ਬੀਤੇ ਦਿਨੀ ਊਨਾ ਜ਼ਿਲ੍ਹੇ ‘ਚ ਗੋਬਿੰਦ ਸਾਗਰ ਝੀਲ ‘ਚ ਬਨੂੜ ਦੇ 7 ਨੌਜਵਾਨ ਡੁੱਬ ਗਏ ਸਨ। ਜਿਨ੍ਹਾਂ ਦੀ ਝੀਲ ‘ਚ ਡੁੱਬਣ ਕਾਰਨ ਮੌਤ ਹੋ ਗਈ ਸੀ। ਅੱਜ ਉਨ੍ਹਾਂ ਦੀਆਂ ਮ੍ਰਿਤਕਾਂ ਦੇਹਾਂ ਪਰਿਵਾਰ ਕੋਲ ਪਹੁੰਚੀਆਂ। ਜਿਸਤੋਂ ਬਾਅਦ ਅੱਜ ਉਨ੍ਹਾਂ ਨੌਜਵਾਨਾਂ ਦਾ ਬਨੂੜ ਵਿਖੇ ਸ਼ਮਸ਼ਾਨਘਾਟ ‘ਚ ਇੱਕਠਿਆਂ ਦਾ ਅੰਤਿਮ ਸਸਕਾਰ ਕੀਤਾ ਗਿਆ ਹੈ।
ਪਰਿਵਾਰ ਸਮੇਤ ਪੂਰੇ ਇਲਾਕੇ ‘ਚ ਇਸ ਘਟਨਾ ਦੇ ਵਾਪਰ ਜਾਣ ਨਾਲ ਸੋਗ ਦੀ ਲਹਿਰ ਹੈ। ਇਸ ਘਟਨਾ ਨਾਲ 7 ਪਰਿਵਾਰਾਂ ਦੇ ਘਰਾਂ ਦਾ ਚਿਰਾਗ ਬੁੱਝ ਗਿਆ ਹੈ। ਬਨੂੜ ਦੀ ਸ਼ਮਸ਼ਾਨਘਾਟ ‘ਚ ਬਹੁਤ ਹੀ ਗਮਗੀਨ ਮਾਹੌਲ ਬਣਿਆ ਹੋਇਆ ਹੈ।
