ਰਾਜਮਹੇਂਦਰਵਰਮ, 28 ਫਰਵਰੀ 2026 : ਭਾਰਤ ਦੇਸ ਦੇ ਸੂਬੇ ਆਂਧਰਾ ਪ੍ਰਦੇਸ਼ (Andhra Pradesh) ਦੇ ਪੂਰਬੀ ਗੋਦਾਵਰੀ ਜਿਲੇ ਦੇ ਦੁਆਰਪੁਰੀ ਪਿੰਡ ਵਿਖੇ ਇਕ ਆਨਰ ਕਿਲਿੰਗ (Honor Killing) ਦਾ ਮਾਮਲਾ ਸਾਹਮਣੇ ਆਇਆ ਹੈ ।
ਕੌਣ ਹੈ ਉਹ ਵਿਅਕਤੀ ਜੋ ਹੋ ਗਿਆ ਆਨਰ ਕਿਲਿੰਗ ਦਾ ਸਿਕਾਰ
ਮਿਲੀ ਜਾਣਕਾਰੀ ਮੁਤਾਬਕ ਆਂਧਰਾ ਪ੍ਰਦੇਸ਼ ਦੇ ਪੂਰਬੀ ਗੋਦਾਵਰੀ ਜਿ਼ਲੇ ਦੇ ਦੁਆਰਪੁਰੀ ਪਿੰਡ ‘ਚ ਜੋ ਆਨਰ ਕਿਲਿੰਗ ਦਾ ਮਾਮਲਾ ਸਾਹਮਣੇ ਆਇਆ ਹੈ ਸਬੰਧੀ ਜਾਣਕਾਰੀ ਦਿੰਦਿਆਂ ਇਕ ਪੁਲਸ ਅਧਿਕਾਰੀ ਨੇ ਦੱਸਿਆ ਕਿ ਵਿਆਹ ਤੋਂ ਬਾਅਦ ਪਤੀ ਸੂਰਿਆ ਪ੍ਰਕਾਸ਼ ਦੀ ਉਸ ਦੇ ਸਾਲਿਆਂ ਨੇ ਹੱਤਿਆ (Murder) ਕਰ ਦਿੱਤੀ ।
ਵਿਆਹ ਪਿੱਛੋਂ ਲਾੜੇ ਦੀ ਪੱਥਰ ਮਾਰ ਕੇ ਹੱਤਿਆ
ਪੁਲਸ ਅਨੁਸਾਰ ਸੂਰਿਆ ਪ੍ਰਕਾਸ਼ ਦਾ ਵੀਰਵਾਰ ਸੰਧਿਆ ਨਾਲ ਵਿਆਹ ਹੋਇਆ ਸੀ । ਉਸੇ ਰਾਤ ਸੂਰਿਆ ਪ੍ਰਕਾਸ਼ (Surya Prakash) ਦੀ ਪਤਨੀ ਦੇ ਭਰਾਵਾਂ ਨੇ ਦੁਆਰਪੁਰੀ ਪਿੰਡ ‘ਚ ਪੱਥਰ ਮਾਰ (Throw stones) ਕੇ ਹੱਤਿਆ ਕਰ ਦਿੱਤੀ । ਪਤੀ-ਪਤਨੀ ਦੋਵੇਂ ਲੱਗਭਗ 40 ਸਾਲ ਦੇ ਹਨ ਤੇ ਇਕ ਪੱਛੜੇ ਭਾਈਚਾਰੇ ਨਾਲ ਸਬੰਧਤ ਹਨ । ਉਹ ਇਕ ਦੂਜੇ ਨੂੰ 10ਵੀਂ ਜਮਾਤ ਤੋਂ ਜਾਣਦੇ ਸਨ । ਪਤਨੀ ਦੇ ਭਰਾਵਾਂ ਨੂੰ ਸ਼ੱਕ ਸੀ ਕਿ ਸਾਡਾ ਜੀਜਾ ਬੇਰੋਜ਼ਗਾਰ ਹੈ, ਇਸੇ ਲਈ ਉਸ ਨੇ ਸਾਡੀ ਕੰਮ ਕਰਨ ਵਾਲੀ ਭੈਣ ਨੂੰ ਪ੍ਰੇਮ ਸਬੰਧਾਂ ‘ਚ ਫਸਾਇਆ ਤੇ ਉਸ ਨਾਲ ਵਿਆਹ ਕਰਵਾ ਲਿਆ । ਮੁਲਜ਼ਮ ਘਟਨਾ ਤੋਂ ਬਾਅਦ ਤੋਂ ਫਰਾਰ ਹਨ । ਪੁਲਸ ਨੇ ਉਨ੍ਹਾਂ ਨੂੰ ਫੜਨ ਲਈ ਕਈ ਵਿਸ਼ੇਸ਼ ਟੀਮਾਂ ਤਾਇਨਾਤ ਕੀਤੀਆਂ ਹਨ ।
Read More : ਪਤਨੀ ਤੇ 3 ਧੀਆਂ ਦੀ ਹੱਤਿਆ ਕਰ ਕੇ ਪਤੀ ਫ਼ਰਾਰ
