30 ਸਾਲ ਬਾਅਦ ‘ਕਰਨ ਅਰਜੁਨ’ ਪਰਦੇ ‘ਤੇ ਕਰਨਗੇ ਵਾਪਸੀ, Salman Khan ਨੇ ਕੀਤਾ ਐਲਾਨ
Salman Khan ਦੇ ਫੈਨਜ਼ ਲਈ ਵੱਡੀ ਖੁਸ਼ਖਬਰੀ ਹੈ ਜਿਥੇ ਕਿ ਸਲਮਾਨ ਅਤੇ ਸ਼ਾਹਰੁਖ ਖਾਨ ਦੀ ਸੁਪਰਹਿੱਟ ਫਿਲਮ ‘ਕਰਨ ਅਰਜੁਨ’ 30 ਸਾਲ ਬਾਅਦ ਸਿਨੇਮਾਘਰਾਂ ‘ਚ ਮੁੜ ਰਿਲੀਜ਼ ਹੋਣ ਲਈ ਤਿਆਰ ਹੈ। ਸਲਮਾਨ ਨੇ ਫਿਲਮ ਦੇ ਟੀਜ਼ਰ ਦੇ ਨਾਲ ਸੋਸ਼ਲ ਮੀਡੀਆ ‘ਤੇ ਇਕ ਪੋਸਟ ਸ਼ੇਅਰ ਕਰਦੇ ਹੋਏ ਕਿਹਾ ਕਿ ‘ਕਰਨ ਅਰਜੁਨ’ ਅਗਲੇ ਮਹੀਨੇ ਸਿਨੇਮਾਘਰਾਂ ‘ਚ ਦੁਬਾਰਾ ਰਿਲੀਜ਼ ਹੋਣ ਜਾ ਰਹੀ ਹੈ।
ਅਭਿਨੇਤਾ ਸਲਮਾਨ ਖਾਨ ਆਪਣੀ ਪੋਸਟ ‘ਚ ਲਿਖਦੇ ਹਨ, ‘ਰਾਖੀ ਜੀ ਨੇ ਠੀਕ ਕਿਹਾ ਸੀ ਕਿ ਮੇਰੇ ਕਰਨ ਅਰਜੁਨ ਫਿਲਮ ‘ਚ ਆਉਣਗੇ। ਇਹ ਫਿਲਮ 22 ਨਵੰਬਰ ਨੂੰ ਦੁਨੀਆ ਭਰ ਦੇ ਸਿਨੇਮਾਘਰਾਂ ਵਿੱਚ ਮੁੜ ਰਿਲੀਜ਼ ਹੋਣ ਲਈ ਤਿਆਰ ਹੈ। ਪ੍ਰਸ਼ੰਸਕਾਂ ਨੇ ਅਭਿਨੇਤਾ ਦੀ ਇਸ ਪੋਸਟ ‘ਤੇ ਕੁਮੈਂਟ ਕਰਕੇ ਖੁਸ਼ੀ ਜਤਾਈ ਹੈ।
ਰਿਤਿਕ ਰੋਸ਼ਨ ਨੇ ਜਤਾਈ ਖੁਸ਼ੀ
ਰਿਤਿਕ ਰੋਸ਼ਨ ਨੇ ਵੀ ਫਿਲਮਾਂ ਦੇ ਮੁੜ ਰਿਲੀਜ਼ ਹੋਣ ‘ਤੇ ਆਪਣੇ ਵਿਚਾਰ ਪ੍ਰਗਟ ਕੀਤੇ ਹਨ। ਰਿਤਿਕ ਰੋਸ਼ਨ ਨੇ ਪਿਤਾ ਰਾਕੇਸ਼ ਰੋਸ਼ਨ ਨਾਲ ਫਿਲਮ ‘ਕਰਨ ਅਰਜੁਨ’ ‘ਚ ਕੰਮ ਕੀਤਾ ਸੀ। ਉਹ ਨਿਰਦੇਸ਼ਨ ਵਿੱਚ ਆਪਣੇ ਪਿਤਾ ਦੀ ਸਹਾਇਤਾ ਕਰ ਰਿਹਾ ਸੀ। ਅਦਾਕਾਰ ਨੇ ਆਪਣੀ ਪੋਸਟ ‘ਚ ਲਿਖਿਆ, ‘ਕਰਨ ਅਰਜੁਨ ਦੀ ਰਿਲੀਜ਼ ਤੋਂ ਪਹਿਲਾਂ ਸਿਨੇਮਾ ਕਾਫੀ ਵੱਖਰਾ ਸੀ। ਕਰਨ ਅਰਜੁਨ ਫਿਰ ਤੋਂ ਸਿਨੇਮਾਘਰਾਂ ‘ਚ ਦਸਤਕ ਦੇਣ ਲਈ ਤਿਆਰ ਹਨ। ਸਿਨੇਮਾਘਰਾਂ ਵਿੱਚ ਇਸ ਸਿਨੇਮਾ ਅਨੁਭਵ ਨੂੰ ਮੁੜ ਸੁਰਜੀਤ ਕਰੋ।
View this post on Instagram
ਇਹ ਵੀ ਪੜ੍ਹੋ : Youtuber Armaan Malik ਨੇ ਕਰਵਾਇਆ ਚੌਥਾ ਵਿਆਹ! ਕ੍ਰਿਤਿਕਾ ਮਲਿਕ ਨੇ ਦੱਸਿਆ ਸੱਚ
ਕਰਨ ਅਰਜੁਨ ਪੁਨਰ ਜਨਮ ਬਾਰੇ ਇੱਕ ਕਲਟ ਕਲਾਸਿਕ ਫਿਲਮ
ਦੱਸ ਦਈਏ ਕਿ ਕਰਨ ਅਰਜੁਨ ਪੁਨਰ ਜਨਮ ਬਾਰੇ ਇੱਕ ਕਲਟ ਕਲਾਸਿਕ ਫਿਲਮ ਹੈ। ਫਿਲਮ ਦੋ ਭਰਾਵਾਂ ਕਰਨ (ਸਲਮਾਨ ਖਾਨ) ਅਤੇ ਅਰਜੁਨ (ਸ਼ਾਹਰੁਖ ਖਾਨ) ਦੇ ਆਲੇ-ਦੁਆਲੇ ਘੁੰਮਦੀ ਹੈ, ਜੋ ਠਾਕੁਰ ਸੰਗਰਾਮ ਸਿੰਘ ਨਾਲ ਲੜਾਈ ਦੌਰਾਨ ਮਾਰੇ ਜਾਂਦੇ ਹਨ ਜਦੋਂ ਉਹ ਆਪਣੀ ਮਾਂ (ਰਾਖੀ) ਦੀ ਰੱਖਿਆ ਕਰ ਰਹੇ ਸਨ। ਉਨ੍ਹਾਂ ਦੀ ਮੌਤ ਤੋਂ ਬਾਅਦ, ਮਾਂ ਨੂੰ ਭਰੋਸਾ ਸੀ ਕਿ ਉਸਦੇ ਕਾਰਨ ਅਰਜੁਨ ਵਾਪਸ ਆਉਣਗੇ ਅਤੇ ਬਦਲਾ ਲੈਣਗੇ। ਫਿਲਮ ‘ਚ ਉਸ ਨੂੰ ਮੁੜ ਜਨਮ ਲੈਂਦੇ ਹੋਏ ਦਿਖਾਇਆ ਗਿਆ ਹੈ ਅਤੇ ਉਹ ਆਪਣੇ ਪਿੰਡ ਵੱਲ ਜਾ ਰਿਹਾ ਹੈ, ਜਿੱਥੇ ਉਸ ਦੀ ਮਾਂ ਉਸ ਦੀ ਵਾਪਸੀ ਦਾ ਇੰਤਜ਼ਾਰ ਕਰ ਰਹੀ ਹੈ। ਫਿਲਮ ‘ਚ ਕਾਜੋਲ ਅਤੇ ਮਮਤਾ ਕੁਲਕਰਨੀ ਵੀ ਸਨ।
