ਨਵੀਂ ਦਿੱਲੀ, 14 ਨਵੰਬਰ 2025 : ਭਾਰਤ ਦੇਸ਼ ਦੀ ਕੇਂਦਰੀ ਜਾਂਚ ਏਜੰਸੀ ਸੈਂਟਰਲ ਬਿਊਰੋ ਆਫ ਇਨਵੈਸਟੀਗੇਸ਼ਨ (Central Bureau of Investigation) ਨੇ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ ਉੱਤਰਾਖੰਡ ਪੁਲਸ ਵਲੋਂ ਇਕ ਅਜਿਹੇ ਵਿਅਕਤੀ ਨੂੰ ਸੰਯੁਕਤ ਅਰਬ ਅਮੀਰਾਤ ਤੋਂ ਵਾਪਸ ਭਾਰਤ ਲਿਆਂਦਾ ਗਿਆ ਹੈ ਜੋ ਕਿ ਇਕ ਧੋਖਾਧੜੀ ਦੇ ਮਾਮਲੇ ਵਿਚ ਲੋੜੀਂਦਾ ਸੀ ।
ਕੌਣ ਸੀ ਤੇ ਕੀ ਸੀ ਮਾਮਲਾ
ਯੂ. ਏ. ਈ. ਤੋਂ ਜਿਸ ਵਿਅਕਤੀ ਨੂੰ ਉਤਰਾਖੰਡ ਪੁਲਸ (Uttarakhand Police) ਨੇ ਵਾਪਸ ਭਾਰਤ ਲਿਆਂਦਾ ਹੈ ਉਹ ਵਿਅਕਤੀ ਜਗਦੀਸ਼ ਧਨੇਠਾ ਹੈ ਤੇ ਸਾਲ 2021 ਵਿਚ ਪਿਥੌਰਾਗੜ੍ਹ ਪੁਲਸ ਸਟੇਸ਼ਨ ਵਿਚ ਦਰਜ ਕਥਿਤ ਧੋਖਾਧੜੀ ਅਤੇ ਅਪਰਾਧਕ ਸਾਜਿ਼ਸ਼ ਦੇ ਇਕ ਮਾਮਲੇ ਵਿਚ ਲੋੜੀਂਦਾ ਸੀ । ਇੰਟਰਪੋਲ ਨੇ ਉਸ ਦੇ ਵਿਰੁਧ `ਰੈੱਡ ਨੋਟਿਸ`(`Red Notice`) ਜਾਰੀ ਕੀਤਾ ਸੀ । ਸੀ. ਬੀ. ਆਈ. ਦੇ ਇਕ ਬੁਲਾਰੇ ਨੇ ਇਕ ਬਿਆਨ ਵਿੱਚ ਕਿਹਾ ਕਿ ਉਹ ਵਿਅਕਤੀ ਯੂ. ਏ. ਈ. ਭੱਜ ਗਿਆ ਸੀ । ਸੀ. ਬੀ. ਆਈ. ਨੇ ਉਸ ਨੂੰ ਲੱਭਣ ਅਤੇ ਫੜਨ ਲਈ ਯੂ. ਏ. ਈ. ਅਧਿਕਾਰੀਆਂ ਨਾਲ ਤਾਲਮੇਲ ਕੀਤਾ । ਇਸ ਤੋਂ ਪਹਿਲਾਂ ਸੀ. ਬੀ. ਆਈ. ਨੇ ਉਤਰਾਖੰਡ ਪੁਲਸ ਦੀ ਬੇਨਤੀ `ਤੇ 6 ਮਈ 2025 ਨੂੰ ਇੰਟਰਪੋਲ ਰਾਹੀਂ ਜਗਦੀਸ਼ ਪੁਨੇਠਾ ਵਿਰੁਧ `ਰੈੱਡ ਨੋਟਿਸ` ਜਾਰੀ ਕੀਤਾ ਸੀ ।
Read More : ਬੀ. ਐਚ. ਪ੍ਰਾਪਰਟੀ ਦੇ ਮਾਲਕ ਦੇ ਘਰ ’ਤੇ ਸੀ. ਬੀ. ਆਈ. ਵਲੋਂ ਛਾਪੇਮਾਰੀ
