105 ਦੀ ਉਮਰ ਵਿਚ ਇਸ ਮਹਿਲਾ ਨੇ ਹਾਸਲ ਕੀਤੀ ਮਾਸਟਰ ਡਿਗਰੀ
ਕਿਹਾ ਜਾਂਦਾ ਹੈ ਕਿ ਪੜ੍ਹਨ -ਲਿਖਣ ਦੀ ਉਮਰ ਨਹੀਂ ਹੁੰਦੀ | ਵਿਅਕਤੀ ਕਦੇ ਵੀ ਕਿਸੇ ਵੀ ਉਮਰ ‘ਚ ਸਿੱਖਿਆ ਹਾਸਲ ਕਰ ਸਕਦਾ ਹੈ | ਪਰ ਕਈ ਲੋਕ ਮੰਨਦੇ ਹਨ ਕਿ ਕਾਲਜ ਦੇ ਬਾਅਦ ਪੜ੍ਹਾਈ ਦੀ ਉਮਰ ਨਿਕਲ ਜਾਂਦੀ ਹੈ। ਪਰੰਤੂ ਇੱਕ ਅਜਿਹੀ ਕਹਾਣੀ ਸਾਹਮਣੇ ਆਈ ਹੈ ਜਿੱਥੇ ਕਿ ਤੁਸੀ ਪ੍ਰੇਰਨਾ ਲੈ ਸਕਦੇ ਹੋ ਕਿ ਪੜ੍ਹਾਈਦੀ ਕੋਈ ਉਮਰ ਨਹੀਂ ਹੁੰਦੀ | ਦਰਅਸਲ , ਇੱਕ ਮਹਿਲਾ ਦੀ ਕਹਾਣੀ ਇੰਟਰਨੈੱਟ ‘ਤੇ ਕਾਫ਼ੀ ਚਰਚਾ ਵਿਚ ਹੈ ਜਿਥੇ ਮਹਿਲਾ ਨੇ 105 ਸਾਲ ਦੀ ਉਮਰ ਵਿਚ ਮਾਸਟਰ ਡਿਗਰੀ ਹਾਸਲ ਕੀਤੀ ਹੈ।
80 ਸਾਲ ਬਾਅਦ ਵਾਪਸ ਆ ਕੇ ਆਪਣੀ ਪੜ੍ਹਾਈ ਨੂੰ ਕੀਤਾ ਪੂਰਾ
ਅਮਰੀਕਾ ਦੇ ਵਰਜੀਨੀਆ ਗਿਨੀ ਹਿਸਲੋਪ ਜਿਨ੍ਹਾਂ ਨੇ ਸੈਟਨਫੋਰਡ ਗ੍ਰੈਜੂਏਟ ਸਕੂਲ ਆਫ ਐਜੂਕੇਸ਼ਨ ਤੋਂ 80 ਸਾਲ ਬਾਅਦ ਵਾਪਸ ਆ ਕੇ ਆਪਣੀ ਪੜ੍ਹਾਈ ਨੂੰ ਪੂਰਾ ਕੀਤਾ ਹੈ । ਰਿਪੋਰਟ ਮੁਤਾਬਕ 1940 ਵਿਚ ਇਹ ਮਹਿਲਾ ਆਪਣੇ ਕੋਰਸ ਦੇ ਆਖਰੀ ਸਮੈਸਟਰ ਵਿਚ ਸੀ ਪਰ ਆਖਿਰ ਦੇ ਮਹੀਨੇ ਵਿਚ ਮਾਸਟਰ ਥੀਸਸ ਜਮ੍ਹਾ ਕਰਨ ਤੋਂ ਠੀਕ ਪਹਿਲਾਂ ਦੂਜਾ ਵਿਸ਼ਵ ਯੁੱਧ ਛਿੜ ਗਿਆ ਤੇ ਉਨ੍ਹਾਂ ਨੂੰ ਉਨ੍ਹਾਂ ਦੇ ਪਤੀ ਨੇ ਯੁੱਧ ਲਈ ਬੁਲਾ ਲਿਆ ਜਿਸ ਕਾਰਨ ਉਨ੍ਹਾਂ ਦਾ ਡਿਗਰੀ ਕੋਰਸ ਅਟਕ ਗਿਆ।
16 ਜੂਨ ਨੂੰ ਹਾਸਲ ਕੀਤੀ ਮਾਸਟਰ ਡਿਗਰੀ
