ਮਸ਼ਹੂਰ ਡਾਇਰੈਕਟਰ ‘ਤੇ ਜਿਨਸੀ ਸ਼ੋਸ਼ਣ ਦੇ ਲੱਗੇ ਦੋਸ਼ , FIR ਹੋਈ ਦਰਜ

ਮਸ਼ਹੂਰ ਡਾਇਰੈਕਟਰ ਰਣਜੀਤ ਖਿਲਾਫ ਕੇਰਲ ਪੁਲਿਸ ਵੱਲੋਂ FIR ਦਰਜ ਕੀਤੀ ਗਈ ਹੈ। ਉਨ੍ਹਾਂ ‘ਤੇ ਬੰਗਾਲੀ ਅਦਾਕਾਰਾ ਸ਼੍ਰੀਲੇਖਾ ਮਿੱਤਰਾ ਨੇ ਜਿਨਸੀ ਸ਼ੋਸ਼ਣ ਦਾ ਦੋਸ਼ ਲਗਾਇਆ ਸੀ। ਸ਼੍ਰੀਲੇਖਾ ਨੇ ਰੰਜੀਤ ਖਿਲਾਫ ਕੋਚੀ ਸਿਟੀ ਪੁਲਿਸ ਕਮਿਸ਼ਨਰ ਕੋਲ ਸ਼ਿਕਾਇਤ ਦਰਜ ਕਰਵਾਈ ਸੀ, ਜਿਸ ਤੋਂ ਬਾਅਦ FIR ਸ਼੍ਰੀਲੇਖਾ ਨੇ ਈਮੇਲ ਰਾਹੀਂ ਸ਼ਿਕਾਇਤ ਕੀਤੀ ਸੀ।

ਅਣਉਚਿਤ ਢੰਗ ਨਾਲ ਛੂਹਿਆ

ਇਸ ਸ਼ਿਕਾਇਤ ‘ਚ ਅਭਿਨੇਤਰੀ ਨੇ ਦੱਸਿਆ ਕਿ ਉਨ੍ਹਾਂ ਨੂੰ ਸਾਲ 2009 ‘ਚ ਰਿਲੀਜ਼ ਹੋਈ ਫਿਲਮ ‘ਪਲੇਰੀ ਮਾਨਿਕਯਮ: ਓਰੂ ਪਾਥਿਰਕੋਲਾਪਥਕਥਿੰਤੇ ਕਥਾ’ ਦੀ ਪੇਸ਼ਕਸ਼ ਹੋਈ ਸੀ। ਇਸ ਸਬੰਧੀ ਉਹ ਡਾਇਰੈਕਟਰ ਨੂੰ ਮਿਲੀ ਸੀ ਅਤੇ ਉਸ ਜਿਨਸੀ ਸ਼ੋਸ਼ਣ ਕਰਨ ਦੀ ਨੀਅਤ ਨਾਲ ਉਸ ਨੂੰ ਅਣਉਚਿਤ ਢੰਗ ਨਾਲ ਛੂਹਿਆ।

ਕੋਚੀ ਦੇ ਪੁਲਿਸ ਕਮਿਸ਼ਨਰ ਐਸ ਸਮਸੁੰਦਰ ਨੇ ਆਈਪੀਸੀ ਦੀ ਧਾਰਾ 354 ਦੇ ਤਹਿਤ ਕੇਸ ਦਰਜ ਕੀਤਾ ਹੈ। ਸ਼੍ਰੀਲੇਖਾ ਨੇ ਇਕ ਇੰਟਰਵਿਊ ‘ਚ ਦੱਸਿਆ ਸੀ ਕਿ ਫਿਲਮ ਦੀ ਸਕ੍ਰਿਪਟ ‘ਤੇ ਚਰਚਾ ਦੌਰਾਨ ਰੰਜੀਤ ਨੇ ਉਸ ਨਾਲ ਗਲਤ ਵਿਵਹਾਰ ਕੀਤਾ ਸੀ।

ਡਾਇਰੈਕਟਰ ਨਾਲ ਚੰਗੀ ਗੱਲਬਾਤ ਹੋਈ

ਜਸਟਿਸ ਹੇਮਾ ਕਮੇਟੀ ਦੀ ਰਿਪੋਰਟ ਤੋਂ ਬਾਅਦ ਮਲਿਆਲਮ ਫਿਲਮ ਇੰਡਸਟਰੀ ‘ਚ ਖਲਬਲੀ ਮਚ ਗਈ ਹੈ। ਇਸ ਰਿਪੋਰਟ ਦੇ ਆਉਣ ਤੋਂ ਬਾਅਦ ਸ਼੍ਰੀਲੇਖਾ ਨੇ ਕਿਹਾ ਕਿ ਜਦੋਂ ਉਹ ਡਾਇਰੈਕਟਰ ਨੂੰ ਮਿਲਣ ਗਈ ਤਾਂ ਉੱਥੇ ਬਹੁਤ ਸਾਰੇ ਲੋਕ ਮੌਜੂਦ ਸਨ। ਡਾਇਰੈਕਟਰ ਨਾਲ ਵੀ ਚੰਗੀ ਗੱਲਬਾਤ ਹੋਈ। ਉਨ੍ਹਾਂ ਨੇ ਨਿਰਦੇਸ਼ਕ ਨਾਲ ਆਪਣੀ ਨਿੱਜੀ ਜ਼ਿੰਦਗੀ ਬਾਰੇ ਵੀ ਗੱਲ ਕੀਤੀ। ਉਨ੍ਹੀਂ ਦਿਨੀਂ ਉਨ੍ਹਾਂ ਦਾ ਵਿਆਹੁਤਾ ਜੀਵਨ ਠੀਕ ਨਹੀਂ ਚੱਲ ਰਿਹਾ ਸੀ।

