ਗੁਜਰਾਤ: ਅਹਿਮਦਾਬਾਦ ਵਿੱਚ ਭਗਵਾਨ ਜਗਨਨਾਥ ਦੀ ਰੱਥ ਯਾਤਰਾ ਦੌਰਾਨ ਸ਼ੁੱਕਰਵਾਰ ਸਵੇਰੇ ਖਾਡੀਆ ਨੇੜੇ ਤਿੰਨ ਹਾਥੀ ਬੇਕਾਬੂ ਹੋ ਗਏ। ਹਾਥੀਆਂ ਨੇ ਦੋ ਲੋਕਾਂ ਨੂੰ ਜ਼ਖਮੀ ਕਰ ਦਿੱਤਾ। ਇਸ ਤੋਂ ਬਾਅਦ ਉਹ ਇੱਕ ਪੁਲੀ ਵਿੱਚ ਵੜ ਗਏ। ਜਿਸ ਤੋਂ ਬਾਅਦ ਜੰਗਲਾਤ ਵਿਭਾਗ ਦੇ ਕਰਮਚਾਰੀਆਂ ਨੇ ਸਥਿਤੀ ਨੂੰ ਕਾਬੂ ਵਿੱਚ ਲੈ ਲਿਆ। ਇਸ ਰੱਥ ਯਾਤਰਾ ਵਿੱਚ 18 ਹਾਥੀਆਂ ਦਾ ਇੱਕ ਸਮੂਹ ਯਾਤਰਾ ਦੀ ਅਗਵਾਈ ਕਰ ਰਿਹਾ ਸੀ।
ਜਗਨਨਾਥ ਯਾਤਰਾ ਸਵੇਰੇ 7 ਵਜੇ ਸ਼ੁਰੂ ਹੋਈ। ਮੁੱਖ ਮੰਤਰੀ ਭੂਪੇਂਦਰ ਪਟੇਲ ਨੇ ਇਸਦਾ ਉਦਘਾਟਨ ਕੀਤਾ ਸੀ। ਭਗਵਾਨ ਦੀਆਂ ਤਿੰਨ ਮੂਰਤੀਆਂ ਨੂੰ ਸਵੇਰੇ 5 ਤੋਂ 6 ਵਜੇ ਦੇ ਵਿਚਕਾਰ ਰੱਥ ‘ਤੇ ਬਿਠਾਇਆ ਗਿਆ ਸੀ। ਇਸ ਵਿੱਚ ਰੱਥ ਦੇ ਸਾਹਮਣੇ ਇੱਕ ਸੋਨੇ ਦਾ ਝਾੜੂ ਰੱਖਿਆ ਜਾਂਦਾ ਹੈ। ਭਗਵਾਨ ਰਾਤ ਲਗਭਗ 8:30 ਵਜੇ ਮੰਦਰ ਵਾਪਸ ਆਉਣਗੇ। ਇਸ ਤੋਂ ਪਹਿਲਾਂ ਸਵੇਰੇ 4 ਵਜੇ ਜਗਨਨਾਥ ਮੰਦਰ ਵਿੱਚ ਮੰਗਲਾ ਆਰਤੀ ਕੀਤੀ ਗਈ। ਕੇਂਦਰੀ ਗ੍ਰਹਿ ਮੰਤਰੀ ਅਮਿਤ ਸ਼ਾਹ ਅਤੇ ਉਨ੍ਹਾਂ ਦੇ ਪਰਿਵਾਰ ਨੇ ਵੀ ਹਿੱਸਾ ਲਿਆ।
