ਧਨਬਾਦ, 6 ਅਪ੍ਰੈਲ 2026 : ਭਾਰਤ ਦੇਸ਼ ਦੇ ਸੂਬੇ ਝਾਰਖੰਡ (Jharkhand) ਦੇ ਜਿਲਾ ਧਨਬਾਦ ਵਿਖੇ ਗੈਸ ਲੀਕੇ ਹੋਣ ਦੇ ਕਾਰਨ ਤਿੰਨ ਲੋਕਾਂ ਦੀ ਮੌਤ (Death) ਹੋ ਜਾਣ ਦਾ ਸਮਾਚਾਰ ਪ੍ਰਾਪਤ ਹੋਇਆ ਹੈ ।
ਕੀ ਦੱਸਿਆ ਪੁਲਸ ਨੇ
ਝਾਰਖੰਡ ਦੇ ਧਨਬਾਦ ਜਿਲੇ (Dhanbad District) ‘ਚ ਸ਼ਨੀਵਾਰ ਰਾਤ ਨੂੰ ਗੈਸ ਲੀਕ (Gas leak) ਕਾਰਨ ਕਥਿਤ ਤੌਰ ‘ਤੇ 3 ਲੋਕਾਂ ਦੀ ਮੌਤ ਹੋ ਗਈ । ਪੁਲਸ ਨੇ ਦੱਸਿਆ ਕਿ ਇਹ ਘਟਨਾ ਮੁਨੀਡੀਹ ‘ਚ ਦੇਰ ਰਾਤ ਲਗਭਗ 1 ਵਜੇ ਹੋਈ । ਮੁਨੀਡੀਹ ਦੇ ਥਾਣਾ ਮੁਖੀ ਮਣਿਕਾ ਤਿਵਾੜੀ ਨੇ ਦੱਸਿਆ ਕਿ ਮੁੱਢਲੀ ਜਾਂਚ ਅਨੁਸਾਰ ਕੁਝ ਲੋਕ ਲੋਹੇ ਦਾ ਕਬਾੜ ਚੋਰੀ ਕਰਨ ਲਈ ਉਥੇ ਪਹੁੰਚੇ ਸਨ ।
ਹਸਪਤਾਲ ਸੁਪਰਡੈਂਟ ਨੇ ਕੀ ਕੀ ਦੱਸਿਆ
ਅਜਿਹਾ ਲੱਗਦਾ ਹੈ ਕਿ ਉਨ੍ਹਾਂ ਨੇ ਇਕ ਭਰੇ ਹੋਏ ਗੈਸ ਸਿਲੰਡਰ ਨੂੰ ਕੱਟ ਦਿੱਤਾ ਹੋਵੇਗਾ । ਸ਼ਹੀਦ ਨਿਰਮਲ ਮਹਿਤੋ ਮੈਡੀਕਲ ਕਾਲਜ ਅਤੇ ਹਸਪਤਾਲ ਦੇ ਸੁਪਰਡੈਂਟ ਦਿਨੇਸ਼ ਕੁਮਾਰ ਗਿੰਦੋਰੀਆ ਨੇ ਦੱਸਿਆ ਕਿ 5 ਲੋਕਾਂ ਨੂੰ ਹਸਪਤਾਲ ਲਿਆਂਦਾ ਗਿਆ ਸੀ । ਉਨ੍ਹਾਂ ਕਿਹਾ ਕਿ ਉਨ੍ਹਾਂ `ਚੋਂ 2 ਦੀ ਪਹਿਲਾਂ ਹੀ ਮੌਤ ਹੋ ਚੁੱਕੀ ਸੀ ਅਤੇ ਇਕ ਦੀ ਇਲਾਜ ਦੌਰਾਨ ਮੌਤ ਹੋ ਗਈ ।
