ਅਯੁੱਧਿਆ, 9 ਮਾਰਚ 2026 : ਭਾਰਤ ਦੇਸ਼ ਦੇ ਪ੍ਰਸਿੱਧ ਫਿ਼ਲਮ ਸਟਾਰ (Film star) ਅਮਿਤਾਭ ਬੱਚਨ ਵਲੋਂ ਅਯੁੱਧਿਆ ਵਿਖੇ ਕਰੋੜਾ ਰੁਪਏ ਦੀ ਪ੍ਰਾਪਰਟੀ ਖਰੀਦਣ (Buying property) ਦਾ ਮਾਮਲਾ ਸਾਹਮਣੇ ਆਇਆ ਹੈ ।
ਕਿੰਨੇ ਏਕੜ ਦਾ ਹੈ ਇਹ ਪਲਾਟ
ਬਾਲੀਵੁੱਡ ਦੇ ਮਸ਼ਹੂਰ ਅਦਾਕਾਰ ਅਮਿਤਾਭ ਬੱਚਨ (Amitabh Bachchan) ਨੇ ਅਯੁੱਧਿਆ ‘ਚ 2.67 ਏਕੜ ਦਾ ਪਲਾਟ 35 ਕਰੋੜ ਰੁਪਏ ‘ਚ ਖਰੀਦਿਆ ਹੈ । ਇਹ ਸੌਦਾ ਰੀਅਲ ਅਸਟੇਟ ਕੰਪਨੀ `ਹਾਊਸ ਆਫ ਅਭਿਨੰਦਨ ਲੋਢਾ`(ਐੱਚ. ਓ. ਏ. ਬੀ. ਐੱਲ.) ਅਤੇ ਅਮਿਤਾਭ ਦੀ ਕੰਪਨੀ ਏ. ਬੀ. ਕਾਰਪ ਲਿਮਟਿਡ ਦੇ ਪ੍ਰਬੰਧ ਨਿਰਦੇਸ਼ਕ ਰਾਜੇਸ਼ ਯਾਦਵ ਰਾਹੀਂ ਸੰਪੰਨ ਹੋਇਆ । ਇਹ ਪਲਾਟ ਕੰਪਨੀ ਦੇ 75 ਏਕੜ ਦੇ ਲਗਜ਼ਰੀ ਭੂ-ਵਿਕਾਸ ਪ੍ਰਾਜੈਕਟ `ਦਿ ਸਰਯੂ` ਦੇ ਨੇੜੇ ਸਥਿਤ ਹੈ ।
ਐੱਚ. ਓ. ਏ. ਬੀ. ਐੱਲ. ਦੇ ਚੇਅਰਮੈਨ ਨੇ ਕੀ ਦੱਸਿਆ
ਜਨਵਰੀ, 2024 `ਚ ਵੀ ਬੱਚਨ ਨੇ ਇਸ ਪ੍ਰਾਜੈਕਟ `ਚ ਇਕ ਪਲਾਟ ਖਰੀਦਿਆ ਸੀ । ਕੰਪਨੀ ਅਨੁਸਾਰ ਇਹ ਅਯੁੱਧਿਆ (Ayodhya) ‘ਚ ਉਨ੍ਹਾਂ ਦੇ ਮਾਧਿਅਮ ਰਾਹੀਂ ਕੀਤਾ ਗਿਆ ਤੀਜਾ ਨਿਵੇਸ਼ ਅਤੇ ਕੁੱਲ ਮਿਲਾ ਕੇ ਚੌਥਾ ਨਿਵੇਸ਼ ਹੈ । ਇਸ ਤੋਂ ਇਲਾਵਾ ਬੱਚਨ ਨੇ ਐੱਚ. ਓ. ਏ. ਬੀ. ਐੱਲ. ਦੇ ਅਲੀਬਾਗ ਪ੍ਰਾਜੈਕਟ ‘ਚ ਵੀ 10 ਹਜ਼ਾਰ ਵਰਗ ਫੁੱਟ ਦਾ ਪਲਾਟ ਖਰੀਦਿਆ ਸੀ । ਐੱਚ. ਓ. ਏ. ਬੀ. ਐੱਲ. ਦੇ ਚੇਅਰਮੈਨ ਅਭਿਨੰਦਨ ਲੋਢਾ ਨੇ ਦੱਸਿਆ ਕਿ ਅਯੁੱਧਿਆ ‘ਚ ਬੁਨਿਆਦੀ ਢਾਂਚੇ ਅਤੇ ਸਰਕਾਰੀ ਨਿਵੇਸ਼ ਦੇ ਨਿਰੰਤਰ ਵਿਕਾਸ ਕਾਰਨ ਇਹ ਲੰਬੀ ਮਿਆਦ ਦੇ ਜ਼ਮੀਨ ਨਿਵੇਸ਼ ਲਈ ਆਕਰਸ਼ਕ ਬਣ ਰਹੀ ਹੈ ।
Read More : ਹੈਦਰਾਬਾਦ ‘ਚ ਗੋਦਰੇਜ ਪ੍ਰਾਪਰਟੀਜ਼ ਨੇ 2600 ਕਰੋੜ ਰੁਪਏ ਤੋਂ ਵੱਧ ਦੇ ਘਰ ਵੇਚੇ
