ਮੰਗਲੁਰੂ, 17 ਅਕਤੂਬਰ 2026 : ਭਾਰਤ ਦੇੇਸ਼ ਦੇ ਸੂਬੇ ਕਰਨਾਟਕ (Karnataka) ਦੇ ਮੰਗਲੁਰੂ ਵਿਖੇ ਪਾਦਰੀ ਵਿਰੁੱਧ ਨਾਬਾਲਗ ਲੜਕਿਆਂ ਦੇ ਜਿਨਸੀ ਸ਼ੋਸ਼ਣ ਮਾਮਲੇ ਤਹਿਤ ਐਫ. ਆਈ. ਆਰ. ਦਰਜ (FIR registered) ਕੀਤੀ ਗਈ ਹੈ ।
ਕੌਣ ਹੈ ਇਹ ਪਾਦਰੀ
ਮਿਲੀ ਜਾਣਕਾਰੀ ਅਨੁਸਾਰ ਕਰਨਾਟਕ ਦੇ ਮੰਗਲੁਰੂ `’ਚ ਚਰਚ ਦੇ ਜਿਸ ਇਕ ਪਾਦਰੀ ਖਿਲਾਫ ਨਾਬਾਲਗ ਲੜਕਿਆਂ ਦੇ ਜਿਨਸੀ ਸ਼ੋਸ਼ਣ (Sexual abuse) ਦੇ ਦੋਸ਼ਾਂ ‘ਚ ਬੱਚਿਆਂ ਨੂੰ ਜਿਨਸੀ ਅਪਰਾਧਾਂ ਤੋਂ ਸੁਰੱਖਿਆ (ਪੋਕਸੋ) ਐਕਟ ਤਹਿਤ ਮਾਮਲਾ ਦਰਜ ਕੀਤਾ ਗਿਆ ਹੈ ਵਿਚ ਮੁਲਜ਼ਮ ਦੀ ਪਛਾਣ ਫਾਦਰ ਸਿਪ੍ਰਿਯਨ ਪਿੰਟੋ (Father Cyprian Pinto) ਵਜੋਂ ਹੋਈ ਹੈ, ਜੋ ਮੰਗਲੁਰੂ ਦੇ ਵੈਲੇਂਸੀਆ ਸਥਿਤ ਸੇਂਟ ਵਿੰਸੈਂਟ ਫੇਰਰ ਚਰਚ ਨਾਲ ਜੁੜੇ ਹੋਏ ਹਨ ।
ਪਾਦਰਸੀ ‘ਤੇ ਲੱਗਿਆ ਸੀ ਨਾਬਾਲਗ ਲੜਕਿਆਂ ਦੇ ਜਿਨਸੀ ਸ਼ੋਸ਼ਣ ਦਾ ਦੋਸ਼
ਪ੍ਰਾਪਤ ਸੂਚਨਾ ਮੁਤਾਬਕ ਇਹ ਮਾਮਲਾ ਚਰਚ ‘ਚ ਨਿਯਮਿਤ ਤੌਰ ‘ਤੇ ਆਉਣ ਵਾਲੇ ਨਾਬਾਲਗ ਲੜਕਿਆਂ (Underage boys) ਨਾਲ ਹੋਏ ਜਿਨਸੀ ਦੁਰਵਿਵਹਾਰ ਦੀ ਸਿ਼ਕਾਇਤ ਤੋਂ ਬਾਅਦ ਦਰਜ ਕੀਤਾ ਗਿਆ ਹੈ । ਸਿ਼ਕਾਇਤ ਅਨੁਸਾਰ ਪਾਦਰੀ ਨੇ ਕਥਿਤ ਤੌਰ `ਤੇ ਇਕ ਲੜਕੇ ਨੂੰ ਚਰਚ ਕੰਪਲੈਕਸ ਦੇ ਕਮਰਿਆਂ ਵਿਚ ਲਿਜਾ ਕੇ ਕਈ ਵਾਰ ਉਸ ਨਾਲ ਅਣਉਚਿਤ ਸਰੀਰਕ ਹਰਕਤਾਂ ਕੀਤੀਆਂ । ਪੀੜਤ ਲੜਕੇ ਨੇ ਆਪਣੇ ਦੋਸਤਾਂ ਨੂੰ ਇਸ ਬਾਰੇ ਦੱਸਿਆ, ਜਿਸ ਤੋਂ ਬਾਅਦ ਹੋਰ ਲੜਕਿਆਂ ਨੇ ਵੀ ਇਸੇ ਤਰ੍ਹਾਂ ਦੇ ਅਨੁਭਵਾਂ ਦਾ ਖੁਲਾਸਾ ਕੀਤਾ। ਇਹ ਮਾਮਲਾ ਉਦੋਂ ਸਾਹਮਣੇ ਆਇਆ, ਜਦੋਂ ਪੀੜਤ ਲੜਕੇ ਨੇ ਆਪਣੇ ਪਰਿਵਾਰ ਵਾਲਿਆਂ ਨੂੰ ਇਸ ਬਾਰੇ ਦੱਸਿਆ ।
