ਲੁਧਿਆਣਾ ‘ਚ ਬਿਜਲੀ ਦੇ ਮੀਟਰ ‘ਚ ਧ*ਮਾਕਾ; ਇਲੈਕਟ੍ਰੀਸ਼ੀਅਨ ਬੁਰੀ ਤਰ੍ਹਾਂ ਝੁਲਸਿਆ
ਅੱਜ ਲੁਧਿਆਣਾ ਵਿੱਚ ਇਕ ਜਿੰਮ ਦੇ ਬਾਹਰ ਲੱਗੇ ਬਿਜਲੀ ਦੇ ਮੀਟਰ ਵਿੱਚ ਧਮਾਕਾ ਹੋ ਗਿਆ। ਹਾਦਸੇ ਵਿੱਚ ਇੱਕ ਇਲੈਕਟ੍ਰੀਸ਼ੀਅਨ ਅਤੇ ਇੱਕ ਜਿਮ ਟ੍ਰੇਨਰ ਜ਼ਖ਼ਮੀ ਹੋ ਗਏ। ਇਲੈਕਟ੍ਰੀਸ਼ੀਅਨ ਦੀ ਹਾਲਤ ਨਾਜ਼ੁਕ ਬਣੀ ਹੋਈ ਹੈ। ਅੱਗ ਲੱਗਣ ਕਾਰਨ ਉਸ ਦਾ ਚਿਹਰਾ ਬੁਰੀ ਤਰ੍ਹਾਂ ਝੁਲਸ ਗਿਆ ਹੈ। ਜਿਮ ਟ੍ਰੇਨਰ ਦੀ ਹਾਲਤ ਠੀਕ ਹੈ।
ਮੀਟਰ ਖੋਲ੍ਹਦੇ ਸਮੇਂ ਹੋਇਆ ਧਮਾਕਾ
ਜਾਣਕਾਰੀ ਅਨੁਸਾਰ ਅੱਜ ਜਦੋਂ ਬਾਬਾ ਥਾਨ ਸਿੰਘ ਚੌਕ ਵਿਖੇ ਇੱਕ ਜਿੰਮ ਦੇ ਬਾਹਰ ਲੱਗੇ ਬਿਜਲੀ ਦੇ ਮੀਟਰ ਵਿੱਚੋਂ ਅਚਾਨਕ ਧੂੰਆਂ ਨਿਕਲਣ ਲੱਗਾ ਤਾਂ ਜਿੰਮ ਦੇ ਟਰੇਨਰ ਨੇ ਨਜ਼ਦੀਕੀ ਇਲੈਕਟ੍ਰੀਸ਼ੀਅਨ ਨੂੰ ਫੋਨ ਕੀਤਾ। ਜਿੱਥੇ ਜਾਂਚ ਦੌਰਾਨ ਅਚਾਨਕ ਮੀਟਰ ਫਟ ਗਿਆ। ਧਮਾਕੇ ਦੌਰਾਨ ਇਲੈਕਟ੍ਰੀਸ਼ੀਅਨ ਅਤੇ ਜਿਮ ਟ੍ਰੇਨਰ ਦੋਵੇਂ ਬੁਰੀ ਤਰ੍ਹਾਂ ਸੜ ਗਏ। ਜਿਨ੍ਹਾਂ ਨੂੰ ਤੁਰੰਤ ਸੀਐਮਸੀ ਹਸਪਤਾਲ ਲਿਜਾਇਆ ਗਿਆ।
ਜਿਮ ਟ੍ਰੇਨਰ ਦੇ ਵਾਲ ਅਤੇ ਚਿਹਰਾ ਝੁਲਸੇ
ਬਿਜਲੀ ਕਰਮਚਾਰੀ ਨੇ ਦੱਸਿਆ ਕਿ ਜਦੋਂ ਉਹ ਮੀਟਰ ਵਿੱਚੋਂ ਨਿਕਲ ਰਿਹਾ ਧੂੰਆਂ ਚੈੱਕ ਕਰਨ ਗਿਆ ਤਾਂ, ਜਿਵੇਂ ਹੀ ਉਸ ਨੇ ਮੀਟਰ ਦਾ ਦਰਵਾਜ਼ਾ ਖੋਲ੍ਹਿਆ ਤਾਂ ਅਚਾਨਕ ਧਮਾਕਾ ਹੋ ਗਿਆ। ਜਿਸ ਕਾਰਨ ਉਸ ਦੇ ਹੱਥ ਅਤੇ ਮੂੰਹ ਬੁਰੀ ਤਰ੍ਹਾਂ ਨਾਲ ਝੁਲਸ ਗਏ। ਜਿਮ ਟ੍ਰੇਨਰ ਦੇ ਵੀ ਵਾਲ ਅਤੇ ਚਿਹਰਾ ਝੁਲਸ ਗਏ ਸਨ ਪਰ ਉਸਨੂੰ ਮੁੱਢਲੀ ਸਹਾਇਤਾ ਤੋਂ ਬਾਅਦ ਛੁੱਟੀ ਦੇ ਦਿੱਤੀ ਗਈ ਹੈ।
ਸੁਰੱਖਿਆ ‘ਚ ਕੁਤਾਹੀ! ਸੁਰੱਖਿਆ ਘੇਰਾ ਤੋੜ ਕੇ ਕੋਹਲੀ ਨੂੰ ਮਿਲਣ ਮੈਦਾਨ ‘ਚ ਪੁੱਜੇ 3 Fans
