ਚੈਂਪੀਅਨਸ ਟਰਾਫੀ 2025 ਦਾ ਤੀਜਾ ਮੈਚ ਦੱਖਣੀ ਅਫਰੀਕਾ ਅਤੇ ਅਫਗਾਨਿਸਤਾਨ ਵਿਚਾਲੇ, ਪੜੋ ਪਿੱਚ ਰਿਪੋਰਟ ਤੇ ਮੌਸਮ ਦਾ ਹਾਲ
ਨਵੀ ਦਿੱਲੀ, 21 ਫਰਵਰੀ : ਆਈਸੀਸੀ ਚੈਂਪੀਅਨਜ਼ ਟਰਾਫੀ 2025 ਦਾ ਤੀਜਾ ਮੈਚ ਅੱਜ ਪਾਕਿਸਤਾਨ ਦੇ ਕਰਾਚੀ ਵਿੱਚ ਖੇਡਿਆ ਜਾਵੇਗਾ। ਇਸ ਮੈਚ ‘ਚ ਅਫਗਾਨਿਸਤਾਨ ਅਤੇ ਦੱਖਣੀ ਅਫਰੀਕਾ ਦੀਆਂ ਟੀਮਾਂ ਆਹਮੋ-ਸਾਹਮਣੇ ਹੋਣਗੀਆਂ। ਅਫਗਾਨਿਸਤਾਨ ਟੀਮ ਦੀ ਕਮਾਨ ਹਸ਼ਮਤੁੱਲਾ ਸ਼ਾਹੀਦੀ ਦੇ ਹੱਥਾਂ ‘ਚ ਹੈ। ਜਦਕਿ ਦੱਖਣੀ ਅਫਰੀਕਾ ਦੀ ਟੀਮ ਦੀ ਕਪਤਾਨੀ ਟੇਂਬਾ ਬਾਵੁਮਾ ਕਰ ਰਹੇ ਹਨ। ਇਹ ਮੈਚ ਕਰਾਚੀ ਦੇ ਨੈਸ਼ਨਲ ਕ੍ਰਿਕਟ ਸਟੇਡੀਅਮ ‘ਚ ਦੁਪਹਿਰ 2:30 ਵਜੇ ਸ਼ੁਰੂ ਹੋਵੇਗਾ।
ਚੈਂਪੀਅਨਜ਼ ਟਰਾਫੀ ਮੈਚ ਦੀ ਪਿਚ ਰਿਪੋਰਟ
ਅੱਜ ਜਦੋਂ ਅਫਗਾਨਿਸਤਾਨ ਅਤੇ ਦੱਖਣੀ ਅਫਰੀਕਾ ਚੈਂਪੀਅਨਜ਼ ਟਰਾਫੀ ‘ਚ ਗਰੁੱਪ ਬੀ ‘ਚ ਆਪਣਾ ਪਹਿਲਾ ਮੈਚ ਖੇਡਣਗੇ ਤਾਂ ਉਨ੍ਹਾਂ ਦੀਆਂ ਨਜ਼ਰਾਂ ਸਿਰਫ ਜਿੱਤ ‘ਤੇ ਹੋਣਗੀਆਂ ਤਾਂ ਜੋ ਉਹ ਮਜ਼ਬੂਤ ਸ਼ੁਰੂਆਤ ਕਰ ਸਕਣ। ਦੋਵਾਂ ਵਿਚਾਲੇ ਮੈਚ ਕਰਾਚੀ ਦੇ ਨੈਸ਼ਨਲ ਸਟੇਡੀਅਮ ‘ਚ ਹੋਣ ਜਾ ਰਿਹਾ ਹੈ, ਜਿੱਥੇ ਪਿੱਚ ਕਾਫੀ ਸਮਤਲ ਹੈ। ਇੱਥੇ ਬੱਲੇਬਾਜ਼ ਹਮੇਸ਼ਾ ਹੀ ਵਧੀਆ ਦੌੜਾਂ ਬਣਾਉਂਦੇ ਰਹੇ ਹਨ।
ਕਿਹੋ ਜਿਹਾ ਰਹੇਗਾ ਕਰਾਚੀ ਦਾ ਮੌਸਮ
