ਬੀਜਿੰਗ, 11 ਦਸੰਬਰ 2025 : ਚੀਨ (china) `ਚ ਇਕ ਭ੍ਰਿਸ਼ਟਾਚਾਰ (Corruption) ਦੇ ਮਾਮਲੇ `ਚ ਸਰਕਾਰੀ ਵਿੱਤੀ ਕੰਪਨੀ ਦੇ ਸਾਬਕਾ ਸੀਨੀਅਰ ਅਧਿਕਾਰੀ ਬਾਈ ਤਿਆਨਹੁਈ (Bai Tianhui) ਨੂੰ ਫਾਂਸੀ ਦਿੱਤੀ ਗਈ । ਉਸ ’ਤੇ 1.108 ਬਿਲੀਅਨ ਯੂਆਨ (ਲੱਗਭਗ 157 ਮਿਲੀਅਨ ਅਮਰੀਕੀ ਡਾਲਰ) ਦੀ ਰਿਸ਼ਵਤ ਲੈਣ ਦਾ ਦੋਸ਼ ਸਾਬਤ ਹੋਇਆ ਸੀ ।
ਫਾਂਸੀ ਦੀ ਇਹ ਕਾਰਵਾਈ ਮੰਨੀ ਜਾ ਰਹੀ ਹੈ ਸਭ ਤੋਂ ਸਖ਼ਤ ਸਜਾਵਾਂ ਵਿਚੋਂ ਇਕ
ਇਹ ਕਾਰਵਾਈ ਚੀਨ ਦੀ ਹਾਲੀਆ ਭ੍ਰਿਸ਼ਟਾਚਾਰ ਵਿਰੋਧੀ ਮੁਹਿੰਮ (Anti-corruption campaign) `ਚ ਸਭ ਤੋਂ ਸਖ਼ਤ ਸਜ਼ਾਵਾਂ `ਚੋਂ ਇਕ ਮੰਨੀ ਜਾ ਰਹੀ ਹੈ । ਚਾਈਨਾ ਹੁਆਰੋਂਗ ਇੰਟਰਨੈਸ਼ਨਲ ਹੋਲਡਿੰਗਜ਼ ਲਿਮਟਿਡ ਦੇ ਸਾਬਕਾ ਜਨਰਲ ਮੈਨੇਜਰ ਬਾਈ ਤਿਆਨਹੁਈ ਨੂੰ ਤਿਆਨਜਿਨ ਮਿਊਂਸੀਪਲ ਕੋਰਟ `ਚ ਫਾਂਸੀ (Execution) ਦਿੱਤੀ ਗਈ । ਇਹ ਸਜ਼ਾ ਸੁਪਰੀਮ ਪੀਪਲਜ਼ ਕੋਰਟ ਦੀ ਪ੍ਰਵਾਨਗੀ ਤੋਂ ਬਾਅਦ ਲਾਗੂ ਕੀਤੀ ਗਈ । ਆਮ ਤੌਰ `ਤੇ ਭ੍ਰਿਸ਼ਟਾਚਾਰ ਦੇ ਮਾਮਲਿਆਂ `ਚ ਚੀਨ ਸਿੱਧੇ ਤੌਰ `ਤੇ ਮੌਤ ਦੀ ਸਜ਼ਾ ਨਹੀਂ ਦਿੰਦਾ ਅਤੇ ਦੋਸ਼ੀਆਂ ਨੂੰ ਅਕਸਰ 2 ਸਾਲ ਦੀ ਸ਼ਰਤੀਆ ਰਾਹਤ ਦਿੱਤੀ ਜਾਂਦੀ ਹੈ, ਪਰ ਬਾਈ ਦਾ ਮਾਮਲਾ ਅਪਵਾਦ ਸਾਬਤ ਹੋਇਆ ।
Read More : ਭ੍ਰਿਸ਼ਟਾਚਾਰ ਦੇ ਮਾਮਲੇ `ਚ ਨੇਤਨਯਾਹੂ ਨੇ ਰਾਸ਼ਟਰਪਤੀ ਤੋਂ ਮੰਗੀ ਮੁਆਫ਼ੀ
