ਹੈਦਰਾਬਾਦ, 24 ਨਵੰਬਰ 2025 : ਭਾਰਤ ਦੇਸ਼ ਦੇ ਸ਼ਹਿਰ ਬੈਂਗਲੁਰੂ (Bangalore) ਦੇ ਇਕ ਹੋਟਲ `ਚ ਚਾਲਕ ਦਲ ਦੀ ਇਕ ਮੈਂਬਰ (ਕੈਬਿਨ ਕਰੂ ਮੈਂਬਰ) ਨਾਲ ਸੈਕਸ ਸ਼ੋਸ਼ਣ (Sexual abuse) ਦੇ ਦੋਸ਼ ਹੇਠ ਇਕ ਚਾਰਟਰਡ ਜਹਾਜ਼ ਦੇ ਪਾਇਲਟ ਖਿਲਾਫ ਮਾਮਲਾ ਦਰਜ ਕੀਤਾ ਗਿਆ ਹੈ । ਪੁਲਸ ਨੇ ਦੱਸਿਆ ਕਿ ਇਹ ਘਟਨਾ 18 ਨਵੰਬਰ ਨੂੰ ਬੈਂਗਲੁਰੂ ਵਿਚ ਹੋਈ ਸੀ । ਤੇ 26 ਸਾਲਾ ਪੀੜਤਾ ਨੇ ਹੁਣ ਸ਼ਹਿਰ ਦੇ ਬੇਗਮਪੇਟ ਪੁਲਸ ਥਾਣੇ `ਚ ਸ਼ਿਕਾਇਤ ਦਰਜ ਕਰਾਈ ।
ਸਿ਼ਕਾਇਤ ਦਰਜ ਕਰਵਾਉਣ ਤੋੋਂ ਬਾਅਦ ਜੀਰੋ ਐਫ. ਆਈ. ਆਰ. ਦਰਜ
ਸਿ਼ਕਾਇਤ ਦਰਜ ਕਰਾਉਣ ਤੋਂ ਬਾਅਦ ਇਸ ਮਾਮਲੇ `ਚ ਭਾਰਤੀ ਨਿਆਂ ਸੰਹਿਤਾ (ਬੀ. ਐੱਨ. ਐੱਸ.) ਦੀਆਂ ਸਬੰਧਤ ਧਾਰਾਵਾਂ ਤਹਿਤ ਜ਼ੀਰੋ ਐੱਫ. ਆਈ. ਆਰ. ਦਰਜ (Zero FIR registered) ਕੀਤੀ ਗਈ । ਬਾਅਦ `ਚ ਮਾਮਲੇ ਨੂੰ ਬੈਂਗਲੁਰੂ ਦੇ ਹਲਾਸੁਰੂ ਪੁਲਸ ਥਾਣੇ `ਚ ਤਬਦੀਲ ਕਰ ਦਿੱਤਾ । `ਜ਼ੀਰੋ ਐੱਫ. ਆਈ. ਆਰ.` ਇਕ ਅਜਿਹੀ ਸ਼ਿਕਾਇਤ ਹੁੰਦੀ ਹੈ, ਜਿਸ ਨੂੰ ਕਿਸੇ ਵੀ ਪੁਲਸ ਥਾਣੇ `ਚ ਦਰਜ ਕੀਤਾ ਜਾ ਸਕਦਾ ਹੈ, ਭਾਵੇਂ ਅਪਰਾਧ ਕਿਸੇ ਹੋਰ ਥਾਣਾ ਖੇਤਰ `ਚ ਹੋਇਆ ਹੋਵੇ ।
