ਨਤਾਸ਼ਾ ਨਾਲ ਤਲਾਕ ਤੋਂ ਬਾਅਦ ਹਾਰਦਿਕ ਪੰਡਯਾ ਨੂੰ ਮਿਲਿਆ ਆਪਣਾ ਸੱਚਾ ਪਿਆਰ !
ਨਤਾਸ਼ਾ ਸਟੈਨਕੋਵਿਚ ਨਾਲ ਤਲਾਕ ਤੋਂ ਬਾਅਦ ਕ੍ਰਿਕਟਰ ਹਾਰਦਿਕ ਪੰਡਯਾ ਨੂੰ ਆਪਣਾ ਸੱਚਾ ਪਿਆਰ ਮਿਲ ਗਿਆ ਹੈ | ਇਹ ਅਸੀਂ ਨਹੀਂ ਕਹਿ ਰਹੇ ,ਇਹ ਸੋਸ਼ਲ ਮੀਡੀਆ ‘ਤੇ ਉਹਨਾਂ ਦੇ ਪ੍ਰਸ਼ੰਸ਼ਕ ਕਹਿ ਰਹੇ ਹਨ | ਦਰਅਸਲ , ਹੁਣ ਕ੍ਰਿਕਟਰ ਦਾ ਨਾਂ ਬ੍ਰਿਟਿਸ਼ ਗਾਇਕ ਨਾਲ ਜੋੜਿਆ ਜਾ ਰਿਹਾ ਹੈ। ਉਹ ਗਾਇਕਾ ਜੈਸਮੀਨ ਵਾਲੀਆ ਨਾਲ ਆਪਣੇ ਅਫੇਅਰ ਦੀਆਂ ਅਫਵਾਹਾਂ ਕਾਰਨ ਸੁਰਖੀਆਂ ‘ਚ ਹੈ। ਗਾਇਕਾ ਨੇ ਇੱਕ ਤਾਜ਼ਾ ਤਸਵੀਰ ਪੋਸਟ ਕਰਕੇ ਹਾਰਦਿਕ ਪੰਡਯਾ ਨਾਲ ਡੇਟਿੰਗ ਦੀਆਂ ਅਫਵਾਹਾਂ ਨੂੰ ਹਵਾ ਦਿੱਤੀ ਹੈ। ਫੋਟੋ ਨੂੰ ਦੇਖ ਕੇ ਪ੍ਰਸ਼ੰਸਕਾਂ ਨੂੰ ਲੱਗਦਾ ਹੈ ਕਿ ਹਾਰਦਿਕ ਅਤੇ ਜੈਸਮੀਨ ਗ੍ਰੀਸ ਵਿੱਚ ਇਕੱਠੇ ਛੁੱਟੀਆਂ ਮਨਾ ਰਹੇ ਹਨ।
ਹਾਰਦਿਕ ਅਤੇ ਜੈਸਮੀਨ ਇੱਕ ਦੂਜੇ ਨੂੰ ਕਰ ਰਹੇ ਡੇਟ
ਹਾਰਦਿਕ ਅਤੇ ਜੈਸਮੀਨ ਨੇ ਆਪਣੀ ਛੁੱਟੀਆਂ ਬਾਰੇ ਜੋ ਵੀ ਝਲਕੀਆਂ ਦਿਖਾਈਆਂ, ਉਸ ਨੂੰ ਦੇਖ ਕੇ ਨੇਟੀਜ਼ਨਜ਼ ਮਹਿਸੂਸ ਕਰਦੇ ਹਨ ਕਿ ਉਹ ਇਕੱਠੇ ਹਨ। ਹੁਣ ਇੱਕ Reddit ਯੂਜ਼ਰ ਨੇ ਦਾਅਵਾ ਕੀਤਾ ਹੈ ਕਿ ਜੈਸਮੀਨ ਦੀ ਤਸਵੀਰ ਵਿੱਚ ਦਿਖਾਈ ਦੇਣ ਵਾਲੇ ਸਖ਼ਸ ਦਾ ਹੱਥ ਹਾਰਦਿਕ ਪੰਡਯਾ ਦਾ ਹੈ। ਵਾਇਰਲ ਫੋਟੋ ‘ਚ ਗਾਇਕ ਸੈਲਫੀ ਲੈਂਦੇ ਨਜ਼ਰ ਆ ਰਹੇ ਹਨ।ਹਾਰਦਿਕ ਅਤੇ ਜੈਸਮੀਨ ਦੀ ਤਸਵੀਰਾਂ ਦੇਖ ਕੇ ਪ੍ਰਸ਼ੰਸਕਾਂ ਨੂੰ ਲੱਗਦਾ ਹੈ ਕਿ ਹਾਰਦਿਕ ਅਤੇ ਜੈਸਮੀਨ ਇੱਕ ਦੂਜੇ ਨੂੰ ਡੇਟ ਕਰ ਰਹੇ ਹਨ।
ਤਸਵੀਰਾਂ ਅਤੇ ਵੀਡੀਓ ਦੋਵਾਂ ਦੇ ਇੱਕੋ ਜਿਹੇ ਬੈਕਗਰਾਉਂਡ
