ਹਾਵੇਰੀ, 6 ਦਸੰਬਰ 2025 : ਕਰਨਾਟਕ (Karnataka) ਦੇ ਹਾਵੇਰੀ ਜਿ਼ਲੇ ਦੇ ਇਕ ਕਾਲਜ ਵਿਚ ਕੁਝ ਵਿਦਿਆਰਥਣਾਂ ਹਿਜਾਬ (Hijab) ਤੇ ਕੁਝ ਵਿਦਿਆਰਥੀ ਭਗਵਾ ਸ਼ਾਲਾਂ (Saffron shawls) ਪਹਿਨ ਕੇ ਪਹੁੰਚੇ ਜਿਸ ਕਾਰਨ ਕੈਂਪਸ `ਚ ਤਣਾਅ ਪੈਦਾ ਹੋ ਗਿਆ ।
ਵਾਰ-ਵਾਰ ਸਿ਼ਕਾਇਤ ਕਰਨ ਤੇ ਵੀ ਮੁੱਦੇ ਨੂੰ ਹੱਲ ਕਰਨ ਲਈ ਨਹੀਂ ਕੀਤੀ ਗਈ ਕੋਈ ਕਾਰਵਾਈ : ਵਿਦਿਆਰਥੀ
ਅੱਕੀ ਅਲੁਰ ਪਿੰਡ ਦੇ ਸੀ. ਜੀ. ਬੇਲਾਡ ਸਰਕਾਰੀ ਕਾਲਜ `ਚ ਵਾਪਰੀ ਉਕਤ ਘਟਨਾ ਕਾਰਨ ਕਰਨਾਟਕ ਦੇ ਵਿੱਦਿਅਕ ਅਦਾਰਿਆਂ `ਚ ਡਰੈੱਸ ਕੋਡ (Dress code) ਨੂੰ ਲੈ ਕੇ ਬਹਿਸ ਮੁੜ ਛਿੜ ਗਈ ਹੈ । ਵਿਦਿਆਰਥੀਆਂ ਦਾ ਇਕ ਗਰੁੱਪ ਇਸ ਸ਼ਿਕਾਇਤ ਨਾਲ ਭਗਵੇ ਰੰਗ ਦੀਆਂ ਸ਼ਾਲਾਂ ਪਹਿਨ ਕੇ ਕਲਾਸ `ਚ ਪਹੁੰਚਿਆ ਕਿ ਉਹ ਕਾਲਜ ਪ੍ਰਸ਼ਾਸਨ ਵੱਲੋਂ ਡਰੈੱਸ ਕੋਡ ਨੂੰ ਲਾਗੂ ਕਰਨ `ਚ ਕਥਿਤ ਰੂਪ ਵਿਚ ਨਾਕਾਮ ਰਹਿਣ ਵਿਰੁੱਧ ਆਪਣੀ ਆਵਾਜ਼ ਬੁਲੰਦ ਕਰਨਾ ਚਾਹੁੰਦੇ ਹਨ । ਵਿਦਿਆਰਥੀਆਂ ਨੇ ਕਿਹਾ ਕਿ ਉਨ੍ਹਾਂ ਵਾਰ-ਵਾਰ ਸਿ਼ਕਾਇਤ ਕੀਤੀ ਸੀ ਪਰ ਇਸ ਮੁੱਦੇ ਨੂੰ ਹੱਲ ਕਰਨ ਲਈ ਕੋਈ ਕਾਰਵਾਈ ਨਹੀਂ ਕੀਤੀ ਗਈ ।
ਕਾਲਜ ਪ੍ਰਿੰਸੀਪਲ ਨੇ ਕੀ ਆਖਿਆ
ਕਾਲਜ ਦੇ ਪ੍ਰਿੰਸੀਪਲ ਵੀਰੇਸ਼ ਕਾਮੂਰ (College Principal Viresh Kamur) ਨੇ ਕਿਹਾ ਕਿ ਸੰਸਥਾ ਕਲਾਸ `ਚ ਨਿਰਧਾਰਤ ਪਹਿਰਾਵਾ ਪਹਿਨਣਾ ਲਾਜ਼ਮੀ ਕਰਦੀ ਹੈ, ਹਾਲਾਂਕਿ ਕੁਝ ਨੂੰ ਕਦੇ-ਕਦਾਈਂ ਛੋਟ ਦਿੱਤੀ ਜਾਂਦੀ ਹੈ । ਉਨ੍ਹਾਂ ਕਿਹਾ ਕਿ ਵਿਦਿਆਰਥੀਆਂ ਨੇ ਮੈਨੂੰ ਦੱਸਿਆ ਸੀ ਕਿ ਕੁਝ ਵਿਦਿਆਰਥਣਾਂ ਹਿਜਾਬ ਪਹਿਨ ਕੇ ਕਲਾਸ `ਚ ਆਉਂਦੀਆਂ ਹਨ । ਜਦੋਂ ਇਕ ਵਿਦਿਆਰਥਣ ਹਿਜਾਬ ਪਹਿਨ ਕੇ ਕਲਾਸ `ਚ ਆਈ ਤਾਂ ਵਿਦਿਆਰਥੀ ਭਗਵਾ ਸ਼ਾਲਾਂ ਪਹਿਨ ਕੇ ਕਲਾਸ `ਚ ਆ ਗਏ ।
Read More : ਈਰਾਨ ਦੀ ਯੂਨੀਵਰਸਿਟੀ ‘ਚ ਹੰਗਾਮਾ, ਹਿਜਾਬ ਦੇ ਵਿਰੋਧ ‘ਚ ਕੁੜੀ ਨੇ ਉਤਾਰੇ ਕੱਪੜੇ,
