ਅਮਰਨਾਥ ਯਾਤਰਾ-2025 ਲਈ ਰਜਿਸਟ੍ਰੇਸ਼ਨ ਅੱਜ (15 ਅਪ੍ਰੈਲ) ਤੋਂ ਸ਼ੁਰੂ ਹੋ ਗਈ ਹੈ। ਸ਼ਰਧਾਲੂ ਔਨਲਾਈਨ ਅਤੇ ਔਫਲਾਈਨ ਦੋਵੇਂ ਤਰ੍ਹਾਂ ਨਾਲ ਰਜਿਸਟਰ ਕਰ ਸਕਦੇ ਹਨ। ਰਜਿਸਟ੍ਰੇਸ਼ਨ ਫੀਸ 220 ਰੁਪਏ ਰੱਖੀ ਗਈ ਹੈ। 600 ਤੋਂ ਵੱਧ ਬੈਂਕਾਂ ਵਿੱਚ ਔਫਲਾਈਨ ਰਜਿਸਟ੍ਰੇਸ਼ਨ ਕੀਤੀ ਜਾ ਸਕਦੀ ਹੈ।
ਹਿਮਾਚਲ ਦਾ 78ਵਾਂ ਸਥਾਪਨਾ ਦਿਵਸ; ਮੁੱਖ ਮੰਤਰੀ ਨੇ ਪਾਂਗੀ ਵਿੱਚ ਲਹਿਰਾਇਆ ਤਿਰੰਗਾ
ਇਸ ਸਾਲ ਅਮਰਨਾਥ ਯਾਤਰਾ 3 ਜੁਲਾਈ ਤੋਂ ਸ਼ੁਰੂ ਹੋਵੇਗੀ ਅਤੇ 9 ਅਗਸਤ (ਰੱਖੜੀ) (39 ਦਿਨ) ਤੱਕ ਜਾਰੀ ਰਹੇਗੀ। ਇਹ ਯਾਤਰਾ ਦੋ ਰੂਟਾਂ ਰਾਹੀਂ ਹੋਵੇਗੀ – ਪਹਿਲਗਾਮ (ਅਨੰਤਨਾਗ) ਅਤੇ ਬਾਲਟਾਲ (ਗੰਦਰਬਲ) ਰੂਟ ਤੋਂ ਹੋਵੇਗੀ। ਯਾਤਰਾ ‘ਤੇ ਲਗਭਗ 6 ਲੱਖ ਸ਼ਰਧਾਲੂ ਆ ਸਕਦੇ ਹਨ। ਦੱਸ ਦਈਏ ਕਿ ਯਾਤਰਾ ਦੀਆਂ ਤਰੀਕਾਂ ਦਾ ਐਲਾਨ ਉਪ ਰਾਜਪਾਲ ਮਨੋਜ ਸਿਨਹਾ ਨੇ 5 ਮਾਰਚ ਨੂੰ ਸ਼੍ਰੀ ਅਮਰਨਾਥ ਸ਼ਰਾਈਨ ਬੋਰਡ (SASB) ਦੀ 48ਵੀਂ ਮੀਟਿੰਗ ਵਿੱਚ ਕੀਤਾ ਸੀ। ਮੀਟਿੰਗ ਵਿੱਚ ਸ਼ਰਧਾਲੂਆਂ ਲਈ ਸਹੂਲਤਾਂ ਨੂੰ ਬਿਹਤਰ ਬਣਾਉਣ ਲਈ ਕਈ ਪ੍ਰਸਤਾਵਾਂ ‘ਤੇ ਵੀ ਚਰਚਾ ਕੀਤੀ ਗਈ ਸੀ।