ਸਫਾਈ ਕਰਮਚਾਰੀ ਦੀ ਸ਼ੱਕੀ ਹਾਲਾਤਾਂ ‘ਚ ਹੋਈ ਮੌ.ਤ

ਲੁਧਿਆਣਾ ‘ਚ ਇਕ ਸਫਾਈ ਕਰਮਚਾਰੀ ਦੀ ਸ਼ੱਕੀ ਹਾਲਾਤਾਂ ‘ਚ ਮੌਤ ਹੋ ਗਈ। ਪਰਿਵਾਰ ਨੇ ਉਸ ਵੱਲੋਂ ਕਤਲ ਕੀਤੇ ਜਾਣ ਦਾ ਖਦਸ਼ਾ ਪ੍ਰਗਟਾਇਆ ਅਤੇ ਸੀਸੀਟੀਵੀ ਵਿੱਚ ਕੈਦ ਦੋਸ਼ੀਆਂ ਦੀ ਸ਼ਨਾਖਤ ਤੋਂ ਬਾਅਦ ਪੁਲਿਸ ਨੇ ਪਹਿਲਾਂ ਇੱਕ ਦੋਸ਼ੀ ਨੂੰ ਫੜ ਲਿਆ ਪਰ ਬਾਅਦ ਵਿੱਚ ਉਸ ਨੂੰ ਛੱਡ ਦਿੱਤਾ, ਜਿਸ ਕਾਰਨ ਮ੍ਰਿਤਕ ਦੇ ਪਰਿਵਾਰਕ ਮੈਂਬਰ ਗੁੱਸੇ ਵਿੱਚ ਆ ਗਏ ਅਤੇ ਪੀੜਤ ਪਰਿਵਾਰ ਨੇ ਥਾਣੇ ਦਾ ਘਿਰਾਓ ਕਰ ਲਿਆ।

ਸਕੂਲੀ ਬੱਚਿਆਂ ਲਈ ਖੁਸ਼ਖਬਰੀ , 31 ਅਗਸਤ ਤੱਕ ਇਨ੍ਹਾਂ ਜ਼ਿਲ੍ਹਿਆਂ ‘ਚ ਰਹੇਗੀ ਛੁੱਟੀ || School Holiday

ਪ੍ਰਦਰਸ਼ਨਕਾਰੀਆਂ ਨੇ ਕਿਹਾ ਕਿ ਜਦੋਂ ਤੱਕ ਪੁਲਿਸ ਦੋਸ਼ੀਆਂ ਨੂੰ ਗ੍ਰਿਫਤਾਰ ਨਹੀਂ ਕਰਦੀ, ਉਦੋਂ ਤੱਕ ਉਹ ਮ੍ਰਿਤਕ ਦਾ ਸਸਕਾਰ ਨਹੀਂ ਕਰਨਗੇ। ਮ੍ਰਿਤਕ ਦਾ ਨਾਂ ਸੰਨੀ ਹੈ ਜੋ ਡਿਵੀਜ਼ਨ ਨੰਬਰ 3 ਅਧੀਨ ਗਊਸ਼ਾਲਾ ਰੋਡ ਨੇੜੇ ਰਹਿੰਦਾ ਸੀ। ਸੰਨੀ ਨਿਗਮ ਵਿੱਚ ਸਵੀਪਰ ਵਜੋਂ ਕੰਮ ਕਰਦਾ ਸੀ। ਸੰਨੀ ਦੇ ਭਰਾ ਬੀਰੂ ਨੇ ਦੱਸਿਆ ਕਿ ਉਸ ਦੇ ਦੋ ਦੋਸਤ ਕਾਕੂ ਅਤੇ ਇੱਕ ਹੋਰ ਨੌਜਵਾਨ ਉਸ ਨੂੰ ਸਾਜ਼ਿਸ਼ ਤਹਿਤ ਘਰੋਂ ਬਾਹਰ ਸੈਰ ਕਰਨ ਦੇ ਬਹਾਨੇ ਲੈ ਗਏ ਸਨ, ਪਰ ਦੇਰ ਤੱਕ ਸੰਨੀ ਘਰ ਪਰਤਿਆ ਨਹੀਂ।

ਕੂੜੇ ਦੇ ਢੇਰ ਕੋਲ ਪਈ ਮਿਲੀ ਕਰਮਚਾਰੀ ਦੀ ਲਾਸ਼

ਜਦੋਂ ਉਸ ਦਾ ਮੋਬਾਈਲ ਬੰਦ ਹੋਇਆ ਤਾਂ ਉਸ ਦੀ ਲਾਸ਼ ਕੂੜੇ ਦੇ ਢੇਰ ਕੋਲ ਪਈ ਮਿਲੀ। ਬੀਰੂ ਨੇ ਦੱਸਿਆ ਕਿ ਸੰਨੀ ਸਾਰਾ ਦਿਨ ਆਪਣੇ ਦੋਸਤਾਂ ਨਾਲ ਰਿਹਾ ਅਤੇ ਜਦੋਂ ਉਹ ਰਾਤ ਤੱਕ ਵਾਪਸ ਨਹੀਂ ਆਇਆ। ਉਸ ਨੇ ਫੋਨ ਕਰਕੇ ਘਰ ਆਉਣ ਲਈ ਕਿਹਾ ਤਾਂ ਉਸ ਨੇ ਕਿਹਾ ਕਿ ਉਹ ਕੁਝ ਸਮੇਂ ਵਿਚ ਘਰ ਆ ਜਾਵੇਗਾ ਪਰ 3 ਵਜੇ ਤੋਂ ਬਾਅਦ ਵਾਪਸ ਨਹੀਂ ਪਰਤਿਆ।

ਦੋ ਦਿਨ ਪਹਿਲਾਂ ਮਿਲੀ ਸੀ ਤਨਖਾਹ

ਰਾਤ ਨੂੰ ਉਸਦਾ ਮੋਬਾਈਲ ਬੰਦ ਸੀ। ਉਸ ਦਾ ਟਿਕਾਣਾ ਕਸ਼ਮੀਰ ਨਗਰ, ਗਊਸ਼ਾਲਾ ਰੋਡ ਸੀ ਅਤੇ ਜਦੋਂ ਅਸੀਂ ਉਸ ਨੂੰ ਲੱਭਣ ਦੀ ਕੋਸ਼ਿਸ਼ ਕੀਤੀ ਤਾਂ ਉਸਦੀ ਲਾਸ਼ ਗਊਸ਼ਾਲਾ ਰੋਡ ਨੇੜੇ ਕੂੜੇ ਦੇ ਢੇਰ ਕੋਲ ਪਈ ਮਿਲੀ। ਸੰਨੀ ਨੂੰ ਦੋ ਦਿਨ ਪਹਿਲਾਂ ਤਨਖਾਹ ਮਿਲੀ ਸੀ। ਉਧਰ ਪੁਲਿਸ ਨੇ ਵੀ ਕਿਹਾ ਕਿ ਇਸ ਸਬੰਧੀ ਮਾਮਲਾ ਦਰਜ ਕਰ ਲਿਆ ਗਿਆ ਹੈ। ਪੁਲਿਸ ਦੀ ਟੀਮ ਇਸ ਦੀ ਜਾਂਚ ਕਰ ਰਹੀ ਹੈ ਅਤੇ ਆਰੋਪੀਆਂ ਨੂੰ ਜਲਜ ਕਾਬੂ ਕਰ ਲਿਆ ਜਾਵੇਗਾ।