ਦਿੱਲੀ ਪੁਲਿਸ ਦੇ ਸਪੈਸ਼ਲ ਸੈੱਲ ਨੇ ਬਿਸ਼ਨੋਈ ਗੈਂਗ ਦੇ ਦੋ ਗੁਰਗਿਆਂ ਨੂੰ ਗ੍ਰਿਫਤਾਰ ਕਰਨ ਵਿਚ ਸਫਲਤਾ ਹਾਸਲ ਕੀਤੀ ਹੈ। ਫੜੇ ਗਏ ਦੋਵੇਂ ਸਕੇ ਭਰਾ ਹਨ। ਦੋਵੇਂ ਅੰਮ੍ਰਿਤਸਰ ਦੇ ਮਜੀਠਾ ਵਿਚ ਕੀਤੇ ਗਏ ਹੋਮਗਾਰਡ ਤੇ ਡਲਿਵਰੀ ਬੁਆਏ ਦੀ ਹੱਤਿਆ ਵਿਚ ਲੋੜੀਂਦੇ ਸੀ। ਦੋਵੇਂ ਦੋਸ਼ੀਆਂ ਦੀ ਗ੍ਰਿਫਤਾਰੀ ਦੇ ਬਾਅਦ ਪੰਜਾਬ ਪੁਲਿਸ ਦੀ ਇਕ ਟੀਮ ਨੇ ਵੀ ਦਿੱਲੀ ਪੁਲਿਸ ਨਾਲ ਸੰਪਰਕ ਕੀਤਾ ਹੈ।
ਫੜੇ ਗਏ ਮੁਲਜ਼ਮਾਂ ਦੀ ਪਛਾਣ ਪੰਜਾਬ ਦੇ ਗੁਰਦਾਸਪੁਰ ਦੇ ਰਹਿਣ ਵਾਲੇ ਹੀਰਾ ਸਿੰਘ ਤੇ ਲਖਮੀਰ ਸਿੰਘ ਸਿੰਘ ਵਜੋਂ ਹੋਈ ਹੈ। ਦਿੱਲੀ ਪੁਲਿਸ ਨੇ ਹੀਰਾ ਸਿੰਘ ਨੂੰ ਟੀ-ਪੁਆਇੰਟ ਮੇਹਰਾਮ ਨਗਰ ਤੇ ਲਖਮੀਰ ਸਿੰਘ ਨੂੰ ਐੱਲ ਐਂਡ ਟੀ ਕੰਸਟ੍ਰਕਸ਼ਨ ਸਾਈਟ ਟਰਮੀਨਲ-1 ਆਈਜੀਆਈ ਇੰਟਰਨੈਸ਼ਨਲ ਏਅਰਪੋਰਟ ਤੋਂ ਗ੍ਰਿਫਤਾਰ ਕੀਤਾ।
ਦਿੱਲੀ ਪੁਲਿਸ ਨੇ ਜਾਣਕਾਰੀ ਦਿੱਤੀ ਕਿ ਦੋਵੇਂ ਦੋਸ਼ੀਆਂ ਤੋਂ ਪਾਕਿਸਤਾਨ, ਪੋਲੈਂਡ ਤੇ ਕਈ ਦੂਜੇ ਦੇਸ਼ਾਂ ਦੇ ਵਰਚੂਅਲ ਨੰਬਰ ਬਰਾਮਦ ਹੋਏ ਹਨ। ਅੱਤਵਾਦੀ ਕਨੈਕਸ਼ਨ ਦੇ ਐਂਗਲ ਤੋਂ ਵੀ ਪੁਲਿਸ ਗ੍ਰਿਫਤਾਰ ਕੀਤੇ ਗਏ ਦੋਵੇਂ ਗੈਂਗਸਟਰਾਂ ਤੋਂ ਪੁੱਛਗਿਛ ਕਰ ਰਹੀ ਹੈ। ਦੋਵੇਂ ਪੰਜਾਬ ਪੁਲਿਸ ਦੀ ਕਸਟੱਡੀ ਵਿਚ ਹਨ ਤੇ ਦੋਸ਼ੀਆਂ ਤੋਂ ਸਿੱਧੂ ਮੂਸੇਵਾਲਾ ਕਤਲਕਾਂਡ ਮਾਮਲੇ ਵਿਚ ਪੁੱਛਗਿਛ ਕੀਤੀ ਜਾ ਰਹੀ ਹੈ।
ਦੋਸ਼ੀਆਂ ਨੇ ਜਾਣਕਾਰੀ ਦਿੱਤੀ ਹੈ ਕਿ ਮੂਸੇਵਾਲਾ ਕਤਲਕਾਂਡ ਦੇ ਬਾਅਦ ਦੋਵੇਂ ਭਰਾਵਾਂ ਕੋਲ ਦੁਬਈ ਤੇ ਪਾਕਿਸਤਾਨ ਤੋਂ ਕਈ ਫੋਨ ਕਾਲਸ ਆਏ ਸਨ। ਫੋਨ ਕਰਨ ਵਾਲਿਆਂ ਨੇ ਕਿਹਾ ਸੀ ਕਿ ਮੂਸੇਵਾਲਾ ਕਤਲਕਾਂਡ ਉਨ੍ਹਾਂ ਨੇ ਕੀਤਾ ਹੈ। ਲਾਰੈਂਸ ਦੇ ਨਾਂ ‘ਤੇ ਜਬਰਨ ਵਸੂਲੀ ਪ੍ਰੋਟੈਕਸ਼ਨ ਮਨੀ ਦਾ ਧੰਦਾ ਹੋਰ ਤੇਜ਼ ਕਰੋ।
ਪੁੱਛਗਿਛ ਦੌਰਾਨ ਇਹ ਗੱਲ ਸਾਹਮਣੇ ਆਈ ਕਿ ਇਸੇ ਸਾਲ ਮਾਰਚ ਮਹੀਨੇ ਵਿਚ ਮੁਲਜ਼ਮਾਂ ਨੇ ਪੰਜਾਬ ਪੁਲਿਸ ਦੇ ਇਕ ਹੋਮਗਾਰਡ ਦੀ ਮਜੀਠਾ ਵਿਚ ਹੱਤਿਆ ਕਰ ਦਿੱਤੀ ਸੀ। ਉੁਨ੍ਹਾਂ ਦਾ ਆਂਤਕ ਇਥੇ ਹੀ ਨਹੀਂ ਰੁਕਿਆ। ਦੋਸ਼ੀਆਂ ਨੇ 6 ਜੂਨ ਨੂੰ ਇਕ ਡਲਿਵਰੀ ਬੁਆਏ ਦੀ ਟਾਰਗੈੱਟ ਕੀਲਿੰਗ ਵੀ ਕੀਤੀ। ਇੰਨਾ ਹੀ ਨਹੀਂ ਹੈਰੋਇਨ ਦੀ ਤਸਕਰੀ ਨਾਲ ਵੀ ਜੁੜੇ ਹੋਏ ਹਨ।