ਗੱਲਬਾਤ ਦੌਰਾਨ ਮੈਂ ਉਸ ਤੋਂ ਸਿਗਰਟ ਮੰਗੀ …

ਸ਼੍ਰੀਲੇਖਾ ਮਿਤਰਾ ਨੇ ਕਿਹਾ, “ਗੱਲਬਾਤ ਦੌਰਾਨ ਮੈਂ ਉਸ ਤੋਂ ਸਿਗਰਟ ਮੰਗੀ ਅਤੇ ਸ਼ਾਇਦ ਇਸ ਕਾਰਨ ਉਹ ਮੈਨੂੰ ਕੈਰੇਕਟਰਲੇਸ ਸਮਝਦਾ ਸੀ। ਮੁਲਾਕਾਤ ਤੋਂ ਬਾਅਦ, ਉਨ੍ਹਾਂ ਨੇ ਮੈਨੂੰ ਰਾਤ ਨੂੰ ਇੱਕ ਪਾਰਟੀ ਲਈ ਦੁਬਾਰਾ ਬੁਲਾਇਆ ਅਤੇ ਕਿਹਾ ਕਿ ਉਹ ਮੇਰੀ ਜਾਣ-ਪਛਾਣ ਕਰਨਾ ਚਾਹੁੰਦੇ ਹਨ। ਫਿਲਮ ਦੇ ਕਰੂ ਨੇ ਉਨ੍ਹਾਂ ਨੂੰ ਦੂਜੇ ਲੋਕਾਂ ਨਾਲ ਮਿਲਾਇਆ ਅਤੇ ਉਹ ਫ਼ੋਨ ‘ਤੇ ਗੱਲ ਕਰ ਰਹੇ ਸੀ ਅਤੇ ਮੈਂ ਉਨ੍ਹਾਂ ਦੇ ਨਾਲ ਉੱਪਰ ਕਮਰੇ ਵਿੱਚ ਚਲੀ ਗਈ।

ਇਹ ਵੀ ਪੜ੍ਹੋ : ਭੜਕਾਊ ਬਿਆਨ ਦੇਣ ‘ਤੇ ਕੰਗਨਾ ’ਤੇ ਹੋਵੇਗੀ ਕਾਰਵਾਈ , ਰਾਜ ਸਭਾ ਮੈਂਬਰ ਰਵਨੀਤ ਬਿੱਟੂ ਨੇ ਦਿੱਤੇ ਸੰਕੇਤ

ਰਣਜੀਤ ਮੇਰੀਆਂ ਚੂੜੀਆਂ ਨੂੰ ਛੂਹ ਰਿਹਾ ਸੀ…

ਸ਼੍ਰੀਲੇਖਾ ਮਿੱਤਰਾ ਨੇ ਅੱਗੇ ਕਿਹਾ, “ਕਮਰੇ ਵਿੱਚ ਹਨੇਰਾ ਸੀ। ਉਸ ਨੂੰ ਮੈਂ ਜਾਣਦੀ ਸੀ, ਇਸ ਲਈ ਮੈਂ ਵੀ ਉਸ ਨਾਲ ਫੋਨ ‘ਤੇ ਗੱਲ ਕਰਨ ਲੱਗੀ। ਜਦੋਂ ਮੈਂ ਗੱਲ ਕਰ ਰਹੀ ਸੀ ਤਾਂ ਰਣਜੀਤ ਮੇਰੀਆਂ ਚੂੜੀਆਂ ਨੂੰ ਛੂਹ ਰਿਹਾ ਸੀ। ਉਹ ਮੇਰੇ ਗਲੇ ਨੂੰ ਛੂਹ ਰਿਹਾ ਸੀ ਅਤੇ ਫਿਰ ਉਹ ਸ਼ੁਰੂ ਹੋ ਗਿਆ। ਮੇਰੇ ਵਾਲਾਂ ਨਾਲ ਖੇਡ ਰਿਹਾ ਸੀ, ਮੈਂ ਡਰ ਗਈ ਅਤੇ ਫਿਰ ਬਹਾਨਾ ਬਣਾ ਕੇ ਉੱਥੋਂ ਚਲੀ ਗਈ।