ਸ਼੍ਰੀ ਵਿਜੇਪੁਰਮ, 17 ਮਾਰਚ 2026 : ਭਾਰਤ ਦੇਸ਼ ਦੀ ਅੰਡੇਮਾਨ ਤੇ ਨਿਕੋਬਾਰ ਪੁਲਸ (Andaman Nicobar Police) ਵਲੋਂ ਲਗਤਾਰ ਚਲਾਈ ਮੁਹਿੰਮ ਤਹਿਤ ਕਰੋੜਾਂ ਰੁਪਏ ਦੀ ਪਕੜੀ ਗਈ ਡਰੱਗਜ਼ (Drugs) ਨੂੰ ਨਸ਼ਟ ਕੀਤੇ ਜਾਣ ਦਾ ਪਤਾ ਚੱਲਿਆ ਹੈ ।
ਕਿੰਨੇ ਕਰੋੜ ਦੀ ਡਰੱਗਜ਼ ਨੂੰ ਕੀਤਾ ਗਿਆ ਹੈ ਨਸ਼ਟ
ਮਿਲੀ ਜਾਣਕਾਰੀ ਮੁਤਾਬਕ ਅੰਡੇਮਾਨ ਅਤੇ ਨਿਕੋਬਾਰ ਪੁਲਸ ਨੇ 9 ਮਹੀਨੇ ‘ਚ ਪੜਾਅਵਾਰ ਤਰੀਕੇ ਨਾਲ ਚਲਾਈ ਗਈ ਮੁਹਿੰਮ ‘ਚ ਲੱਗਭਗ 6000 ਕਿਲੋ ਮੇਥਾਮਫੇਟਾਮੀਨ (ਨਸ਼ੀਲਾ ਪਦਾਰਥ) ਨਸ਼ਟ (Destroy) ਕੀਤਾ ਹੈ, ਜਿਸ ਦੀ ਅੰਤਰਰਾਸ਼ਟਰੀ ਬਾਜ਼ਾਰ ‘ਚ ਅਨੁਮਾਨਤ ਕੀਮਤ 36,000 ਕਰੋੜ ਰੁਪਏ ਹੈ । ਅਧਿਕਾਰੀਆਂ ਨੇ ਇਹ ਜਾਣਕਾਰੀ ਦਿੱਤੀ ।
ਕਦੋਂ ਕੀਤੀ ਗਈ ਸੀ ਇਹ ਡਰੱਗ ਬਰਾਮਦ
ਪੁਲਸ ਅਨੁਸਾਰ ਇਹ ਨਿਪਟਾਰਾ ਮੁਹਿੰਮ 26 ਜੂਨ 2025 ਤੋਂ ਆਰੰਭ ਹੋ ਕੇ 12 ਮਾਰਚ 2026 ਨੂੰ ਪੂਰੀ ਹੋਈ । ਦੱਸਣਯੋਗ ਹੈ ਕਿ 23 ਨਵੰਬਰ-2024 ਨੂੰ ਕੋਸਟ ਗਾਰਡ (Coast Guard) ਨੇ ਭਾਰਤੀ ਜਲ ਖੇਤਰ ‘ਚ ਮਿਆਂਮਾਰ ਦੇ 6 ਚਾਲਕ ਦਲ ਵਾਲੇ ਇਕ ਜਹਾਜ਼ ਨੂੰ ਰੋਕਿਆ ਸੀ ਅਤੇ ਕਰੀਬ 1500 ਪੈਕੇਟਾਂ ‘ਚ ਰੱਖੀ ਹੋਈ 6000 ਕਿਲੋ `ਕ੍ਰਿਸਟਲੀ ਮੇਥਾਮਫੇਟਾਮੀਨ`(Crystalline methamphetamine) (ਨਸ਼ੀਲਾ ਪਦਾਰਥ) ਬਰਾਮਦ ਕੀਤੀ ਗਈ ਸੀ । ਮੇਥਾਮਫੇਟਾਮੀਨ (ਕ੍ਰੇਜ਼ੀ ਡਰੱਗ) ਇਕ ਸ਼ਕਤੀਸ਼ਾਲੀ ਨਸ਼ੀਲਾ ਪਦਾਰਥ (Drug) ਹੈ ਅਤੇ ਭਾਰਤ ‘ਚ ਪ੍ਰਾਬੰਦੀਸ਼ੁਦਾ ਹੈ ।
Read More : ਜ਼ਬਤ ਕੀਤੀਆਂ ਵਿਦੇਸ਼ੀ ਸਿਗਰਟ ਸਟਿਕਸ ਕਸਟਮ ਵਿਭਾਗ ਨੇ ਕੀਤੀਆਂ ਨਸ਼ਟ
