੀ ਕੀਤਾ ਗਿਆ ਏਅਰਪੋਰਟ ਐਂਟਰੀ ਪਾਸ ਸੀ।
