ਨਵੀਂ ਦਿੱਲੀ, 30 ਨਵੰਬਰ 2025 : ਰਾਸ਼ਟਰੀ ਜਾਂਚ ਏਜੰਸੀ (National Investigation Agency) (ਐੱਨ. ਆਈ. ਏ.) ਦੀ ਇਕ ਵਿਸ਼ੇਸ਼ ਅਦਾਲਤ (Special Court) ਨੇ ਪਾਬੰਦੀਸ਼ੁਦਾ ਅਲਕਾਇਦਾ ਵੱਲੋਂ ਰਚੀ ਗਈ ਅੱਤਵਾਦੀ ਸਾਜਿ਼ਸ਼ ਵਿਚ 2 ਹੋਰ ਮੁਲਜ਼ਮਾਂ ਨੂੰ ਦੋਸ਼ੀ ਠਹਿਰਾਇਆ ਹੈ ਅਤੇ ਉਨ੍ਹਾਂ ਨੂੰ 20 ਮਹੀਨੇ ਦੀ ਕੈਦ (20 months in prison) ਦੀ ਸਜ਼ਾ ਸੁਣਾਈ ਹੈ । ਸ਼ਨੀਵਾਰ ਨੂੰ ਇਕ ਅਧਿਕਾਰਤ ਬਿਆਨ ਵਿਚ ਇਹ ਜਾਣਕਾਰੀ ਦਿੱਤੀ ਗਈ । ਇਸ ਵਿਚ ਕਿਹਾ ਗਿਆ ਹੈ ਕਿ ਲਖਨਊ ਨਿਵਾਸੀ ਮੁਹੰਮਦ ਮੁਸਤਕੀਮ ਅਤੇ ਸ਼ਕੀਲ `ਤੇ 5,000-5,000 ਰੁਪਏ ਦਾ ਜੁਰਮਾਨਾ (Fine) ਵੀ ਲਗਾਇਆ ਗਿਆ ਹੈ । ਇਸ ਤੋਂ ਪਹਿਲਾਂ 30 ਅਕਤੂਬਰ ਨੂੰ ਅਦਾਲਤ ਨੇ ਅਲਕਾਇਦਾ (Al-Qaeda) ਦੇ 2 ਮੈਂਬਰਾਂ ਦੀ ਗ੍ਰਿਫਤਾਰੀ ਨਾਲ ਸਬੰਧਤ ਇਸੇ ਮਾਮਲੇ ਵਿਚ ਲਖਨਊ ਦੇ ਮੁਹੰਮਦ ਮੋਈਦ ਨੂੰ ਦੋਸ਼ੀ ਠਹਿਰਾਇਆ ਸੀ ।
ਉਤਰ ਪ੍ਰਦੇਸ਼ ਦੇ ਅੱਤਵਾਦ ਵਿਰੋਧੀ ਦਸਤੇ ਨੇ 11 ਜੁਲਾਈ 2021 ਨੂੰ ਕੀਤੀ ਸੀ ਗ੍ਰਿਫ਼ਤਾਰੀ
ਬਿਆਨ ਵਿਚ ਕਿਹਾ ਗਿਆ ਹੈ ਕਿ ਉੱਤਰ ਪ੍ਰਦੇਸ਼ ਦੇ ਅੱਤਵਾਦ ਵਿਰੋਧੀ ਦਸਤੇ (Uttar Pradesh Anti-Terrorism Squad) ਨੇ 11 ਜੁਲਾਈ, 2021 ਨੂੰ ਇਸ ਜਾਣਕਾਰੀ ਦੇ ਆਧਾਰ `ਤੇ ਗ੍ਰਿਫ਼ਤਾਰੀ ਕੀਤੀ ਸੀ ਕਿ ਅਲਕਾਇਦਾ ਦਾ ਕਾਰਕੁੰਨ ਉਮਰ ਹਲਮੰਡੀ ਲਖਨਊ ਵਿਚ ਏ. ਕਿਊ. ਆਈ. ਐੱਸ. (ਅਲਕਾਇਦਾ ਇਨ ਇੰਡੀਅਨ ਸਬਕਾਂਟੀਨੈਂਟ) ਲਈ ਮੈਂਬਰਾਂ ਨੂੰ ਕੱਟੜ ਬਣਾਉਣ ਅਤੇ ਭਰਤੀ ਕਰਨ ਵਿਚ ਸ਼ਾਮਲ ਸੀ ।
Read More : ਅਦਾਲਤ ਨੇ ਸੁਣਾਈ ਨੇਹਾ ਕਤਲ ਕੇਸ `ਚ ਮੋਨੂੰ ਨੂੰ ਉਮਰ ਕੈਦ ਦੀ ਸਜ਼ਾ