ਅੱਜ ਅਫਗਾਨਿਸਤਾਨ ਅਤੇ ਦੱਖਣੀ ਅਫਰੀਕਾ ਵਿਚਾਲੇ ਚੈਂਪੀਅਨਸ ਟਰਾਫੀ ਦਾ ਮੈਚ ਕਰਾਚੀ ਵਿੱਚ ਹੋਣ ਜਾ ਰਿਹਾ ਹੈ, ਤਾਂ ਆਓ ਇੱਥੋਂ ਦੇ ਮੌਸਮ ਬਾਰੇ ਵੀ ਗੱਲ ਕਰੀਏ। ਕਰਾਚੀ ‘ਚ ਅੱਜ ਦਿਨ ਭਰ ਬੱਦਲ ਛਾਏ ਰਹਿਣ ਦੀ ਸੰਭਾਵਨਾ ਹੈ ਅਤੇ ਕੁਝ ਥਾਵਾਂ ‘ਤੇ ਹਲਕੀ ਬਾਰਿਸ਼ ਹੋਣ ਦੀ ਸੰਭਾਵਨਾ ਹੈ। ਕਰਾਚੀ ਵਿੱਚ ਅੱਜ ਵੱਧ ਤੋਂ ਵੱਧ ਤਾਪਮਾਨ 29 ਡਿਗਰੀ ਸੈਂਟੀਗਰੇਡ ਤੱਕ ਪਹੁੰਚਣ ਦੀ ਸੰਭਾਵਨਾ ਹੈ, ਜਦੋਂ ਕਿ ਘੱਟੋ-ਘੱਟ ਤਾਪਮਾਨ 18 ਡਿਗਰੀ ਸੈਂਟੀਗਰੇਡ ਰਹਿਣ ਦੀ ਸੰਭਾਵਨਾ ਹੈ।
ਅਫਗਾਨਿਸਤਾਨ ਕ੍ਰਿਕਟ ਟੀਮ:
ਹਸ਼ਮਤੁੱਲਾ ਸ਼ਾਹਿਦੀ (ਕਪਤਾਨ), ਰਹਿਮਤ ਸ਼ਾਹ, ਇਕਰਾਮ ਅਲੀਖਿਲ, ਇਬਰਾਹਿਮ ਜ਼ਦਰਾਨ, ਰਹਿਮਾਨਉੱਲ੍ਹਾ ਗੁਰਬਾਜ਼, ਸਦੀਕਉੱਲ੍ਹਾ ਅਟਲ, ਰਾਸ਼ਿਦ ਖਾਨ, ਨੰਗਯਾਲ ਖਰੋਤੀ, ਨੂਰ ਅਹਿਮਦ, ਫਜ਼ਲਹਕ ਫਾਰੂਕੀ, ਫਰੀਦ ਮਲਿਕ, ਨਵੀਦ ਜ਼ਦਰਾਨ, ਗੁਲਬਦੀਨ ਨਾਇਬ, ਅਜ਼ਮਤੁੱਲਾ ਓਮਰਜ਼ਈ ਅਤੇ ਮੁਹੰਮਦ ਨਬੀ।
ਦੱਖਣੀ ਅਫ਼ਰੀਕਾ ਕ੍ਰਿਕਟ ਟੀਮ
ਟੇਂਬਾ ਬਾਵੁਮਾ (ਕਪਤਾਨ), ਹੇਨਰਿਕ ਕਲਾਸੇਨ, ਕੇਸ਼ਵ ਮਹਾਰਾਜ, ਏਡੇਨ ਮਾਰਕਰਮ, ਟੋਨੀ ਡੀ ਜੋਰਜ਼ੀ, ਮਾਰਕੋ ਯੈਨਸਨ, ਡੇਵਿਡ ਮਿਲਰ, ਵਿਆਨ ਮੁਲਡਰ, ਲੁੰਗੀ ਐਨਗਿਡੀ, ਟ੍ਰਿਸਟਨ ਸਟੱਬਸ, ਰਾਸੀ ਵੈਨ ਡੇਰ ਡੁਸੇਨ, ਕੋਰਬਿਨ ਬੋਸ਼, ਕਾਗਿਸੋ ਰਬਾਡਾ, ਰਿਆਨ ਰਿਕਲਟਨ ਅਤੇ ਤਬਰੇਜ਼ ਸ਼ਮਸੀ।
