ਡਿਲੀਵਰੀ ਤੋਂ ਬਾਅਦ ਰਣਵੀਰ -ਦੀਪਿਕਾ ਨੇ ਸਾਂਝੀ ਕੀਤੀ ਤਸਵੀਰ, ਮਿਲੀਆਂ ਵਧਾਈਆਂ
ਦੀਪਿਕਾ ਪਾਦੂਕੋਣ ਅਤੇ ਰਣਵੀਰ ਸਿੰਘ ਮਾਤਾ-ਪਿਤਾ ਬਣ ਗਏ ਹਨ। ਉਹਨਾਂ ਦੇ ਬੇਟੀ ਨੇ ਜਨਮ ਲਿਆ ਹੈ | ਪਿਤਾ ਬਣਨ ਦੇ ਕੁਝ ਸਮੇਂ ਬਾਅਦ ਰਣਵੀਰ ਸਿੰਘ ਨੇ ਸੋਸ਼ਲ ਮੀਡੀਆ ‘ਤੇ ਪ੍ਰਸ਼ੰਸਕਾਂ ਅਤੇ ਦੋਸਤਾਂ ਨਾਲ ਇਹ ਖੁਸ਼ਖਬਰੀ ਸਾਂਝੀ ਕੀਤੀ। ਰਣਵੀਰ ਸਿੰਘ ਅਤੇ ਦੀਪਿਕਾ ਪਾਦੁਕੋਣ ਦੀ ਇਹ ਖੁਸ਼ਖਬਰੀ ਸੁਣ ਕੇ ਉਨ੍ਹਾਂ ਦੇ ਪ੍ਰਸ਼ੰਸਕ ਖੁਸ਼ੀ ਨਾਲ ਭਰ ਗਏ ਹਨ। ਜੋੜੇ ਦੇ ਪ੍ਰਸ਼ੰਸਕਾਂ ਅਤੇ ਦੋਸਤਾਂ ਨੇ ਸੋਸ਼ਲ ਮੀਡੀਆ ‘ਤੇ ਕਾਫੀ ਪਿਆਰ ਦੀ ਵਰਖਾ ਕੀਤੀ ਹੈ।
ਕਈ ਵੱਡੇ ਨਾਮਾਂ ਨੇ ਇਸ ਜੋੜੀ ਨੂੰ ਵਧਾਈ ਦਿੱਤੀ
ਅਰਜੁਨ ਕਪੂਰ, ਗੌਹਰ ਖਾਨ, ਪੂਜਾ ਹੇਗੜੇ, ਹਾਰਦਿਕ ਪੰਡਯਾ, ਮਲਾਇਕਾ ਅਰੋੜਾ, ਪਰਿਣੀਤੀ ਚੋਪੜਾ, ਆਥੀਆ ਸ਼ੈੱਟੀ, ਸੁਨੀਲ ਗਰੋਵਰ, ਮਹੀਪ ਕਪੂਰ, ਵਿਸ਼ਾਲ ਡਡਲਾਨੀ ਵਰਗੇ ਮਨੋਰੰਜਨ ਜਗਤ ਦੇ ਕਈ ਵੱਡੇ ਨਾਮਾਂ ਨੇ ਇਸ ਜੋੜੀ ਨੂੰ ਵਧਾਈ ਦਿੱਤੀ ਹੈ। ਰਣਵੀਰ ਸਿੰਘ ਨੇ ਆਪਣੀ ਪੋਸਟ ‘ਚ ਲਿਖਿਆ, ‘8.9.2024 ਨੂੰ ਬੇਬੀ ਗਰਲ ਦਾ ਸੁਆਗਤ ਹੈ। ਦੀਪਿਕਾ ਅਤੇ ਰਣਵੀਰ।
