ਅੱਧੀ ਰਾਤ ਨੂੰ ਬੰਗਾਲੀ ਅਦਾਕਾਰਾ ਪਾਇਲ ਮੁਖਰਜੀ ਨਾਲ ਵਾਪਰਿਆ ਆਹ ਹਾਦਸਾ
ਹਾਲ ਹੀ ਵਿੱਚ ਬੰਗਾਲੀ ਸਿਨੇਮਾ ਦੀ ਮਸ਼ਹੂਰ ਅਦਾਕਾਰਾ ਪਾਇਲ ਮੁਖਰਜੀ ਨਾਲ ਇੱਕ ਦਿਲ ਦਹਿਲਾ ਦੇਣ ਵਾਲੀ ਘਟਨਾ ਵਾਪਰੀ ਹੈ। ਅਭਿਨੇਤਰੀ ਦੇਰ ਰਾਤ ਕਾਰ ਰਾਹੀਂ ਘਰ ਪਰਤ ਰਹੀ ਸੀ ਜਦੋਂ ਸੜਕ ਦੇ ਵਿਚਕਾਰ ਇੱਕ ਬਾਈਕ ਸਵਾਰ ਨੇ ਉਸ ‘ਤੇ ਹਮਲਾ ਕਰ ਦਿੱਤਾ। ਹਮਲੇ ਤੋਂ ਬਾਅਦ ਅਦਾਕਾਰਾ ਨੇ ਤੁਰੰਤ ਫੇਸਬੁੱਕ ‘ਤੇ ਲਾਈਵ ਹੋ ਕੇ ਘਟਨਾ ਦੀ ਜਾਣਕਾਰੀ ਦਿੱਤੀ ਅਤੇ ਮਦਦ ਮੰਗੀ।
ਘਟਨਾ ਸ਼ੁੱਕਰਵਾਰ ਸ਼ਾਮ ਦੀ ਦੱਸੀ ਜਾ ਰਹੀ ਹੈ। ਸਾਊਥ ਅਦਾਕਾਰਾ ਪਾਇਲ ਆਪਣੀ ਕਾਰ ‘ਚ ਕੋਲਕਾਤਾ ‘ਚ ਲੇਕ ਐਵੇਨਿਊ ਕੋਲੋਂ ਲੰਘ ਰਹੀ ਸੀ, ਜਦੋਂ ਇਕ ਬਾਈਕ ਸਵਾਰ ਨੇ ਉਨ੍ਹਾਂ ਦੀ ਕਾਰ ਨੂੰ ਰੋਕਣ ਦੀ ਕੋਸ਼ਿਸ਼ ਕੀਤੀ। ਜਦੋਂ ਅਦਾਕਾਰਾ ਨੇ ਕਾਰ ਨਾ ਰੋਕੀ ਤਾਂ ਹਮਲਾਵਰਾਂ ਨੇ ਉਸ ਨੂੰ ਮੁੱਕਾ ਮਾਰ ਕੇ ਉਸ ਦੀ ਕਾਰ ਦਾ ਸ਼ੀਸ਼ਾ ਤੋੜ ਦਿੱਤਾ ਅਤੇ ਜੋਧਪੁਰ ਪਾਰਕ ਨੇੜੇ ਕਾਰ ਨੂੰ ਜ਼ਬਰਦਸਤੀ ਰੋਕ ਲਿਆ। ਉਸ ਨੇ ਅਭਿਨੇਤਰੀ ਨੂੰ ਸੜਕ ‘ਤੇ ਧਮਕਾਇਆ ਅਤੇ ਗਾਲ੍ਹਾਂ ਕੱਢੀਆਂ।
ਫੇਸਬੁੱਕ ‘ਤੇ ਲਾਈਵ ਹੋ ਕੇ ਮਦਦ ਮੰਗੀ, ਔਰਤਾਂ ਦੀ ਸੁਰੱਖਿਆ ‘ਤੇ ਚੁੱਕੇ ਸਵਾਲ
ਘਟਨਾ ਤੋਂ ਬਾਅਦ ਪਾਇਲ ਮੁਖਰਜੀ ਫੇਸਬੁੱਕ ਲਾਈਵ ‘ਤੇ ਗਈ ਅਤੇ ਰੋਂਦੇ ਹੋਏ ਮਦਦ ਦੀ ਬੇਨਤੀ ਕੀਤੀ। ਫੇਸਬੁੱਕ ਲਾਈਵ ‘ਚ ਆਪਣੀ ਕਾਰ ਦੇ ਟੁੱਟੇ ਸ਼ੀਸ਼ੇ ਦਿਖਾਉਂਦੇ ਹੋਏ ਅਦਾਕਾਰਾ ਰੋ ਪਈ। ਉਨ੍ਹਾਂ ਲਾਈਵ ਆ ਕੇ ਪੁੱਛਿਆ ਕਿ ਕੋਲਕਾਤਾ ਦੀਆਂ ਸੜਕਾਂ ‘ਤੇ ਔਰਤਾਂ ਦੀ ਸੁਰੱਖਿਆ ਕਿੱਥੇ ਹੈ।