ਦਿੱਲੀ ਸਰਕਾਰ ਦਾ ਵਾਤਾਵਰਣ ਵਿਭਾਗ ਸਿੰਗਲ ਯੂਜ਼ ਪਲਾਸਟਿਕ ਨਾਲ ਬਣੇ ਚਿੰਨ੍ਹਹਿੱਤ ਉਤਪਾਦਾਂ ‘ਤੇ ਲਾਗੂ ਪਾਬੰਦੀ ਨੂੰ ਅਮਲ ‘ਚ ਲਿਆਉਣ ਲਈ 1 ਜੁਲਾਈ ਤੋਂ ਮੁਹਿੰਮ ਚਲਾਏਗਾ। ਇਸ ਦੇ ਨਾਲ ਹੀ ਇਨ੍ਹਾਂ ਹੁਕਮਾਂ ਦੀ ਉਲੰਘਣਾ ਕਰਨ ਵਾਲੇ ਸਾਰੇ ਵਿਨਿਰਮਾਤਾਵਾਂ, ਸਪਲਾਈ ਕਰਤਾਵਾਂ, ਡਿਸਟ੍ਰੀਬਿਊਟਰਾਂ ਤੇ ਵੇਚਣ ਵਾਲਿਆਂ ‘ਤੇ ਕਾਰਵਾਈ ਕਰੇਗਾ।
ਦਿੱਲੀ ਸਰਕਾਰ ਦੇ ਇੱਕ ਸੀਨੀਅਰ ਅਧਿਕਾਰੀ ਨੇ ਕਿਹਾ ਕਿ ਸਿੰਗਲ ਉਪਯੋਗ ਵਾਲੇ ਪਲਾਸਟਿਕ ਤੋਂ ਬਣਨ ਵਾਲੇ ਉਤਪਾਦਾਂ ਦੇ ਵਿਨਿਰਮਾਣ ਨਾਲ ਜੁੜੇ ਪੱਖਾਂ ਨੂੰ ਸਖ਼ਤ ਨਿਰਦੇਸ਼ ਦਿੱਤੇ ਗਏ ਹਨ। ਸਿੰਗਲ ਯੂਜ਼ ਪਲਾਸਟਿਕ ਤੋਂ ਬਣੇ 19 ਉਤਪਾਦਾਂ ਨੂੰ ਇਸ ਪਾਬੰਦੀ ਦੇ ਦਾਇਰੇ ‘ਚ ਰੱਖਿਆ ਗਿਆ ਹੈ। ਇਨ੍ਹਾਂ ‘ਚ ਗੁਬਾਰਿਆਂ, ਝੰਡਿਆਂ, ਕੈਂਡੀ, ਆਈਸਕ੍ਰੀਮ ‘ਚ ਲੱਗਣ ਵਾਲੀ ਪਲਾਸਟਿਕ ਸਟਿੱਕ,ਥਰਮੋਕੋਲ ਨਾਲ ਬਣੀ ਪਲੇਟ, ਕੱਪ, ਗਿਲਾਸ,ਪਲਾਸਟਿਕ ਦੇ ਚਮਚੇ ਕਾਂਟੇ ਆਦਿ ਸ਼ਾਮਿਲ ਹਨ।