ਜੈਸਮੀਨ ਨੇ ਹਾਲ ਹੀ ਵਿੱਚ ਬਿਕਨੀ ਅਤੇ ਨੀਲੀ ਸ਼ਰਟ ਵਿੱਚ ਆਪਣੀ ਪਿਆਰੀ ਤਸਵੀਰ ਪੋਸਟ ਕੀਤੀ ਸੀ, ਜਿਸ ਵਿੱਚ ਉਹ ਸ਼ਾਨਦਾਰ ਅੰਦਾਜ਼ ਵਿੱਚ ਪੋਜ਼ ਦਿੰਦੀ ਨਜ਼ਰ ਆ ਰਹੀ ਸੀ। ਉਨ੍ਹਾਂ ਨੇ ਵੱਡੇ ਐਨਕਾਂ ਅਤੇ ਟੋਪੀ ਨਾਲ ਆਪਣੀ ਦਿੱਖ ਨੂੰ ਪੂਰਾ ਕੀਤਾ। ਹਾਰਦਿਕ ਪੰਡਯਾ ਨੇ ਕੁਝ ਸਮੇਂ ਬਾਅਦ ਇੱਕ ਵੀਡੀਓ ਪੋਸਟ ਕੀਤਾ, ਜਿਸ ਵਿੱਚ ਉਹ ਪੂਲ ਦੇ ਨੇੜੇ ਤੋਂ ਲੰਘਦੇ ਹੋਏ ਨਜ਼ਰ ਆ ਰਹੇ ਸਨ। ਹਾਰਦਿਕ ਕੈਜ਼ੂਅਲ ਡਰੈੱਸ ‘ਚ ਨਜ਼ਰ ਆਏ। ਉਨ੍ਹਾਂ ਨੇ ਕਰੀਮ ਰੰਗ ਦੀ ਪੈਂਟ ਅਤੇ ਕਮੀਜ਼ ਦੇ ਨਾਲ ਐਨਕਾਂ ਪਾਈਆਂ ਹੋਈਆਂ ਸਨ। ਉਨ੍ਹਾਂ ਦੀਆਂ ਤਸਵੀਰਾਂ ਅਤੇ ਵੀਡੀਓ ਦੋਵਾਂ ਦੇ ਇੱਕੋ ਜਿਹੇ ਬੈਕਗਰਾਉਂਡ ਨੇ ਪ੍ਰਸ਼ੰਸਕਾਂ ਦੀ ਉਤਸੁਕਤਾ ਨੂੰ ਵਧਾ ਦਿੱਤਾ ਸੀ।
ਇਹ ਵੀ ਪੜ੍ਹੋ : ਹਿਮਾਚਲ ‘ਚ ਮੀਂਹ ਨੇ ਇਕ ਵਾਰ ਫਿਰ ਮਚਾਈ ਤਬਾਹੀ , ਊਨਾ ‘ਚ ਟੁੱਟਿਆ ਪੁਲ
ਜੈਸਮੀਨ ਨੇ ਹਾਰਦਿਕ ਦੀ ਵੀਡੀਓ ਨੂੰ ਕੀਤਾ ਲਾਈਕ
ਹਾਰਦਿਕ ਦੇ ਅਫੇਅਰ ਦੀਆਂ ਅਫਵਾਹਾਂ ਨੂੰ ਉਦੋਂ ਹੋਰ ਹੁਲਾਰਾ ਮਿਲਿਆ ਜਦੋਂ ਜੈਸਮੀਨ ਨੇ ਹਾਰਦਿਕ ਦੀ ਵੀਡੀਓ ਨੂੰ ਲਾਈਕ ਕੀਤਾ, ਹਾਲਾਂਕਿ ਹਾਰਦਿਕ ਨੇ ਉਨ੍ਹਾਂ ਦੀਆਂ ਬਿਕਨੀ ਫੋਟੋਆਂ ‘ਤੇ ਕੋਈ ਪ੍ਰਤੀਕਿਰਿਆ ਨਹੀਂ ਦਿੱਤੀ ਹੈ, ਪਰ ਕ੍ਰਿਕਟਰ ਨੇ ਉਨ੍ਹਾਂ ਦੀਆਂ ਸਾਰੀਆਂ ਤਸਵੀਰਾਂ ਨੂੰ ਲਾਈਕ ਕੀਤਾ ਹੈ, ਜਿਸ ਵਿੱਚ ਉਹ ਕਾਲੇ ਰੰਗ ਦੇ ਕੱਪੜੇ ਵਿੱਚ ਨਜ਼ਰ ਆ ਰਹੀ ਹੈ। ਇਹ ਫੋਟੋ ਵੀ ਗ੍ਰੀਸ ਦੀ ਹੈ।ਹਾਰਦਿਕ ਅਤੇ ਜੈਸਮੀਨ ਇੰਸਟਾਗ੍ਰਾਮ ‘ਤੇ ਇਕ-ਦੂਜੇ ਨੂੰ ਫਾਲੋ ਕਰ ਰਹੇ ਹਨ, ਜਿਸ ਕਾਰਨ ਪ੍ਰਸ਼ੰਸਕਾਂ ਨੂੰ ਇਹ ਲੱਗ ਰਿਹਾ ਹੈ ਕਿ ਉਹ ਇਕ-ਦੂਜੇ ਨੂੰ ਡੇਟ ਕਰ ਰਹੇ ਹਨ।
