ਫਰੀਦਾਬਾਦ 31 ਦਸੰਬਰ 2025 : ਹਰਿਆਣਾ ਦੇ ਸ਼ਹਿਰ ਫਰੀਦਾਬਾਦ (Faridabad) ਵਿਖੇ ਕੋਤਵਾਲੀ ਥਾਣਾ ਖੇਤਰ ਵਿੱਚ ਰਹਿਣ ਵਾਲੀ ਇੱਕ 28 ਸਾਲਾ ਵਿਆਹੁਤਾ ਔਰਤ ਨਾਲ ਜਬਰ ਜਨਾਹ (Rape) ਕੀਤੇ ਜਾਣ ਦਾ ਮਾਮਲਾ ਸਾਹਮਣੇ ਆਇਆ ਹੈ ।
ਲਿਫਟ ਦੇਣ ਦੇ ਬਹਾਨੇ ਵੈਨ ਵਿਚ ਬੈਠਾ ਕੇ ਦੋ ਵਿਅਕਤੀਆਂ ਕੀਤਾ ਜਬਰ ਜਨਾਹ
ਪ੍ਰਾਪਤ ਜਾਣਕਾਰੀ ਅਨੁਸਾਰ ਇੱਕ ਵੈਨ ਜਿਸ ਵਿੱਚ ਦੋ ਵਿਅਕਤੀ ਸਵਾਰ ਸਨ ਨੇ ਔਰਤ ਨੂੰ ਲਿਫਟ ਦੇਣ ਦੇ ਬਹਾਨੇ ਗੱਡੀ ਵਿੱਚ ਬਿਠਾਇਆ ਅਤੇ ਫਿਰ ਲਗਭਗ ਢਾਈ ਘੰਟੇ ਤੱਕ ਸੜਕਾਂ `ਤੇ ਘੁੰਮਦੇ ਹੋਏ ਉਸ ਨਾਲ ਬਲਾਤਕਾਰ ਕੀਤਾ ਅਤੇ ਫਿਰ ਕਾਰ ਵਿੱਚ ਸਵਾਰ ਮੁਲਜ਼ਮ ਉਸਨੂੰ ਇੱਕ ਸੁੰਨਸਾਨ ਇਲਾਕੇ ਵਿੱਚ ਛੱਡ ਕੇ ਭੱਜ ਗਏ।
ਘਟਨਾ ਦੀ ਸਿ਼ਕਾਰ ਮਹਿਲਾ ਨੇ ਦੱਸੀ ਸਾਰੀ ਘਟਨਾ ਆਪਣੀ ਭੈਣ ਨੂੰ
ਜਬਰ ਜਨਾਹ ਦੀ ਪੀੜ੍ਹਤਾ ਔਰਤ (Suffering woman) ਨੇ ਉਕਤ ਹਾਦਸੇ ਸਬੰਧੀ ਆਪਣੀ ਭੈਣ ਨੂੰ ਦੱਸਿਆ, ਜਿਸ ਤੇ ਪਰਿਵਾਰਕ ਮੈਂਬਰ ਉਸਨੂੰ ਗੰਭੀਰ ਹਾਲਤ ਵਿੱਚ ਹਸਪਤਾਲ ਲੈ ਗਏ, ਜਿੱਥੇ ਸ਼ੁਰੂਆਤੀ ਇਲਾਜ ਤੋਂ ਬਾਅਦ ਉਸਨੂੰ ਦਿੱਲੀ ਰੈਫਰ ਕਰ ਦਿੱਤਾ ਗਿਆ । ਜਾਣਕਾਰੀ ਮੁਤਾਬਕ ਹਾਲ ਦੀ ਘੜੀ ਉਸਦੇ ਪਰਿਵਾਰ ਨੇ ਉਸਨੂੰ ਫਰੀਦਾਬਾਦ ਦੇ ਇੱਕ ਨਿੱਜੀ ਹਸਪਤਾਲ ਵਿੱਚ ਦਾਖਲ ਕਰਵਾਇਆ ਹੈ, ਜਿੱਥੇ ਉਸਦੀ ਹਾਲਤ ਹੁਣ ਸਥਿਰ ਹੈ ।
