ਅਮਰੀਕੀ ਚੋਣਾਂ ਤੋਂ ਪਹਿਲਾਂ 2 ਥਾਵਾਂ ‘ਤੇ ਸਾੜੇ ਗਏ ਬੈਲਟ ਬਾਕਸ, ਬੈਲਟ ਪੇਪਰ ਸੜ ਕੇ ਹੋਏ ਸੁਆਹ
ਅਮਰੀਕੀ ਚੋਣਾਂ ਤੋਂ ਪਹਿਲਾਂ 2 ਥਾਵਾਂ ‘ਤੇ ਸਾੜੇ ਗਏ ਬੈਲਟ ਬਾਕਸ ਅਮਰੀਕਾ ‘ਚ ਚੋਣਾਂ ਤੋਂ ਠੀਕ 7 ਦਿਨ ਪਹਿਲਾਂ ਹੀ ਦੋ ਥਾਵਾਂ ‘ਤੇ ਬੈਲਟ ਬਾਕਸ ਨੂੰ ਅੱਗ ਲੱਗਣ ਦੀਆਂ ਘਟਨਾਵਾਂ ਸਾਹਮਣੇ ਆਈਆਂ ਹਨ। ਪਹਿਲਾ ਮਾਮਲਾ ਵੈਨਕੂਵਰ, ਵਾਸ਼ਿੰਗਟਨ ਦਾ ਹੈ ਜਿੱਥੇ ਇੱਕ ਬੈਲਟ ਬਾਕਸ ਨੂੰ ਅੱਗ ਲੱਗ ਗਈ। ਇਸ ਵਿੱਚ ਇਕੱਠੇ ਕੀਤੇ ਸੈਂਕੜੇ ਬੈਲਟ ਪੇਪਰ ਸੜ ਕੇ ਸੁਆਹ ਹੋ ਗਏ।
ਇਹ ਵੀ ਪੜ੍ਹੋ- ਸਲਮਾਨ ਨੂੰ ਧਮਕੀ ਦੇਣ ਵਾਲਾ ਵਿਅਕਤੀ ਕਾਬੂ, ਨੋਇਡਾ ਤੋਂ ਕੀਤਾ ਗ੍ਰਿਫਤਾਰ
ਬੈਲਟ ਬਾਕਸ ਨੂੰ ਸਾੜਨ ਦੀ ਦੂਜੀ ਘਟਨਾ ਪੋਰਟਲੈਂਡ, ਓਰੇਗਨ ਵਿੱਚ ਵਾਪਰੀ। ਅੱਗ ਕਿਵੇਂ ਲੱਗੀ ਅਜੇ ਪਤਾ ਨਹੀਂ ਲੱਗ ਸਕਿਆ ਹੈ। ਚੋਣ ਅਧਿਕਾਰੀ ਸੀਸੀਟੀਵੀ ਫੁਟੇਜ ਰਾਹੀਂ ਅੱਗ ਲਾਉਣ ਵਾਲੇ ਲੋਕਾਂ ਦਾ ਪਤਾ ਲਗਾਉਣ ਦੀ ਕੋਸ਼ਿਸ਼ ਕਰ ਰਹੇ ਹਨ।
ਸੀਐਨਐਨ ਦੇ ਅਨੁਸਾਰ, ਪੋਰਟਲੈਂਡ ਵਿੱਚ ਸੋਮਵਾਰ ਤੜਕੇ 3:30 ਵਜੇ ਇੱਕ ਬੈਲਟ ਬਾਕਸ ਨੂੰ ਅੱਗ ਲੱਗ ਗਈ। ਹਾਲਾਂਕਿ ਜ਼ਿਆਦਾਤਰ ਬੈਲਟ ਪੇਪਰ ਸੜਨ ਤੋਂ ਬਚ ਗਏ। ਸਿਰਫ਼ ਤਿੰਨ ਬੈਲਟ ਪੇਪਰ ਹੀ ਸੜ ਗਏ।
ਚੋਣ ਅਧਿਕਾਰੀ ਟਿਮ ਸਕਾਟ ਨੇ ਕਿਹਾ ਕਿ ਜਿਨ੍ਹਾਂ ਵੋਟਰਾਂ ਦੇ ਬੈਲਟ ਪੇਪਰ ਸੜ ਗਏ ਸਨ, ਉਨ੍ਹਾਂ ਨਾਲ ਸੰਪਰਕ ਕੀਤਾ ਜਾਵੇਗਾ ਅਤੇ ਨਵੇਂ ਬੈਲਟ ਦਿੱਤੇ ਜਾਣਗੇ।
ਸੜੇ ਹੋਏ ਬੈਲਟ ਬਾਕਸ ਵਿੱਚ ਸੈਂਕੜੇ ਬੈਲਟ ਪੇਪਰ ਸੜ ਗਏ
ਇਸ ਦੇ ਨਾਲ ਹੀ ਵੈਨਕੂਵਰ ਵਿੱਚ ਸੜੇ ਹੋਏ ਬੈਲਟ ਬਾਕਸ ਵਿੱਚ ਸੈਂਕੜੇ ਬੈਲਟ ਪੇਪਰ ਸੜ ਗਏ ਹਨ। ਵੈਨਕੂਵਰ ਵਿੱਚ ਚੋਣ ਡਾਇਰੈਕਟੋਰੇਟ ਦੀ ਬੁਲਾਰਾ ਲੌਰਾ ਸ਼ੇਪਾਰਡ ਨੇ ਸ਼ਨੀਵਾਰ ਸਵੇਰੇ 11 ਵਜੇ ਤੋਂ ਬਾਅਦ ਇਸ ਬਕਸੇ ਵਿੱਚ ਵੋਟ ਪਾਉਣ ਵਾਲੇ ਹਰੇਕ ਵਿਅਕਤੀ ਨੂੰ ਆਪਣੀ ਬੈਲਟ ਦੀ ਪੁਸ਼ਟੀ ਕਰਨ ਲਈ ਬੇਨਤੀ ਕੀਤੀ ਹੈ।
