ਦਿੱਲੀ ਨਗਰ ਨਿਗਮ (ਐਮਸੀਡੀ) ਦੇ 15 ‘ਆਪ’ ਕੌਂਸਲਰਾਂ ਨੇ ਪਾਰਟੀ ਤੋਂ ਅਸਤੀਫ਼ਾ ਦੇ ਦਿੱਤਾ ਹੈ। ਉਨ੍ਹਾਂ ਨੇ ਇੰਦਰਪ੍ਰਸਥ ਵਿਕਾਸ ਪਾਰਟੀ ਨਾਮਕ ਤੀਜੇ ਮੋਰਚੇ ਦੇ ਗਠਨ ਦਾ ਵੀ ਐਲਾਨ ਕੀਤਾ ਹੈ। ਮੁਕੇਸ਼ ਗੋਇਲ ਨਵੇਂ ਮੋਰਚੇ ਦੀ ਅਗਵਾਈ ਕਰਨਗੇ।
ਫਾਜ਼ਿਲਕਾ ‘ਚ ਚੱਲੀ ਤਲਾਸ਼ੀ ਮੁਹਿੰਮ, 9 ਥਾਵਾਂ ‘ਤੇ ਪੁਲਿਸ ਨੇ ਮਾਰੇ ਛਾਪੇ
ਅਸਤੀਫਾ ਦੇਣ ਵਾਲੇ ਹੋਰ ਕੌਂਸਲਰਾਂ ਵਿੱਚ ਹੇਮਚੰਦ ਗੋਇਲ, ਹਿਮਾਨੀ ਜੈਨ, ਰੁਨਾਕਸ਼ੀ ਸ਼ਰਮਾ, ਊਸ਼ਾ ਸ਼ਰਮਾ, ਅਸ਼ੋਕ ਪਾਂਡੇ, ਰਾਖੀ ਯਾਦਵ, ਸਾਹਿਬ ਕੁਮਾਰ, ਰਾਜੇਸ਼ ਕੁਮਾਰ ਲਾਡੀ, ਮਨੀਸ਼ਾ, ਸੁਮਨ ਅਨਿਲ ਰਾਣਾ, ਦਵਿੰਦਰ ਕੁਮਾਰ ਅਤੇ ਦਿਨੇਸ਼ ਭਾਰਦਵਾਜ ਸ਼ਾਮਲ ਹਨ।
ਜਾਣੋ ਕੀ ਹੈ ਕਾਰਣ
ਕੌਂਸਲਰਾਂ ਨੇ ਇੱਕ ਪ੍ਰੈਸ ਰਿਲੀਜ਼ ਵਿੱਚ ਲਿਖਿਆ, ‘ਅਸੀਂ ਸਾਰੇ ਕੌਂਸਲਰ 2022 ਵਿੱਚ ‘ਆਪ’ ਦੀ ਟਿਕਟ ‘ਤੇ ਐਮਸੀਡੀ ਲਈ ਚੁਣੇ ਗਏ ਸੀ। ਹਾਲਾਂਕਿ, 2022 ਵਿੱਚ ਚੋਣਾਂ ਜਿੱਤਣ ਦੇ ਬਾਵਜੂਦ, ਪਾਰਟੀ ਦੀ ਸਿਖਰਲੀ ਲੀਡਰਸ਼ਿਪ ਐਮਸੀਡੀ ਨੂੰ ਸਹੀ ਢੰਗ ਨਾਲ ਨਹੀਂ ਚਲਾ ਸਕੀ।
‘ਸੀਨੀਅਰ ਆਗੂਆਂ ਅਤੇ ਕੌਂਸਲਰਾਂ ਵਿਚਕਾਰ ਲਗਭਗ ਕੋਈ ਤਾਲਮੇਲ ਨਹੀਂ ਸੀ, ਜਿਸ ਕਾਰਨ ਪਾਰਟੀ ਵਿਰੋਧੀ ਧਿਰ ਵਿੱਚ ਆ ਗਈ ਹੈ।’ ਜਨਤਾ ਨਾਲ ਕੀਤੇ ਵਾਅਦੇ ਪੂਰੇ ਨਾ ਕਰ ਸਕਣ ਕਾਰਨ, ਅਸੀਂ ਕੌਂਸਲਰ ਪਾਰਟੀ ਦੀ ਮੁੱਢਲੀ ਮੈਂਬਰਸ਼ਿਪ ਤੋਂ ਅਸਤੀਫਾ ਦੇ ਰਹੇ ਹਾਂ।
