ਦਿੱਲੀ : ਮਸ਼ਹੂਰ ਕੈਫੇ ਦੀ ਕੌਫੀ ‘ਚ ਮਿਲਿਆ ਮਰਿਆ ਹੋਇਆ ਕਾਕਰੋਚ
ਅੱਜ -ਕੱਲ੍ਹ ਦੇ ਲੋਕ ਘਰ ਨਾਲੋਂ ਬਾਹਰ ਬਣੇ ਖਾਣੇ ਨੂੰ ਜ਼ਿਆਦਾ ਪਸੰਦ ਕਰਦੇ ਹਨ ਪਰ ਇਹ ਖਾਣਾ ਇੱਕ ਪੌਸ਼ਟਿਕ ਨਹੀਂ ਹੁੰਦਾ ਦੂਜਾ ਹੁਣ ਨਿਤ ਦਿਨ ਹੀ ਕੋਈ ਨਾ ਕੋਈ ਖ਼ਬਰ ਸਾਹਮਣੇ ਹੀ ਆਉਂਦੀ ਰਹਿੰਦੀ ਹੈ ਕਿ ਖਾਣੇ ਵਿੱਚੋਂ ਛਿਪਕਲੀ, ਕੀੜੇ ਆਦਿ ਨਿਕਲਦੇ ਹੀ ਰਹਿੰਦੇ ਹਨ | ਅਜਿਹਾ ਹੀ ਇਕ ਹੋਰ ਮਾਮਲਾ ਦਿੱਲੀ ਦੇ ਖਾਨ ਮਾਰਕੀਟ ਦੇ ਇੱਕ ਕੈਫੇ ਤੋਂ ਸਾਹਮਣੇ ਆਇਆ ਹੈ। ਇੱਥੇ ਲੋਪੇਰਾ ਕੈਫੇ ਵਿਖੇ, ਇੱਕ ਗਾਹਕ ਨੇ ਨਮਕੀਨ ਕੈਰੇਮਲ ਕੌਫੀ ਦੇ ਨਾਲ ਇੱਕ ਆਈਸਡ ਲੈਟੇ ਦਾ ਆਰਡਰ ਦਿੱਤਾ। ਉਸ ਵਿੱਚ ਇੱਕ ਮਰਿਆ ਹੋਇਆ ਕਾਕਰੋਚ ਮਿਲਿਆ।
ਸਟਾਫ ਨੇ ਰੋਬੋਟਿਕ ਮੁਆਫੀ ਮੰਗੀ
ਦਿੱਲੀ ਦੇ ਲੋਓਪੇਰਾ ਖਾਨ ਮਾਰਕਿਟ ਵਿੱਚ ਇੱਕ ਗਾਹਕ ਨੂੰ ਉਸਦੇ ਟੇਕਵੇਅ ਆਈਸਡ ਲੈਟੇ ਵਿੱਚ ਇੱਕ ਮਰਿਆ ਹੋਇਆ ਕਾਕਰੋਚ ਮਿਲਿਆ ਹੈ। ਗਾਹਕ ਨੇ ਸੋਸ਼ਲ ਮੀਡੀਆ ‘ਤੇ ਇਸਦੀ ਜਾਣਕਾਰੀ ਦਿੱਤੀ ਹੈ | ਉਸਨੇ ਲਿਖਿਆ ਕਿ ਸ਼ੁਰੂ ਵਿੱਚ ਤਾਂ ਉਸਨੇ ਕੌਫੀ ਦੇ ਕੁਝ ਕਣ ਸਮਝ ਲਏ ਪਰ ਧਿਆਨ ਨਾਲ ਦੇਖਣ ‘ਤੇ ਉਹਨੂੰ ਪਤਾ ਲੱਗਿਆ ਕਿ ਇਹ ਕਾਕਰੋਚ ਹੈ | ਗਾਹਕ ਬਾਅਦ ਵਿੱਚ ਸਮੱਸਿਆ ਦੀ ਰਿਪੋਰਟ ਕਰਨ ਲਈ ਕੈਫੇ ਵਾਪਸ ਗਿਆ ਪਰ ਸਟਾਫ ਦੇ ਜਵਾਬ ਤੋਂ ਅਸੰਤੁਸ਼ਟ ਮਹਿਸੂਸ ਕੀਤਾ। ਗ੍ਰਾਹਕ ਨੇ ਦੱਸਿਆ ਕਿ ਸਟਾਫ ਨੇ ਮਾਮਲੇ ਨੂੰ ਗੰਭੀਰਤਾ ਨਾਲ ਲੈਣ ਦੀ ਬਜਾਏ ਸਿਰਫ਼ ਰੋਬੋਟਿਕ ਮੁਆਫੀ ਮੰਗੀ।
ਇਹ ਵੀ ਪੜ੍ਹੋ : ਪਾਕਿਸਤਾਨ ਚੈਂਪੀਅਨਜ਼ ਟਰਾਫੀ ਦਾ ਫਾਈਨਲ ਆਪਣੇ ਦੇਸ਼ ’ਚ ਕਰਵਾਉਣ ‘ਤੇ ਅੜਿਆ
ਆਈਸਡ ਲੈਟੇ ਦੀ ਕੀਮਤ 315 ਰੁਪਏ
ਜ਼ੋਮੈਟੋ ‘ਤੇ ਕੈਫੇ ਦੇ ਮੀਨੂ ਦੇ ਅਨੁਸਾਰ, 365 ਮਿਲੀਲੀਟਰ ਆਈਸਡ ਲੈਟੇ ਦੀ ਕੀਮਤ 315 ਰੁਪਏ ਹੈ ਅਤੇ ਇਸ ਵਿੱਚ ਲਗਭਗ 63 ਕੈਲੋਰੀਆਂ ਹੁੰਦੀਆਂ ਹਨ। ਹਾਲਾਂਕਿ, ਗਾਹਕ ਦੇ ਬਿੱਲ ਤੋਂ ਪਤਾ ਲੱਗਿਆ ਹੈ ਕਿ ਉਸਦੇ ਆਈਸਡ ਲੈਟੇ ਦੀ ਕੀਮਤ 335 ਰੁਪਏ ਹੈ।
