ਅਮਰੀਕੀ ਇਨਫਲੂਇੰਸਰ ਦਾ ਵੱਡਾ ਦਾਅਵਾ, ਐਲਨ ਮਸਕ ਬਾਰੇ ਕਹੀ ਆਹ ਗੱਲ
ਅਮਰੀਕੀ ਸੋਸ਼ਲ ਮੀਡੀਆ ਪ੍ਰਭਾਵਕ ਅਤੇ ਲੇਖਕ ਐਸ਼ਲੇ ਸੇਂਟ ਕਲੇਅਰ ਨੇ ਦਾਅਵਾ ਕੀਤਾ ਹੈ ਕਿ ਉਹ ਟੇਸਲਾ ਕੰਪਨੀ ਦੇ ਮਾਲਕ ਐਲਨ ਮਸਕ ਦੇ ਪੁੱਤਰ ਦੀ ਮਾਂ ਹੈ। ਕਲੇਅਰ ਨੇ ਕਿਹਾ ਕਿ ਉਸਨੇ 5 ਮਹੀਨੇ ਪਹਿਲਾਂ ਗੁਪਤ ਤਰੀਕੇ ਨਾਲ ਇਸ ਬੱਚੇ ਨੂੰ ਜਨਮ ਦਿੱਤਾ ਸੀ, ਪਰ ਸੁਰੱਖਿਆ ਅਤੇ ਨਿੱਜਤਾ ਦੇ ਕਾਰਨ ਇਸਦਾ ਐਲਾਨ ਪਹਿਲਾਂ ਨਹੀਂ ਕੀਤਾ।
ਇਹ ਵੀ ਪੜ੍ਹੋ- ਇਸ ਅਦਾਕਾਰ ਨੇ ਕਰਾਇਆ ਦੂਜੇ ਵਿਆਹ, ਪਰਿਵਾਰਕ ਮੈਂਬਰ ਵੀ ਹੋਏ ਹੈਰਾਨ
ਜੇਕਰ ਕਲੇਅਰ ਦਾ ਦਾਅਵਾ ਸੱਚ ਹੈ ਤਾਂ ਇਹ ਮਸਕ ਦਾ 13ਵਾਂ ਬੱਚਾ ਹੋਵੇਗਾ। ਮਸਕ ਦੀਆਂ ਦੋ ਪਤਨੀਆਂ ਅਤੇ ਤਿੰਨ ਪ੍ਰੇਮਿਕਾਵਾਂ ਤੋਂ 12 ਬੱਚੇ ਹਨ।
ਐਸ਼ਲੇ ਕਲੇਅਰ ਨੇ X ‘ਤੇ 10 ਲੱਖ ਫਾਲੋਅਰਜ਼ ਕੀਤੇ ਪੂਰੇ
26 ਸਾਲਾ ਐਸ਼ਲੇ ਸੇਂਟ ਕਲੇਅਰ ਇੱਕ ਪ੍ਰਭਾਵਕ ਅਤੇ ਲੇਖਕ ਹੈ। ਉਸਨੇ ਇੱਕ ਕਿਤਾਬ ਲਿਖੀ ਹੈ ਜਿਸਦਾ ਨਾਮ ਹੈ “ਐਲੀਫੈਂਟਸ ਔਰ ਨਾਟ ਬਰਡਜ਼”। ਮੀਡੀਆ ਰਿਪੋਰਟਾਂ ਦੇ ਅਨੁਸਾਰ, ਐਸ਼ਲੇ, ਜੋ ਕਿ ਨਿਊਯਾਰਕ ਦੇ ਸਭ ਤੋਂ ਮਹਿੰਗੇ ਇਲਾਕੇ ਮੈਨਹਟਨ ਵਿੱਚ ਰਹਿੰਦੀ ਹੈ, ਰੂੜੀਵਾਦੀ ਵਿਚਾਰਾਂ ਦਾ ਸਮਰਥਨ ਕਰਦੀ ਹੈ। ਐਕਸ ‘ਤੇ ਉਸਦੇ 1 ਮਿਲੀਅਨ ਫਾਲੋਅਰਜ਼ ਹਨ।
ਡੇਲੀ ਮੇਲ ਦੇ ਅਨੁਸਾਰ, ਐਸ਼ਲੇ ਕਲੇਅਰ ਮੈਨਹਟਨ ਵਿੱਚ ਇੱਕ ਆਲੀਸ਼ਾਨ ਅਪਾਰਟਮੈਂਟ ਵਿੱਚ ਰਹਿ ਰਹੀ ਹੈ, ਜਿਸਦਾ ਮਹੀਨਾਵਾਰ ਕਿਰਾਇਆ 12 ਤੋਂ 15 ਹਜ਼ਾਰ ਡਾਲਰ ਯਾਨੀ ਲਗਭਗ 13 ਲੱਖ ਰੁਪਏ ਹੈ। ਇੱਥੇ ਰਹਿਣ ਵਾਲੇ ਲੋਕਾਂ ਨੇ ਦੱਸਿਆ ਕਿ ਐਸ਼ਲੇ ਟੇਸਲਾ ਸਾਈਬਰ ਟਰੱਕ ਦੇ ਮਾਲਕ ਪਹਿਲੇ ਲੋਕਾਂ ਵਿੱਚੋਂ ਇੱਕ ਸੀ।
ਮਸਕ ਪਿਛਲੇ ਸਾਲ 12ਵੇਂ ਬੱਚੇ ਦਾ ਪਿਤਾ ਬਣਿਆ
ਐਲੋਨ ਮਸਕ ਨੇ ਅਜੇ ਤੱਕ ਇਸ ਦਾਅਵੇ ‘ਤੇ ਕੋਈ ਬਿਆਨ ਨਹੀਂ ਦਿੱਤਾ ਹੈ। ਮਸਕ ਇਸ ਸਮੇਂ ਨਿਊਰਲਿੰਕ ਦੇ ਮੈਨੇਜਰ ਸ਼ਿਵੋਨ ਜਿਲਿਸਲ ਨਾਲ ਰਿਸ਼ਤੇ ਵਿੱਚ ਹੈ। ਦੋਵਾਂ ਦੇ ਤਿੰਨ ਬੱਚੇ ਹਨ। ਉਹ ਪਿਛਲੇ ਸਾਲ ਹੀ ਆਪਣੇ 12ਵੇਂ ਬੱਚੇ ਦਾ ਪਿਤਾ ਬਣਿਆ ਸੀ।
ਮਸਕ ਨੇ ਪਹਿਲਾ ਵਿਆਹ 2000 ਵਿੱਚ ਕੈਨੇਡੀਅਨ ਲੇਖਕ ਜਸਟਿਨ ਵਿਲਸਨ ਨਾਲ ਕੀਤਾ ਸੀ। ਉਨ੍ਹਾਂ ਦਾ ਪਹਿਲਾ ਪੁੱਤਰ, ਨੇਵਾਡਾ, 2002 ਵਿੱਚ ਪੈਦਾ ਹੋਇਆ ਸੀ ਅਤੇ ਜਦੋਂ ਉਹ ਦਸ ਹਫ਼ਤਿਆਂ ਦਾ ਸੀ ਤਾਂ ਉਸਦੀ ਮੌਤ ਇਨਫੈਂਟ ਡੈਥ ਸਿੰਡਰੋਮ ਨਾਲ ਹੋ ਗਈ। ਉਸਨੇ 2008 ਵਿੱਚ ਵਿਲਸਨ ਤੋਂ ਤਲਾਕ ਲੈ ਲਿਆ।
