ਦੀਵਾਲੀ ‘ਤੇ ਦਿੱਲੀ-ਐੱਨਸੀਆਰ ‘ਚ ਪਟਾਕਿਆਂ ਨੇ ਫਿਰ ਪ੍ਰਦੂਸ਼ਣ ਦਾ ਪੱਧਰ ਵਧਾ ਦਿੱਤਾ ਹੈ। ਹਰ ਪਾਸੇ ਧੂੰਆਂ ਹੀ ਧੂੰਆਂ ਨਜ਼ਰ ਆ ਰਿਹਾ ਹੈ। AQI ਜੋ ਦੀਵਾਲੀ ਦੀ ਸ਼ਾਮ ਤੱਕ 218 ਸੀ, ਦੀਵਾਲੀ ਦੇ ਅਗਲੇ ਦਿਨ ਵਧ ਕੇ 999 ਹੋ ਗਿਆ ਹੈ।
ਇੰਡੀਆ ਗੇਟ ਦੀ ਹਾਲਤ ਤੋਂ ਮਾੜੀ ਹੈ। ਇਸ ਤੋਂ ਇਲਾਵਾ ਦਿੱਲੀ ਦੇ ਆਨੰਦ ਵਿਹਾਰ, ਜਹਾਂਗੀਰਪੁਰੀ, ਆਰਕੇ ਪੁਰਮ, ਓਖਲਾ, ਸ੍ਰੀਨਿਵਾਸਪੁਰੀ, ਵਜ਼ੀਰਪੁਰ, ਬਵਾਨਾ ਅਤੇ ਰੋਹਿਣੀ ਵੀ ਪ੍ਰਦੂਸ਼ਣ ਕਾਰਨ ਬੁਰੀ ਹਾਲਤ ਵਿੱਚ ਹਨ।
ਇੱਕ ਪਾਸੇ ਪਟਾਕਿਆਂ ਨੇ AQI ਪੱਧਰ ਨੂੰ ਵਧਾਇਆ ਹੈ, ਦੂਜੇ ਪਾਸੇ, ਵਿਜ਼ੀਬਿਲਟੀ ਵੀ ਕਾਫ਼ੀ ਘੱਟ ਗਈ ਹੈ। ਇੰਡੀਆ ਗੇਟ ਦੇ ਆਲੇ-ਦੁਆਲੇ ਦੀ ਸਥਿਤੀ ਇੰਨੀ ਮਾੜੀ ਹੈ ਕਿ 100 ਮੀਟਰ ਦੀ ਦੂਰੀ ਤੋਂ ਵੀ ਸਾਫ ਦੇਖਣਾ ਮੁਸ਼ਕਿਲ ਹੋ ਗਿਆ ਹੈ। ਦੱਸ ਦੇਈਏ ਕਿ ਦੀਵਾਲੀ ਤੋਂ ਪਹਿਲਾਂ ਵੀ ਦਿੱਲੀ-ਐਨਸੀਆਰ ਦਾ AQI ਪੱਧਰ ਵੱਧ ਕੇ 999 ਹੋ ਗਿਆ ਸੀ ਪਰ ਉਸ ਤੋਂ ਬਾਅਦ ਹੋਈ ਬਾਰਿਸ਼ ਨੇ ਸਾਰਾ ਮੌਸਮ ਸਾਫ਼ ਕਰ ਦਿੱਤਾ ਸੀ।
