ਇੰਦੌਰ, 2 ਫਰਵਰੀ 2026 : ‘ਗਰਭ ਸੰਸਕਾਰ`(Garbh Sanskar) ਨੂੰ ਆਉਣ ਵਾਲੀਆਂ ਪੀੜ੍ਹੀਆਂ ਲਈ ਸ਼ਕਤੀਸ਼ਾਲੀ ਬਣਾਉਣ ਦਾ ਸਾਧਨ ਦੱਸਦਿਆਂ ਮੱਧ ਪ੍ਰਦੇਸ਼ ਦੇ ਮੁੱਖ ਮੰਤਰੀ ਮੋਹਨ ਯਾਦਵ (Chief Minister Mohan Yadav) ਨੇ ਐਲਾਨ ਕੀਤਾ ਕਿ ਸੂਬੇ ਦੀਆਂ ਸਾਰੀਆਂ ਯੂਨੀਵਰਸਿਟੀਆਂ `ਚ `ਗਰਭ ਸੰਸਕਾਰ` ਦੀ ਪੜ੍ਹਾਈ ਕਰਵਾਈ ਜਾਏਗੀ ਤੇ ਸਰਕਾਰੀ`ਹਸਪਤਾਲਾਂ `ਚ `ਗਰਭ ਸੰਸਕਾਰ ਕਮਰੇ` ਸਥਾਪਤ ਕੀਤੇ ਜਾਣਗੇ ।
ਪੈਦਾ ਹੋਣ ਵਾਲੇ ਬੱਚੇ ਨੂੰ ਸਿਖਾਏ ਜਾਣ ਗਰਭ ਵਿਚ ਹੀ ਸੰਸਕਾਰ
`ਗਰਭ ਸੰਸਕਾਰ`ਦਾ ਅਰਥ ਹੈ ਕਿ ਪੈਦਾ ਹੋਣ ਵਾਲੇ ਬੱਚੇ (Children to be born) ਨੂੰ ਗਰਭ ‘ਚ ਹੀ ਸੰਸਕਾਰ ਸਿਖਾਏ ਜਾਣ । ਮਾਹਿਰਾਂ ਦਾ ਮੰਨਣਾ ਹੈ ਕਿ ਇਹ ਪੁਰਾਤਨ ਭਾਰਤੀ ਅਭਿਆਸ ਕਿਸੇ ਗਰਭਵਤੀ ਔਰਤ ਦੇ ਵਿਚਾਰਾਂ, ਖੁਰਾਕ ਤੇ ਵਤੀਰੇ ਰਾਹੀਂ ਉਸ ਦੇ ਗਰਭ `ਚ ਪਲ ਰਹੇ ਭਰੂਣ ਦੇ ਸਰੀਰਕ ਤੇ ਮਾਨਸਿਕ ਵਿਕਾਸ (Physical and mental development) ਨੂੰ ਯਕੀਨੀ ਬਣਾਉਂਦਾ ਹੈ । ਮੁੱਖ ਮੰਤਰੀ ਯਾਦਵ ਇੰਦੌਰ ‘ਚ `ਦਿਵਿਆ ਸੰਤਾਨ ਪ੍ਰਕਲਪ` ਦੇ ਇਕ ਪ੍ਰੋਗਰਾਮ ‘ਚ ਸ਼ਾਮਲ ਹੋਏ, ਜੋ ‘ਗਰਭ ਸੰਸਕਾਰ` ਨੂੰ ਉਤਸ਼ਾਹਿਤ ਕਰਨ ਵਾਲੀ ਇਕ ਪਹਿਲ ਹੈ । ਉਨ੍ਹਾਂ ‘ਗਰਭ ਸੰਸਕਾਰ`’ਤੇ ਇਕ ਕਿਤਾਬ ਵੀ ਜਾਰੀ ਕੀਤੀ ।
Read More : ਮੁੱਖ ਮੰਤਰੀ ਪੰਜਾਬ ਮਾਨ ਨੇ ਕੀਤੀ ਕੇਂਦਰੀ ਗ੍ਰਹਿ ਮੰਤਰੀ ਅਮਿਤ ਸ਼ਾਹ ਨਾਲ ਮੀਟਿੰਗ
