ਨਵ-ਜਨਮੇ ਬੱਚੇ ਨੂੰ ਹਸਪਤਾਲ ‘ਚ ਛੱਡ ਗਈ ਮਾਂ, ਬੱਚੇ ਦੀ ਹੋਈ ਮੌ.ਤ
ਪਟਿਆਲਾ ਦੇ ਰਜਿੰਦਰਾ ਹਸਪਤਾਲ ਦੇ ਗਾਇਨੀ ਵਾਰਡ ਦੇ ਵਿੱਚ ਇੱਕ ਅਜੀਬੋ ਗਰੀਬ ਘਟਨਾ ਵਾਪਰੀ ਹੈ। ਜਿੱਥੇ ਪੁੱਤ ਨੂੰ ਜਨਮ ਦੇਣ ਵਾਲੀ ਮਾਂ ਆਪਣੇ ਬੱਚੇ ਨੂੰ ਇਸ ਕਰਕੇ ਹਸਪਤਾਲ ਦੇ ਵਿੱਚ ਛੱਡ ਕੇ ਭੱਜ ਗਈ ਕੀ ਉਸ ਕੋਲ ਪੈਸੇ ਨਹੀਂ ਸਨ ਤੇ ਬਾਅਦ ਦੇ ਵਿੱਚ ਬੱਚੇ ਦੀ ਸਿਹਤ ਵਿਗੜਨ ਦੇ ਕਾਰਨ ਮੌਤ ਹੋ ਗਈ।।
ਇਹ ਵੀ ਪੜ੍ਹੋ; ਰੀਲ ਬਣਾਉਣ ਦੇ ਚੱਕਰ ‘ਚ ਬੁਰੀ ਫਸੀ ਮੈਡਮ, FIR ਹੋਈ ਦਰਜ
ਡਾਕਟਰਾਂ ਦੇ ਮੁਤਾਬਿਕ 22 ਤਰੀਕ ਨੂੰ ਇਹ ਔਰਤ ਜਿਸਦਾ ਨਾਮ ਮੂਰਤੀ ਦੇ ਵੀ ਜੋ ਹਸਪਤਾਲ ਦੇ ਵਿੱਚ ਐਡਮਿਟ ਹੋਈ ਸੀ ਤੇ ਉਸ ਨੇ ਇੱਕ ਪੁੱਤਰ ਨੂੰ ਜਨਮ ਦਿੱਤਾ ਅਤੇ 23 ਤਰੀਕ ਨੂੰ ਉਹ ਬਿਨਾਂ ਦੱਸੇ ਹਸਪਤਾਲ ਤੋਂ ਫਰਾਰ ਹੋ ਗਈ। ਬਾਅਦ ਦੇ ਵਿੱਚ ਡਾਕਟਰਾਂ ਦੇ ਦੁਆਰਾ ਪੁਲਿਸ ਨੂੰ ਸ਼ਿਕਾਇਤ ਕਰਨ ‘ਤੇ ਇੱਕ ਮਹਿਲਾ ਕਾਂਸਟੇਬਲ ਦੀ ਡਿਊਟੀ ਇਸ ਬੱਚੇ ਦੀ ਦੇਖਰੇਖ ਤੇ ਲਗਾ ਦਿੱਤੀ ਗਈ।
ਦੱਸ ਦਈਏ ਕਿ ਫਰਾਰ ਹੋਣ ਤੋਂ ਪਹਿਲਾਂ ਇਸ ਔਰਤ ਦੇ ਵੱਲੋਂ ਡਾਕਟਰ ਤੋਂ ਛੁੱਟੀ ਦੀ ਮੰਗ ਕੀਤੀ ਗਈ ਸੀ ਤੇ ਬਾਅਦ ਦੇ ਵਿੱਚ ਇਹ ਫਰਾਰ ਹੋ ਗਈ ਹਾਲਾਂਕਿ 25 ਤਰੀਕ ਨੂੰ ਬੱਚੇ ਦੀ ਸਿਹਤ ਵਿਗੜਦੀ ਚਲੀ ਗਈ ਤੇ ਉਸ ਦੀ ਮੌਤ ਹੋ ਗਈ ਫਿਲਹਾਲ ਪੁਲਿਸ ਦੇ ਵੱਲੋਂ ਇਸ ਔਰਤ ਮੂਰਤੀ ਦੇਵੀ ਜੋ ਕਿ ਮਿਨੀ ਰੋਡ ਲੁਧਿਆਣਾ ਦੀ ਰਹਿਣ ਵਾਲੀ ਦੇ ਖਿਲਾਫ ਧਾਰਾ 317 ਦੇ ਤਹਿਤ ਮਾਮਲਾ ਦਰਜ ਕਰ ਲਿਆ।
