Akshay Kumar ਦੀ ਫਿਲਮ Sky Force ਹੋਈ ਹਿੱਟ, ਕੀਤੀ ਬੰਪਰ ਕਮਾਈ
Akshay Kumar ਦੀ ਫਿਲਮ Sky Force 24 ਜਨਵਰੀ ਨੂੰ ਰਿਲੀਜ਼ ਹੋਈ ਸੀ ਤੇ ਇਹ ਫ਼ਿਲਮ ਹਿੱਟ ਸਾਬਿਤ ਹੋਈ ਹੈ | ਫਿਲਮ ਨੇ ਸਿਰਫ਼ 3 ਦਿਨਾਂ ਵਿੱਚ ਬੰਪਰ ਕਮਾਈ ਕੀਤੀ ਹੈ | ਜਿਸ ਦੇ ਤਹਿਤ ਹੁਣ ਤੱਕ ਫ਼ਿਲਮ 60 ਕਰੋੜ ਰੁਪਏ ਤੋਂ ਵੱਧ ਦੀ ਕਮਾਈ ਕਰ ਚੁੱਕੀ ਹੈ | ਅਕਸ਼ੈ ਕੁਮਾਰ ਫ਼ਿਲਮ ਦੇ ਵਿੱਚ ਲੀਡ ਕਿਰਦਾਰ ਦੇ ਵਿੱਚ ਹਨ | ਵੀਰ ਪਹਾੜੀਆ ਨੇ ਇਸ ਫਿਲਮ ਨਾਲ ਆਪਣਾ ਡੈਬਿਊ ਕੀਤਾ ਹੈ। ਅਦਾਕਾਰਾ ਸਾਰਾ ਅਲੀ ਖਾਨ ਸਕਾਈ ਫੋਰਸ ਵਿੱਚ ਵੀਰ ਦੇ ਨਾਲ ਨਜ਼ਰ ਆ ਰਹੀ ਹੈ। ਫਿਲਮ ਵਿੱਚ ਅਕਸ਼ੈ ਕੁਮਾਰ ਦੀ ਐਕਟਿੰਗ ਦੀ ਬਹੁਤ ਪ੍ਰਸ਼ੰਸਾ ਹੋ ਰਹੀ ਹੈ। ਇਸ ਫਿਲਮ ਨੇ ਅਕਸ਼ੈ ਕੁਮਾਰ ਦੇ ਕਰੀਅਰ ਨੂੰ ਮੁੜ ਆਪਣੇ ਟ੍ਰੈਕ ‘ਤੇ ਲਿਆ ਖੜਾ ਕੀਤਾ ਹੈ |
ਫਿਲਮ ਨੇ ਸਾਰੇ ਰਿਕਾਰਡ ਤੋੜ ਕਮਾਈ ਕੀਤੀ
ਦਰਅਸਲ, ਇਸ ਤੋਂ ਪਹਿਲਾਂ, ਪਿਛਲੇ ਕੁਝ ਸਾਲਾਂ ਤੋਂ ਅਕਸ਼ੈ ਕੁਮਾਰ ਦੀਆਂ ਫਿਲਮਾਂ ਫਲਾਪ ਹੋ ਰਹੀਆਂ ਸਨ। ਪਰ ਇਸ ਫਿਲਮ ਨੇ ਸਾਰੇ ਰਿਕਾਰਡ ਤੋੜ ਕਮਾਈ ਕੀਤੀ ਹੈ। ਤੁਹਾਨੂੰ ਦਸ ਦੇਈਏ ਕਿ ਇਹ ਕੋਵਿਡ ਤੋਂ ਬਾਅਦ ਅਕਸ਼ੈ ਕੁਮਾਰ ਦੀ ਤੀਜੀ ਸਭ ਤੋਂ ਵੱਧ ਕਮਾਈ ਕਰਨ ਵਾਲੀ ਫਿਲਮ ਬਣ ਗਈ ਹੈ। ਅੰਕੜਿਆਂ ਦੀ ਗੱਲ ਕਰੀਏ ਤਾਂ ਇਸ ਤੋਂ ਪਹਿਲਾਂ ਇਹ ਰਿਕਾਰਡ ਸੂਰਿਆਵੰਸ਼ੀ (195.04 ਕਰੋੜ) ਅਤੇ ਓਐਮਜੀ (150 ਕਰੋੜ) ਦੇ ਨਾਂ ਸੀ।
