ਡੁਕਾਤੀ ਨੇ ਭਾਰਤ ‘ਚ ਆਪਣੀ ਨਵੀਂ ਰੇਂਜ ਮੌਨਸਟਰ ਲਾਂਚ ਕੀਤੀ ਹੈ। ਕੰਪਨੀ ਨੇ ਬਾਇਕ ਨੂੰ 10.99 ਲੱਖ ਰੁਪਏ (ਐਕਸ-ਸ਼ੋਅਰੂਮ) ਤੇ ਡੁਕਾਤੀ ਮੌਨਸਟਰ ਪਲੱਸ ਵੇਰੀਐਂਟ ਦੀ ਕੀਮਤ 11.24 ਲੱਖ ਰੁਪਏ ਦੇ ਨਾਲ ਬਾਜ਼ਾਰ ਵਿੱਚ ਲਾਂਚ ਕੀਤਾ ਹੈ।
ਕੰਪਨੀ ਦਾ 25 ਸਾਲ ਪੁਰਾਣਾ ਮੌਨਸਟਰ ਬ੍ਰਾਂਡ ਪੂਰੀ ਦੁਨੀਆ ਵਿੱਚ ਬਹੁਤ ਪਸੰਦ ਕੀਤਾ ਜਾਂਦਾ ਹੈ। ਕੰਪਨੀ ਦਾ ਦਾਅਵਾ ਹੈ ਕਿ ਡੁਕਾਤੀ ਦੀ ਨਵੀਂ ਰੇਂਜ ਬਹੁਤ ਹਲਕੀ ਤੇ ਕਾਂਪੈਕਟ ਹੈ, ਜੋ ਵਧੀਆ ਸਵਾਰੀ ਅਨੁਭਵ ਪ੍ਰਦਾਨ ਕਰੇਗੀ।
ਡੁਕਾਤੀ ਮੌਨਸਟਰ ਬਾਈਕ ਦੇ ਪਿਛਲੇ ਹਿੱਸੇ ਵਿੱਚ ਇੱਕ ਐਡਜਸਟੇਬਲ ਮੋਨੋਸ਼ੌਕ ਦਿੱਤਾ ਗਿਆ ਹੈ। ਇਸ ਨੂੰ ਨਵੇਂ 17 ਇੰਚ ਦੇ ਅਲੌਏ ਵ੍ਹੀਲਸ ਮਿਲੇ ਹਨ, ਜੋ ਪਹਿਲਾਂ ਨਾਲੋਂ ਹਲਕੇ ਹਨ। ਫਰੰਟ ‘ਚ Brembo M4.32 4-ਪਿਸਟਨ ਮੋਨੋਬਲੌਕ ਕੈਲੀਪਰਸ ਹਨ ਜੋ ਦੋ 320 ਮਿਲੀਮੀਟਰ ਡਿਸਕ ਰੱਖਦੇ ਹਨ।
ਇਸ ਬਾਈਕ ਦੇ ਪਿਛਲੇ ਪਾਸੇ ਬ੍ਰੇਮਬੋ ਕੈਲੀਪਰ ਦੁਆਰਾ ਗ੍ਰਿਪ ਦਿੱਤੀ ਗਈ ਹੈ ਜੋ ਇੱਕ ਸਿੰਗਲ 245 ਮਿਲੀਮੀਟਰ ਡਿਸਕ ਹੈ। ਬਾਈਕ ‘ਚ ਫਰੰਟ ਬ੍ਰੇਕ ਦੀ ਤਰ੍ਹਾਂ ਰੀਅਰ ਕੈਲੀਪਰ ‘ਚ ਸਿੰਟਰਡ ਬ੍ਰੇਕ ਪੈਡ ਦਿੱਤੇ ਗਏ ਹਨ। ਇਹ ਬਲੈਕ ਵ੍ਹੀਲਸ ਤੇ ਏਵੀਏਟਰ ਗ੍ਰੇ ਦੇ ਨਾਲ ਡੁਕਾਤੀ ਰੈੱਡ ਤੇ ਡਾਰਕ ਸਟੀਲਥ ਦੇ ਨਾਲ ਨਾਲ ਜੀਪੀ ਰੈਡ ਵ੍ਹੀਲਸ ਕਲਰ ਆਪਸ਼ਨਸ ਵਿੱਚ ਮੌਜੂਦ ਹੈ।
ਦਮਦਾਰ ਇੰਜਣ: ਨਵਾਂ Monster ਮੋਟਰਸਾਈਕਲ ‘ਚ ਨਵਾਂ 937 ਸੀਸੀ ਇੰਜਨ ਦਿੱਤਾ ਗਿਆ ਹੈ ਜੋ 111 ਹਾਰਸ ਪਾਵਰ ਦੀ ਪਾਵਰ ਪੈਦਾ ਕਰਦਾ ਹੈ ਅਤੇ ਨਾਲ ਹੀ 6,500 ਆਰਪੀਐਮ ਅਤੇ 93 ਐਨਐਮ ਦਾ ਵੱਧ ਤੋਂ ਵੱਧ ਟਾਰਕ ਪੈਦਾ ਕਰਦਾ ਹੈ।
ਡੁਕਾਤੀ ਮੌਨਸਟਰ ਬਾਈਕ ਭਾਰਤ ਵਿੱਚ Triumph Street Triple R ਅਤੇ Kawasaki Z900 ਵਰਗੀਆਂ ਦਮਦਾਰ ਬਾਈਕਾਂ ਨਾਲ ਮੁਕਾਬਲਾ ਕਰੇਗੀ।
