ਨਵੀਂ ਦਿੱਲੀ, 20 ਮਾਰਚ 2026 : ਆਇਰਲੈਂਡ ਦੇ ਸ਼ੈਨਨ ਸ਼ਹਿਰ (Shannon city, Ireland) ‘ਚ ਫਸੇ ਯਾਤਰੀਆਂ ਅਤੇ ਚਾਲਕ ਦਲ ਦੇ ਮੈਂਬਰਾਂ ਨੂੰ ਲੈ ਕੇ ਏਅਰ ਇੰਡੀਆ (Air India) ਦੀ ਵਿਸ਼ੇਸ਼ ਉਡਾਣ ਰਾਹੀਂ ਦਿੱਲੀ ਪਹੁੰਚੀ ।
ਕਿੰਨੇ ਯਾਤਰੀ ਸਵਾਰ ਸਨ ਉਡਾਣ ਵਿਚ
ਇਕ ਅਧਿਕਾਰੀ ਨੇ ਦੱਸਿਆ ਕਿ ਇਸ ਉਡਾਣ ‘ਚ 220 ਤੋਂ ਵੱਧ ਯਾਤਰੀ ਸਵਾਰ ਸਨ ਅਤੇ ਹਰੇਕ ਨੂੰ ਸਦਭਾਵਨਾ ਵਜੋਂ 20-20 ਹਜ਼ਾਰ ਰੁਪਏ ਦੀ ਪੇਸ਼ਕਸ਼ ਕੀਤੀ ਗਈ । ਨਿਊਯਾਰਕ ਤੋਂ ਦਿੱਲੀ ਆ ਰਹੇ ਹਵਾਬਾਜ਼ੀ ਕੰਪਨੀ ਦੇ ਏ-350 ਜਹਾਜ਼ (airline’s A-350 aircraft) ਨੂੰ ਸੋਮਵਾਰ ਨੂੰ ਕਿਸੇ ਤਕਨੀਕੀ ਖਰਾਬੀ ਕਾਰਨ ਸ਼ੈਨਨ ਵੱਲ ਮੋੜ ਦਿੱਤਾ ਗਿਆ ਸੀ ।
ਜਹਾਜ਼ ਨੂੰ ਉੱਥੇ ਹਵਾਈ ਅੱਡੇ ‘ਤੇ ਉਤਾਰਿਆ ਗਿਆ ਸੀ ਅਤੇ ਯਾਤਰੀ ਅਤੇ ਚਾਲਕ ਦਲ ਦੇ ਮੈਂਬਰ ਆਇਰਲੈਂਡ ਦੇ ਇਸ ਸ਼ਹਿਰ ‘ਚ ਫਸ ਗਏ ਸਨ । ਬੋਇੰਗ 787 ਜਹਾਜ਼ ਰਾਹੀਂ ਸੰਚਾਲਿਤ ਵਿਸ਼ੇਸ਼ ਉਡਾਣ ਜ਼ਿਊਰਿਖ ਤੋਂ ਸ਼ੈਨਨ ਪਹੁੰਚੀ ਅਤੇ ਬਾਅਦ ‘ਚ ਦਿੱਲੀ ਲਈ ਰਵਾਨਾ (Leaving for Delhi) ਹੋਈ ।
Read More : ਹਵਾਈ ਖੇਤਰ ਅਸੁਰੱਖਿਅਤ ਹੋਣ ਕਾਰਨ ਦਿੱਲੀ ਹਵਾਈ ਅੱਡੇ ਤੇ ਸੈਂਕੜੇ ਉਡਾਣਾਂ ਰੱਦ
