ਡਰੱਗਜ਼ ਕੰਟਰੋਲਰ ਜਨਰਲ ਆਫ਼ ਇੰਡੀਆ ਹੈਦਾਰਾਬਦ ਸਥਿਤ ਬਾਇਓਲੌਜੀਕਲ ਈ ਲਿਮਿਟਡ ਨੂੰ 5 ਤੋਂ 18 ਸਾਲ ਦੀ ਉਮਰ ਦੇ ਬੱਚਿਆਂ ‘ਤੇ ਮੇਡ ਇਨ ਇੰਡੀਆ ਕੋਵਿਡ-19 ਟੀਕੇ ਦੇ ਦੂਜੇ-ਤੀਜੇ ਪੜਾਅ ਦੇ ਟ੍ਰਾਇਲ ਲਈ ਕੁੱਝ ਸ਼ਰਤਾਂ ਨਾਲ ਇਜਾਜ਼ਤ ਦੇ ਦਿੱਤੀ ਹੈ।
ਸੂਤਰਾਂ ਅਨੁਸਾਰ ਦੂਜਾ-ਤੀਜਾ ਕਲੀਨੀਕਲ ਟ੍ਰਾਇਲ ਏ ਪ੍ਰੋਸਪੈਕਟਿਵ, ਰੈਂਡਮਾਈਜ਼ਡ, ਡਬਲ-ਬਲਾਇੰਡ, ਪਲੇਸਬੋ ਕੰਟਰੋਲਡ, ਦੂਜੇ-ਤੀਜੇ ਫੇਜ਼ ‘ਚ ਸੁਰੱਖਿਆ ਦਾ ਪਤਾ ਲਾਉਣਾ, ਸਹਿਣਸ਼ੀਲਤਾ ਅਤੇ ਬੱਚਿਆਂ ਵਿੱਚ ਕੋਰਬੇਵੈਕਸ ਟੀਕੇ ਦੀ ਪ੍ਰਤੀਰੋਧਕਤਾ ਦੇ ਤਹਿਤ ਆਯੋਜਿਤ ਕੀਤਾ ਗਿਆ ਹੈ। ਡੀਸੀਜੀਆਈ ਵੱਲੋਂ ਇਹ ਇਜਾਜ਼ਤ ਕੋਵਿਡ-19 ਬਾਰੇ ਮਾਹਿਰ ਕਮੇਟੀ ਦੀਆਂ ਸਿਫਾਰਸ਼ਾਂ ਤੋਂ ਬਾਅਦ ਦਿੱਤੀ ਗਈ ਹੈ।
ਵੈਕਸੀਨ ਦੇ ਇਸ ਟ੍ਰਾਇਲ ਦਾ ਮਕਸਦ ਬੱਚਿਆਂ ਤੇ ਟੀਨਏਜਰਸ ‘ਚ ਇਸ ਦੀ ਸੁਰੱਖਿਆ ‘ਤੇ ਅਸਰ ਦੇ ਨਾਲ ਇਹ ਪਤਾ ਲਾਉਣਾ ਵੀ ਹੈ ਕਿ ਡੋਜ਼ ਲੱਗਣ ਤੋਂ ਬਾਅਦ ਇਹ ਕਿੰਨੀ ਮਾਤਰਾ ‘ਚ ਐਂਟੀਬੌਡੀ ਵਿਕਸਤ ਕਰਦਾ ਹੈ। ਹੁਣ ਤਕ ਧਛਘੀ ਵੱਲੋਂ ਦੇਸ਼ ‘ਚ ਵਿਕਸਤ ਜਾਇਡਸ ਕੈਡਿਲਾ ਦੀ ਵੈਕਸੀਨ ਜਾਇਕੋਵ-ਡੀ ਦੇ ਐਮਰਜੈਂਸੀ ਇਸਤੇਮਾਲ ਨੂੰ ਮਨਜੂਰੀ ਦਿੱਤੀ ਗਈ ਹੈ।
ਇਹ ਦੇਸ਼ ‘ਚ 12 ਤੋਂ 18 ਸਾਲ ਦੀ ਉਮਰ ਵਰਗ ਲਈ ਵਿਕਸਤ ਕੀਤੇ ਜਾ ਰਹੇ ਵੈਕਸੀਨ ਦੇ ਦੂਜੇ/ਤੀਜੇ ਗੇੜ ਦੇ ਕਲੀਨੀਕਲ ਪ੍ਰੀਖਣਾਂ ਦੇ ਅੰਕੜਿਆਂ ‘ਤੇ ਅਜੇ ਵਿਚਾਰ ਕੀਤਾ ਜਾ ਰਿਹਾ ਹੈ।
2 ਸਾਲ ਤੋਂ 18 ਸਾਲ ਲਈ ਭਾਰਤ ਬਾਇਓਟੈਕ ਦੀ ਕੋਵੈਕਸੀਨ ਦਾ ਟ੍ਰਾਇਲ ਅਜੇ ਜਾਰੀ ਹੈ। ਜੁਲਾਈ ‘ਚ ਭਾਰਤ ਦੇ ਡ੍ਰੱਗ ਰੈਗੂਲੇਟਰ ਨੇ ਸੀਰਮ ਇੰਸਟੀਟਿਊਟ ਆਫ਼ ਇੰਡੀਆਂ ਨੂੰ ਕੁੱਝ ਸ਼ਰਤਾਂ ਦੇ ਨਾਲ 2 ਤੋਂ 17 ਸਾਲ ਦੇ ਆਯੁਰਵਰਗ ਲਈ ਟ੍ਰਾਇਲ ਦੀ ਇਜਾਜ਼ਤ ਦਿੱਤੀ ਸੀ।
