ਠੱਗ ਸੁਕੇਸ਼ ਨੇ ਵੈਲੇਨਟਾਈਨ ਡੇ ‘ਤੇ ਜੈਕਲੀਨ ਫਰਨਾਂਡੀਜ਼ ਨੂੰ Gift ਕੀਤਾ ਪ੍ਰਾਈਵੇਟ ਜੈੱਟ
ਨਵੀ ਦਿੱਲੀ,15 ਫਰਵਰੀ: 200 ਕਰੋੜ ਰੁਪਏ ਦੇ ਮਨੀ ਲਾਂਡਰਿੰਗ ਮਾਮਲੇ ‘ਚ ਸਜ਼ਾ ਕੱਟ ਰਹੇ ਠੱਗ ਸੁਕੇਸ਼ ਚੰਦਰਸ਼ੇਖਰ ਅਕਸਰ ਬਾਲੀਵੁੱਡ ਅਦਾਕਾਰਾ ਜੈਕਲੀਨ ਫਰਨਾਂਡੀਜ਼ ਨੂੰ ਪ੍ਰੇਮ ਪੱਤਰ ਲਿਖਦੇ ਰਹਿੰਦੇ ਹਨ। ਹਾਲਾਂਕਿ ਇਸ ਵੈਲੇਨਟਾਈਨ ਡੇਅ ਦੇ ਮੌਕੇ ‘ਤੇ ਸੁਕੇਸ਼ ਨੇ ਜੈਕਲੀਨ ਨੂੰ ਨਾ ਸਿਰਫ ਰੋਮਾਂਟਿਕ ਲੈਟਰ ਭੇਜਿਆ ਸਗੋਂ ਜੈਕਲੀਨ ਨੂੰ ਇਕ ਪ੍ਰਾਈਵੇਟ ਜੈੱਟ ਵੀ ਗਿਫਟ ਕੀਤਾ।
ਯਾਤਰਾ ਨੂੰ ਆਸਾਨ ਬਣਾਉਣ ਲਈ ਗਿਫਟ ਕੀਤਾ ਜੈੱਟ
ਮੀਡੀਆ ਰਿਪੋਰਟਸ ਅਨੁਸਾਰ ਪ੍ਰਾਈਵੇਟ ਜੈੱਟ ਦਾ ਨਾਮ ਜੈਕਲੀਨ ਦੇ ਨਾਮ ਦੇ ਸ਼ੁਰੂਆਤੀ ਅੱਖਰਾਂ (JF) ‘ਤੇ ਰੱਖਿਆ ਗਿਆ ਹੈ। ਇਸ ਦੇ ਨਾਲ ਹੀ ਇਹ ਵੀ ਦਾਅਵਾ ਕੀਤਾ ਗਿਆ ਹੈ ਕਿ ਜੈਟ ਦਾ ਰਜਿਸਟ੍ਰੇਸ਼ਨ ਨੰਬਰ ਜੈਕਲੀਨ ਦੀ ਜਨਮ ਮਿਤੀ ਹੈ ਅਤੇ ਇਹ ਪੂਰੀ ਤਰ੍ਹਾਂ ਕਸਟੇਮਾਇਜ਼ਡ ਪ੍ਰਾਈਵੇਟ ਜੈੱਟ ਹੈ। ਸੁਕੇਸ਼ ਨੇ ਕਈ ਮੌਕਿਆਂ ‘ਤੇ ਜੈਕਲੀਨ ਨੂੰ ਚਿੱਠੀਆਂ ਲਿਖੀਆਂ ਹਨ। ਇਸ ਵਾਰ ਸੁਕੇਸ਼ ਨੇ ਜੈਕਲੀਨ ਨੂੰ ਆਪਣੀ ਚਿੱਠੀ ‘ਚ ਲਿਖਿਆ, “ਬੇਬੀ, ਤੁਸੀਂ ਹਮੇਸ਼ਾ ਆਪਣੇ ਕੰਮ ਅਤੇ ਸ਼ੂਟਿੰਗ ਲਈ ਸਫਰ ਕਰਦੇ ਹੋ। ਹੁਣ ਇਸ ਜੈੱਟ ਰਾਹੀਂ ਤੁਹਾਡੀ ਯਾਤਰਾ ਪਹਿਲਾਂ ਨਾਲੋਂ ਜ਼ਿਆਦਾ ਆਰਾਮਦਾਇਕ ਅਤੇ ਸੁਵਿਧਾਜਨਕ ਹੋਵੇਗੀ। ਮੈਂ ਇਸ ਦੁਨੀਆ ਦਾ ਸਭ ਤੋਂ ਖੁਸ਼ਕਿਸਮਤ ਵਿਅਕਤੀ ਹਾਂ ਕਿਉਂਕਿ ਤੁਸੀਂ ਮੇਰੇ ਵੈਲੇਨਟਾਈਨ ਹੋ।”
ਕਾਂਗਰਸ ਪ੍ਰਧਾਨ ਨੇ ਪਾਰਟੀ ਸੰਗਠਨ ‘ਚ ਕੀਤਾ ਵੱਡਾ ਫੇਰਬਦਲ; ਭੂਪੇਸ਼ ਬਘੇਲ ਪੰਜਾਬ ਕਾਂਗਰਸ ਦੇ ਨਵੇਂ ਜਨਰਲ ਸਕੱਤਰ ਨਿਯੁਕਤ
