ਪ੍ਰਧਾਨਮੰਤਰੀ ਨਰੇਂਦਰ ਮੋਦੀ ਨੇ ਮਹਾੰਕੁਭ ਦੌਰਾਨ ਸੰਗਮ ‘ਚ ਲਾਈ ਡੁਬਕੀ
– ਸੋਸ਼ਲ ਮੀਡੀਆ ‘ਤੇ ਲਿਖਿਆ- ਕਰੋੜਾਂ ਲੋਕਾਂ ਵਾਂਗ ਧੰਨ ਹੋਇਆ, ਮਾਂ ਗੰਗਾ ਸਾਰਿਆਂ ਨੂੰ ਸ਼ਾਂਤੀ, ਬੁੱਧੀ, ਚੰਗੀ ਸਿਹਤ ਦੇਵੇ
ਯੂਪੀ, 5 ਫਰਵਰੀ 2025 – ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਬੁੱਧਵਾਰ ਨੂੰ ਪ੍ਰਯਾਗਰਾਜ ਵਿੱਚ ਸੰਗਮ ਵਿੱਚ ਡੁਬਕੀ ਲਗਾਈ। ਉਨ੍ਹਾਂ ਨੇ ਭਗਵੇਂ ਰੰਗ ਦੇ ਕੱਪੜੇ ਪਾਏ ਹੋਏ ਸਨ। ਹੱਥਾਂ ਅਤੇ ਗਲ ‘ਚ ਰੁਦਰਾਕਸ਼ ਦੀ ਮਾਲਾ ਸੀ। ਮੰਤਰਾਂ ਦੇ ਜਾਪ ਦੇ ਵਿਚਕਾਰ, ਮੋਦੀ ਨੇ ਇਕੱਲੇ ਹੀ ਸੰਗਮ ਵਿੱਚ ਡੁਬਕੀ ਲਗਾਈ।
ਇਹ ਵੀ ਪੜ੍ਹੋ: ਉਮਰ ਘਟਾਉਣ ਦਾ ਦਾਅਵਾ ਕਰਨ ਵਾਲਾ ਅਰਬਪਤੀ ਪੋਡਕਾਸਟ ਛੱਡ ਕੇ ਭੱਜਿਆ: ਕਿਹਾ- ਭਾਰਤ ਦੀ ਹਵਾ ਬਹੁਤ ਖਰਾਬ
ਇਸ਼ਨਾਨ ਤੋਂ ਬਾਅਦ, ਪ੍ਰਧਾਨ ਮੰਤਰੀ ਨੇ ਸੂਰਜ ਨੂੰ ਅਰਘ ਭੇਟ ਕੀਤਾ। ਲਗਭਗ 5 ਮਿੰਟ ਮੰਤਰ ਜਾਪ ਕਰਕੇ ਸੂਰਜ ਪੂਜਾ ਕੀਤੀ। ਸੰਗਮ ਤੱਟ ‘ਤੇ ਗੰਗਾ ਦੀ ਪੂਜਾ ਕੀਤੀ। ਮਾਂ ਗੰਗਾ ਨੂੰ ਦੁੱਧ ਚੜ੍ਹਾਇਆ ਅਤੇ ਸਾੜੀ ਚੜ੍ਹਾਈ।
ਸੰਗਮ ਵਿੱਚ ਇਸ਼ਨਾਨ ਕਰਨ ਤੋਂ ਬਾਅਦ, ਮੋਦੀ ਨੇ ਸੋਸ਼ਲ ਮੀਡੀਆ ‘ਤੇ ਲਿਖਿਆ – ਮੈਂ ਵੀ ਅੱਜ ਮਹਾਂਕੁੰਭ ਵਿੱਚ ਪਵਿੱਤਰ ਸੰਗਮ ਵਿੱਚ ਇਸ਼ਨਾਨ ਕਰਕੇ ਕਰੋੜਾਂ ਲੋਕਾਂ ਵਾਂਗ ਧੰਨ ਹੋਇਆ ਹਾਂ। ਮਾਂ ਗੰਗਾ ਸਾਰਿਆਂ ਨੂੰ ਬੇਅੰਤ ਸ਼ਾਂਤੀ, ਬੁੱਧੀ, ਸਦਭਾਵਨਾ ਅਤੇ ਚੰਗੀ ਸਿਹਤ ਦੇਵੇ।
ਗੰਗਾ ਦੀ ਪੂਜਾ ਕਰਨ ਤੋਂ ਬਾਅਦ, ਮੋਦੀ ਸਿੱਧੇ ਕਿਸ਼ਤੀ ਰਾਹੀਂ ਅਰੈਲ ਘਾਟ ਪਹੁੰਚੇ। ਉੱਥੋਂ ਦਿੱਲੀ ਲਈ ਰਵਾਨਾ ਹੋਏ। ਸੰਗਮ ਇਸ਼ਨਾਨ ਦੌਰਾਨ ਮੁੱਖ ਮੰਤਰੀ ਯੋਗੀ ਵੀ ਮੋਦੀ ਦੇ ਨਾਲ ਸਨ।