ਇਹ ਵੀ ਪੜ੍ਹੋ : ਕੌਣ ਸੀ Faisal Jatt ? ਜਿਸ ਲਈ ਪਾਕਿਸਤਾਨ ‘ਚ ਹੋਇਆ ਦੁਨੀਆ ਦਾ ਸਭ ਤੋਂ ਵੱਡਾ ਮੁਕਾਬਲਾ
ਦੂਜੀ ਸਭ ਤੋਂ ਵੱਧ ਕਮਾਈ ਕਰਨ ਵਾਲੀ ਦੇਸ਼ ਭਗਤੀ ਵਾਲੀ ਫਿਲਮ
ਇਸ ਦੇ ਨਾਲ ਹੀ ਸਕਾਈ ਫੋਰਸ ਅਕਸ਼ੈ ਕੁਮਾਰ ਦੀ ਦੂਜੀ ਸਭ ਤੋਂ ਵੱਧ ਕਮਾਈ ਕਰਨ ਵਾਲੀ ਦੇਸ਼ ਭਗਤੀ ਵਾਲੀ ਫਿਲਮ ਬਣ ਗਈ ਹੈ। ਕੋਵਿਡ ਤੋਂ ਬਾਅਦ ਅਕਸ਼ੈ ਦੀ ਪਹਿਲੀ ਸਭ ਤੋਂ ਵੱਧ ਕਮਾਈ ਕਰਨ ਵਾਲੀ ਦੇਸ਼ ਭਗਤੀ ਵਾਲੀ ਫਿਲਮ ਸੂਰਿਆਵੰਸ਼ੀ ਸੀ। ਕੋਵਿਡ ਤੋਂ ਬਾਅਦ, ਅਕਸ਼ੈ ਦੀ ਸੂਰਿਆਵੰਸ਼ੀ ਨੇ 26.29 ਕਰੋੜ ਦੀ ਕਮਾਈ ਕੀਤੀ। ਜਦੋਂ ਕਿ ਬੜੇ ਮੀਆਂ ਛੋਟੇ ਮੀਆਂ ਨੇ 16.07 ਕਰੋੜ ਦੀ ਓਪਨਿੰਗ ਕੀਤੀ ਸੀ ਅਤੇ ਸਕਾਈ ਫੋਰਸ ਨੇ 15.30 ਕਰੋੜ ਰੁਪਏ ਦੇ ਕੁੱਲ ਕਲੈਕਸ਼ਨ ਨਾਲ ਸ਼ੁਰੂਆਤ ਕੀਤੀ ਹੈ। ਇਹ ਫਿਲਮ ਕੋਵਿਡ ਤੋਂ ਬਾਅਦ ਤੀਜੀ ਸਭ ਤੋਂ ਵੱਡੀ ਓਪਨਰ ਬਣ ਗਈ ਹੈ।
ਸਕਾਈ ਫੋਰਸ ਦੇ 3 ਦਿਨਾਂ ਦੇ ਨੈੱਟ ਕਲੈਕਸ਼ਨ ਦੀ ਗੱਲ ਕਰੀਏ ਤਾਂ ਇੱਕ ਰਿਪੋਰਟ ਦੇ ਅਨੁਸਾਰ, ਫਿਲਮ ਨੇ ਪਹਿਲੇ ਦਿਨ 12.25 ਕਰੋੜ ਰੁਪਏ ਦਾ ਕੁੱਲ ਕਲੈਕਸ਼ਨ ਕੀਤਾ ਸੀ। ਫਿਲਮ ਨੇ ਦੂਜੇ ਦਿਨ 22 ਕਰੋੜ ਰੁਪਏ ਦਾ ਕਾਰੋਬਾਰ ਕੀਤਾ। ਹੁਣ ਫਿਲਮ ਨੇ ਤੀਜੇ ਦਿਨ 27.50 ਕਰੋੜ ਰੁਪਏ ਦੀ ਕਮਾਈ ਕਰ ਲਈ ਹੈ। ਫਿਲਮ ਦਾ ਕੁੱਲ ਕਲੈਕਸ਼ਨ 61.75 ਕਰੋੜ ਰੁਪਏ ਤੱਕ ਪਹੁੰਚ ਗਿਆ ਹੈ।
