1500 ਸਾਲ ਪਹਿਲਾਂ ਮਰੀ ਮਹਿਲਾ ਦੀ ਵਿਗਿਆਨੀਆਂ ਨੇ ਦੱਸੀ ਦਿੱਖ
ਇਹ ਅੰਦਾਜ਼ਾ ਲਗਾਉਣਾ ਮੁਸ਼ਕਲ ਹੈ ਕਿ ਹਜ਼ਾਰਾਂ ਸਾਲ ਪਹਿਲਾਂ ਮਨੁੱਖ ਕਿਸ ਤਰ੍ਹਾਂ ਦਾ ਦਿਖਾਈ ਦਿੰਦਾ ਸੀ। ਪਰ ਹੁਣ ਵਿਗਿਆਨ ਤੋਂ ਕੋਈ ਚੀਜ਼ ਦੂਰ ਨਹੀਂ ਲੱਗਦੀ | ਅਜਿਹੀ ਹੀ ਇਕ ਖਬਰ ਸਾਹਮਣੇ ਆਈ ਹੈ ਜਿੱਥੇ ਕਿ ਖੋਜਕਰਤਾਵਾਂ ਦੀ ਇੱਕ ਟੀਮ ਨੇ ਪਹਿਲੀ ਵਾਰ ਇੱਕ ਮੰਮੀ ਦੇ ਚਿਹਰੇ ਨੂੰ ਦੁਬਾਰਾ ਬਣਾ ਦਿੱਤਾ ਹੈ, ਜੋ ਕਿ 1500 ਤੋਂ 2000 ਸਾਲ ਪੁਰਾਣੀ ਦੱਸੀ ਜਾਂਦੀ ਹੈ। ਸੁਨਹਿਰੀ ਸਿਰ ਦੇ ਕਾਰਨ, ਇਸ ਮੰਮੀ ਨੂੰ ‘ਗਿਲਡੇਡ ਲੇਡੀ’ ਵਜੋਂ ਜਾਣਿਆ ਜਾਂਦਾ ਹੈ। ਇਹ ਔਰਤ ਰੋਮਨ ਦੇ ਕਬਜ਼ੇ ਵਾਲੇ ਮਿਸਰ ਦੀ ਵਸਨੀਕ ਸੀ ਅਤੇ 40 ਸਾਲ ਦੀ ਉਮਰ ਵਿੱਚ ਇਸਦੀ ਤਪਦਿਕ ਦੇ ਕਾਰਨ ਮੌਤ ਹੋ ਗਈ ਸੀ।
‘ਗਿਲਡੇਡ ਲੇਡੀ’ ਮੰਮੀ ਨੂੰ #30007 ਦੇ ਨਾਂ ਨਾਲ ਵੀ ਜਾਣਿਆ ਜਾਂਦਾ
ਸ਼ਿਕਾਗੋ ਦੇ ‘ਫੀਲਡ ਮਿਊਜ਼ੀਅਮ’ ‘ਚ ਰੱਖੀ ‘ਗਿਲਡੇਡ ਲੇਡੀ’ ਮੰਮੀ ਨੂੰ #30007 ਦੇ ਨਾਂ ਨਾਲ ਵੀ ਜਾਣਿਆ ਜਾਂਦਾ ਹੈ। ਵਿਗਿਆਨੀਆਂ ਨੇ ਅਤਿ-ਆਧੁਨਿਕ ਤਕਨੀਕਾਂ ਦੀ ਵਰਤੋਂ ਕਰਕੇ ਮੰਮੀ ਦੇ ਚਿਹਰੇ ਨੂੰ ਮੁੜ ਡਿਜ਼ਾਈਨ ਕੀਤਾ ਹੈ। ਖੋਜਕਰਤਾਵਾਂ ਨੇ ਮੰਮੀ ਦੀਆਂ ਵਿਸ਼ੇਸ਼ਤਾਵਾਂ ਦਾ ਮੁਲਾਂਕਣ ਕਰਨ ਲਈ ਮੋਬਾਈਲ ਸੀਟੀ ਸਕੈਨਰ ਦੀ ਵਰਤੋਂ ਕੀਤੀ। ਇਸ ਨਾਲ ਮੈਡੀਕਲ ਹਿਸਟਰੀ ਅਤੇ ਮਮੀਫੀਕੇਸ਼ਨ ਪ੍ਰਕਿਰਿਆ ਦਾ ਵੀ ਖੁਲਾਸਾ ਹੋਇਆ।
Meet the ‘gilded lady’: Scientists reconstruct the face of a mysterious mummy who lived in Egypt 1,500 years ago and was known for her ‘golden headdress’https://t.co/lZNjK6SFVD
— Science Academy (@Academ18Academy) July 13, 2024
ਮੰਮੀ ਦੇ ਸਿਰ ਦਾ ਕੀਤਾ ਸੀਟੀ ਸਕੈਨ