ਆਪਣੀ ਖੁਸ਼ੀ ਜ਼ਾਹਰ ਕਰਦੇ ਹੋਏ ਅਰਜੁਨ ਕਪੂਰ ਨੇ ਲਿਖਿਆ, ‘ਲਕਸ਼ਮੀ ਆਈ ਹੈ, ਰਾਣੀ ਆ ਗਈ ਹੈ!!! , ਸ਼ਰਵਰੀ ਵਾਘ ਨੇ ਦਿਲ ਦੇ ਇਮੋਜੀ ਨਾਲ ਜੋੜੀ ਨੂੰ ਵਧਾਈ ਦਿੱਤੀ ਹੈ। ਮਲਾਇਕਾ ਅਰੋੜਾ ਨੇ ਵੀ ਜੋੜੀ ਨੂੰ ਵਧਾਈ ਦਿੱਤੀ। ਅਨੰਨਿਆ ਪਾਂਡੇ ਵੀ ਜਜ਼ਬਾਤਾਂ ‘ਤੇ ਕਾਬੂ ਨਾ ਰੱਖ ਸਕੀ ਅਤੇ ਲਿਖਿਆ, ‘ਬੇਬੀ ਗਰਲ! ਵਧਾਈਆਂ’।
ਆਲੀਆ ਭੱਟ ਨੇ ਵੀ ਇਸ ਜੋੜੀ ‘ਤੇ ਕਾਫੀ ਪਿਆਰ ਦਿਖਾਇਆ
ਰਾਜਕੁਮਾਰ ਰਾਓ ਨੇ ਵੀ ਜੋੜੀ ਨੂੰ ਵਧਾਈ ਦਿੱਤੀ। ਉਨ੍ਹਾਂ ਨੇ ਰਣਵੀਰ ਦੀ ਪੋਸਟ ‘ਤੇ ਲਿਖਿਆ, ‘ਦਿਲੋਂ ਵਧਾਈਆਂ। ਮੈਂ ਤੁਹਾਡੇ ਦੋਵਾਂ ਲਈ ਬਹੁਤ ਖੁਸ਼ ਹਾਂ। ‘ਰੌਕੀ ਔਰ ਰਾਣੀ ਕੀ ਪ੍ਰੇਮ ਕਹਾਣੀ’ ‘ਚ ਰਣਵੀਰ ਸਿੰਘ ਦੀ ਕੋ-ਸਟਾਰ ਆਲੀਆ ਭੱਟ ਨੇ ਵੀ ਇਸ ਜੋੜੀ ‘ਤੇ ਕਾਫੀ ਪਿਆਰ ਦਿਖਾਇਆ ਹੈ।
ਦੀਪਿਕਾ ਪਾਦੁਕੋਣ ਅਤੇ ਰਣਵੀਰ ਸਿੰਘ ਨੂੰ ਵਧਾਈ ਦਿੰਦੇ ਹੋਏ ਪ੍ਰਿਯੰਕਾ ਚੋਪੜਾ ਨੇ ਵੀ ਉਨ੍ਹਾਂ ਦੀ ਬੇਟੀ ‘ਤੇ ਢੇਰ ਸਾਰੇ ਪਿਆਰ ਦੀ ਵਰਖਾ ਕੀਤੀ ਹੈ। ਪ੍ਰਿਅੰਕਾ ਨੇ ਸੰਜੇ ਲੀਲਾ ਭੰਸਾਲੀ ਦੇ ਨਿਰਦੇਸ਼ਨ ‘ਚ ਬਣੀ ਫਿਲਮ ‘ਬਾਜੀਰਾਵ ਮਸਤਾਨੀ’ ‘ਚ ਇਸ ਜੋੜੀ ਨਾਲ ਕੰਮ ਕੀਤਾ ਸੀ। ਇਸ ਫਿਲਮ ‘ਚ ਉਹ ਕਾਸ਼ੀਬਾਈ ਦੇ ਕਿਰਦਾਰ ‘ਚ ਨਜ਼ਰ ਆਈ ਸੀ।