ਯੁੱਧ ਤਾਂ ਕੁਝ ਸਮੇਂ ਬਾਅਦ ਟਲ ਗਿਆ ਤੇ ਇਸ ਦੇ ਬਾਅਦ ਮਿਸ ਸਟੈਨਫੋਰਡ ਆਪਣੇ ਘਰ-ਪਰਿਵਾਰ ਵਿਚ ਉਲਝ ਗਈ ਤੇ ਹੁਣ ਉਨ੍ਹਾਂ ਦੇ 9 ਪੜਪੌਤੇ ਹਨ। ਜਿਸ ਤੋਂ ਬਾਅਦ ਹੁਣ ਉਨ੍ਹਾਂ ਨੂੰ ਮਾਸਟਰ ਡਿਗਰੀ ਹਾਸਲ ਕਰਨ ਦੀ ਚਾਹਤ ਉਠੀ ਤੇ ਇਸ ਦੌਰਾਨ ਸਟੈਨਫੋਰਡ ਨੇ ਆਪਣੀ ਥੀਸਸ ਦੀ ਲੋੜ ਨੂੰ ਖਤਮ ਕਰ ਦਿੱਤਾ ਜਿਸ ਨਾਲ ਉਨ੍ਹਾਂ ਦਾ ਕੰਮ ਹੋਰ ਜ਼ਿਆਦਾ ਆਸਾਨ ਹੋ ਗਿਆ ਤੇ ਗਿੰਨੀ ਹਿਸਲੋਪ ਆਪਣੀ ਮਾਸਟਰ ਡਿਗਰੀ ਨੂੰ ਪੂਰਾ ਕਰਨ ਲਈ ਵਾਪਸ ਕਾਲਜ ਪਰਤ ਆਈ ਤੇ ਉਨ੍ਹਾਂ ਨੇ 16 ਜੂਨ ਨੂੰ ਮਾਸਟਰ ਡਿਗਰੀ ਹਾਸਲ ਕੀਤੀ।
ਇਹ ਵੀ ਪੜ੍ਹੋ : ਪੀਯੂ ਦੇ ਵਿਦਿਆਰਥੀਆਂ ਦੀ ਸਿਹਤ ਨਾਲ ਹੋ ਰਿਹੈ ਖਿਲਵਾੜ, ਪਰੋਸਿਆ ਜਾ ਰਿਹਾ ਖਰਾਬ ਖਾਣਾ
ਸੁਪਨਾ ਹੋਇਆ ਪੂਰਾ
ਇਹ ਡਿਗਰੀ ਉਨ੍ਹਾਂ ਨੂੰ ਡੀਨ ਡੈਨੀਅਲ ਸ਼ਵਾਰਟਜ਼ ਦੁਆਰਾ ਸੌਂਪਿਆ ਗਿਆ ਸੀ। ਜਿਸ ਤੋਂ ਬਾਅਦ ਗਿੰਨੀ ਹਿਸਲੋਪ ਨੇ ਕਿਹਾ ਕਿ ਹੇ ਭਗਵਾਨ, ਮੈਂ ਲੰਬੇ ਸਮੇਂ ਤੋਂ ਇਸ ਦਾ ਇੰਤਜ਼ਾਰ ਕਰ ਰਹੀ ਹਾਂ। ਉਨ੍ਹਾਂ ਨੇ ਇਕ ਇੰਟਰਵਿਊ ਰਾਹੀਂ ਆਪਣੀ ਕਹਾਣੀ ਦੁਨੀਆ ਸਾਹਮਣੇ ਪੇਸ਼ ਕੀਤੀ। ਉਨ੍ਹਾਂ ਨੇ ਆਪਣੀ ਇੰਟਰਵਿਊ ਵਿੱਚ ਕਿਹਾ ਕਿ ਉਹ ਇਸ ਦਿਨ ਦਾ ਲੰਬੇ ਸਮੇਂ ਤੋਂ ਇੰਤਜ਼ਾਰ ਕਰ ਰਹੀ ਸੀ ਅਤੇ ਹੁਣ ਉਸਦਾ ਸੁਪਨਾ ਪੂਰਾ ਹੋ ਗਿਆ ਹੈ। ਹਿਸਲੋਪ ਦੀ ਕਹਾਣੀ ਹੁਣ ਦੁਨੀਆ ਦੇ ਸਾਹਮਣੇ ਆਈ ਹੈ ਤਾਂ ਹਰ ਕੋਈ ਹੈਰਾਨ ਹਾ ਤੇ ਮਹਿਲਾ ਦੀ ਸਾਰੇ ਤਾਰੀਫ ਕਰ ਰਹੇ ਹਨ।