ਵਿਗਿਆਨੀਆਂ ਨੇ ਪਹਿਲਾਂ ਮੰਮੀ ਦੇ ਸਿਰ ਦਾ ਸੀਟੀ ਸਕੈਨ ਕੀਤਾ। ਫਿਰ ਸਕੈਨ ਡੇਟਾ ਦੀ ਮਦਦ ਨਾਲ ਉਸ ਦੀ ਖੋਪੜੀ ਅਤੇ ਚਿਹਰੇ ਦੀਆਂ ਮਾਸਪੇਸ਼ੀਆਂ ਅਤੇ ਟਿਸ਼ੂਆਂ ਦਾ 3ਡੀ ਮਾਡਲ ਬਣਾਇਆ ਗਿਆ। ਮੰਮੀ ਬਣਾਉਣ ਦੀ ਪ੍ਰਕਿਰਿਆ ਅਤੇ ਉਸ ਸਮੇਂ ਦੇ ਲੋਕਾਂ ਦੇ ਅਵਸ਼ੇਸ਼ਾਂ ਦਾ ਅਧਿਐਨ ਮੰਮੀ ਦੇ ਵਾਲਾਂ, ਚਮੜੀ ਅਤੇ ਅੱਖਾਂ ਦੇ ਰੰਗ ਦਾ ਅੰਦਾਜ਼ਾ ਲਗਾਉਣ ਲਈ ਮੁਲਾਂਕਣ ਕੀਤਾ ਗਿਆ ਸੀ। ਇਸ ਤੋਂ ਬਾਅਦ ਸਾਰੀਆਂ ਗੱਲਾਂ ਨੂੰ ਧਿਆਨ ‘ਚ ਰੱਖਦੇ ਹੋਏ ਮੰਮੀ ਦੇ ਚਿਹਰੇ ਨੂੰ ਦੁਬਾਰਾ ਬਣਾਇਆ ਗਿਆ।
ਮਿਸਰੀ ਲੋਕਾਂ ਦੇ ਜੀਵਨ ਅਤੇ ਮੌਤ ਬਾਰੇ ਪ੍ਰਦਾਨ ਕਰਦਾ ਨਵੀਂ ਜਾਣਕਾਰੀ
ਬ੍ਰਾਜ਼ੀਲ ਦੇ ਗ੍ਰਾਫਿਕਸ ਡਿਜ਼ਾਈਨਰ ਸਿਸਰੋ ਮੋਰੇਸ ਦੁਆਰਾ ਮੰਮੀ ਦੇ ਚਿਹਰੇ ਨੂੰ ਦੁਬਾਰਾ ਬਣਾਇਆ ਗਿਆ ਸੀ। ਇਹ ਪੁਨਰ ਨਿਰਮਾਣ ਇੱਕ ਮਹੱਤਵਪੂਰਨ ਵਿਗਿਆਨਕ ਪ੍ਰਾਪਤੀ ਹੈ, ਕਿਉਂਕਿ ਇਹ ਸਾਨੂੰ ਪ੍ਰਾਚੀਨ ਮਿਸਰੀ ਲੋਕਾਂ ਦੇ ਜੀਵਨ ਅਤੇ ਮੌਤ ਬਾਰੇ ਨਵੀਂ ਜਾਣਕਾਰੀ ਪ੍ਰਦਾਨ ਕਰਦਾ ਹੈ।
ਇਹ ਵੀ ਪੜ੍ਹੋ : ਪੂਰੇ ਦੇਸ਼ ‘ਚ ਹੁਣ ਸੋਨੇ ਦਾ ਇੱਕ ਹੀ ਹੋਵੇਗਾ ਭਾਅ !
ਸਾਰੇ ਅੰਕੜਿਆਂ ਦੇ ਆਧਾਰ ‘ਤੇ, ਖੋਜਕਰਤਾ ਇਸ ਸਿੱਟੇ ‘ਤੇ ਪਹੁੰਚੇ ਕਿ ਗਿਲਡੇਡ ਲੇਡੀ ਦੇ ਛੋਟੇ ਅਤੇ ਘੁੰਗਰਾਲੇ ਵਾਲ ਸਨ। ਇਹ ਕੇਸ ਦਰਸਾਉਂਦਾ ਹੈ ਕਿ ਸੀਟੀ ਸਕੈਨਿੰਗ ਦੀ ਵਰਤੋਂ ਮ੍ਰਿਤਕ ਨੂੰ ਨੁਕਸਾਨ ਪਹੁੰਚਾਏ ਬਿਨਾਂ ਕਿਸੇ ਮੰਮੀ ਬਾਰੇ ਮਹੱਤਵਪੂਰਨ ਜਾਣਕਾਰੀ ਪ੍ਰਾਪਤ ਕਰਨ ਲਈ ਕੀਤੀ ਜਾ ਸਕਦੀ ਹੈ। ਇਸ ਦੇ ਨਾਲ ਹੀ ਕਿ ਅਸੀਂ ਅਤਿ-ਆਧੁਨਿਕ ਤਕਨੀਕਾਂ ਦੀ ਵਰਤੋਂ ਕਰਕੇ ਅਤੀਤ ਦੀ ਝਲਕ ਕਿਵੇਂ ਪ੍ਰਾਪਤ ਕਰ ਸਕਦੇ ਹਾਂ। ਇਹ ਅਧਿਐਨ ਮੰਮੀ ਬਣਾਉਣ ਦੀ ਪ੍ਰਕਿਰਿਆ ਅਤੇ ਪ੍ਰਾਚੀਨ ਮਿਸਰ ਦੇ ਸੱਭਿਆਚਾਰ ਨੂੰ ਸਮਝਣ ਵਿੱਚ ਮਦਦ ਕਰਦਾ ਹੈ।