ਕੋਤਵਾਲੀ ਪੁਲਸ ਨੇ ਕਰ ਦਿੱਤੀ ਹੈ ਮਾਮਲਾ ਦਰਜ ਕਰਕੇ ਜਾਂਚ ਸ਼ੁਰੂ
ਪੀੜਤਾ ਜੋ ਕਿ ਹਾਲੇ ਵੀ ਸਦਮੇ ਵਿੱਚ ਹੈ ਦੇ ਨਾਲ ਵਾਪਰੇ ਘਟਨਾਕ੍ਰਮ ਦੀ ਜਾਂਚ ਕੋਤਵਾਲੀ ਪੁਲਸ ਨੇ ਭੈਣ ਵਲੋਂ ਦਿੱਤੀ ਸਿ਼ਕਾਇਤ ਦੇ ਆਧਾਰ `ਤੇ ਮਾਮਲਾ ਦਰਜ ਕਰਕੇ ਸ਼ੁਰੂ ਕਰ ਦਿੱਤੀ ਹੈ ਪਰ ਹਾਲੇ ਜਬਰ ਜਨਾਹ ਕਰਨ ਵਾਲਿਆਂ ਦੀ ਪਛਾਣ ਨਹੀਂ ਹੋ ਸਕੀ ਹੈ । ਪੀੜਤਾ ਨੇ ਅਜੇ ਤੱਕ ਆਪਣਾ ਬਿਆਨ ਦਰਜ ਨਹੀਂ ਕੀਤਾ ਹੈ ।
ਪੀੜ੍ਹਤਾ ਦੀ ਭੈਣ ਨੇ ਦੱਸੀ ਸਾਰੀ ਗੱਲਬਾਤ
ਸਿਕਾਇਤਕਰਤਾ (Complainant) ਜੋ ਕਿ ਪੀੜ੍ਹਤਾ ਦੀ ਭੈਣ ਹੈ ਨੇ ਕੋਤਵਾਲੀ ਪੁਲਸ ਨੂੰ ਦੱਸਿਆ ਕਿ ਉਸਦੀ ਭੈਣ ਰਾਤ ਨੂੰ ਨੰਬਰ 2 ਚੌਕ `ਤੇ ਘਰ ਵਾਪਸ ਜਾਣ ਲਈ ਗੱਡੀ ਦੀ ਉਡੀਕ ਕਰ ਰਹੀ ਸੀ ਕਿ ਇੱਕ ਵੈਨ ਰੁਕੀ ਅਤੇ ਲਿਫਟ ਦੀ ਪੇਸ਼ਕਸ਼ ਕੀਤੀ । ਉਸਨੂੰ ਘਰ ਛੱਡਣ ਦੀ ਬਜਾਏ ਵੈਨ ਦੇ ਸਵਾਰ ਉਸਨੂੰ ਗੁੜਗਾਓਂ ਰੋਡ `ਤੇ ਲੈ ਗਏ ਅਤੇ ਲਗਭਗ ਦੋ ਤੋਂ ਢਾਈ ਘੰਟੇ ਤੱਕ ਸੜਕ `ਤੇ ਘੁੰਮਦੇ ਹੋਏ ਉਸਦੇ ਨਾਲ ਬਲਾਤਕਾਰ ਕੀਤਾ । ਉਹ ਵਿਰੋਧ ਕਰਦੀ ਰਹੀ, ਪਰ ਵੈਨ ਦੇ ਸਵਾਰਾਂ ਨੇ ਉਸਨੂੰ ਡਰਾ ਕੇ ਚੁੱਪ ਕਰਵਾ ਦਿੱਤਾ ।
Read More : 16 ਸਾਲ ਪੁਰਾਣੇ ਜਬਰ-ਜਨਾਹ ਮਾਮਲੇ ਦਾ ਖੁਲਾਸਾ ਹੋਣ ਤੇ ਮੁਲਜ਼ਮ ਗ੍ਰਿਫ਼ਤਾਰ
