ਲਖਨਊ, 31 ਅਗਸਤ 2026 : ਭਾਰਤ ਦੇਸ਼ ਦੇ ਸੂਬੇ ਉਤਰ ਪ੍ਰਦੇਸ਼ (Uttar Pradesh) ਦੀ ਰਾਜਧਾਨੀ ਲਖਨਊ ਵਿਖੇ ਇਕ ਹਿੰਦੂ ਨੇਤਾ ਦਾ ਗੋਲੀਬਾਰੀ ਕਰਕੇ ਕਤਲ (Murder) ਕਰ ਦਿੱਤੇ ਜਾਣ ਦਾ ਘਟਨਾਕ੍ਰਮ ਵਾਪਰਿਆ ਹੈ ।
ਕੌਣ ਹੈ ਇਹ ਹਿੰਦੂ ਨੇਤਾ
ਮਿਲੀ ਜਾਣਕਾਰੀ ਅਨੁਸਾਰ ਲਖਨਊ ਦੇ ਦੁਬੱਗਾ ਥਾਣਾ ਖੇਤਰ ‘ਚ ਜੋ ਬੀਤੇ ਦਿਨੀਂ ਇਕ ਹਿੰਦੂ ਨੇਤਾ ਦਾ ਗੋਲੀਆਂ ਮਾਰ (Shoot) ਕੇ ਕਤਲ ਕਰ ਦਿੱਤਾ ਗਿਆ ਹੈ ਦੀ ਪਛਾਣ ਧੀਰੇਂਦਰ ਪ੍ਰਤਾਪ ਸਿੰਘ ਦੇ ਤੌਰ ‘ਤੇ ਹੋਈ ਹੈ । ਪੁਲਸ ਨੇ ਉਸ ਦੀ ਲਾਸ਼ ਇਕ ਨਹਿਰ ‘ਚੋਂ ਬਰਾਮਦ ਕੀਤੀ ਹੈ ।
ਕੀ ਸਾਹਮਣੇ ਆਇਆ ਪੁਲਸ ਦੀ ਸ਼ੁਰੂਆਤੀ ਜਾਂਚ ਵਿਚ
ਪੁਲਸ ਵਲੋਂ ਕਤਲ ਦੀ ਵਾਰਦਾਤ ਦੀ ਕੀਤੀ ਗਈ ਮੁੱਢਲੀ ਜਾਂਚ ਅਨੁਸਾਰ ਹੱਤਿਆ ਉਸ ਦੀ ਫਾਰਚੂਨਰ ਕਾਰ ‘ਚ ਕੀਤੀ ਗਈ ਸੀ । ਫਿਰ ਲਾਸ਼ ਨੂੰ ਉਸੇ ਵਾਹਨ ‘ਚ ਲਿਜਾ ਕੇ ਨਹਿਰ ‘ਚ ਸੁੱਟ ਦਿੱਤਾ ਗਿਆ । ਧੀਰੇਂਦਰ ਪ੍ਰਤਾਪ ਸਿੰਘ (Dhirendra Pratap Singh) ਲਖਨਊ ਦੇ ਪੀ. ਜੀ. ਆਈ. ਖੇਤਰ ‘ਚ ਰਹਿੰਦਾ ਸੀ । ਉਹ ਮੂਲ ਰੂਪ ‘ਚ ਉਨਾਓ ਦਾ ਰਹਿਣ ਵਾਲਾ ਸੀ ।
ਕਤਲ ਦੇ ਕਾਰਨ ਬਾਰੇ ਪਤਾ ਲਗਾਉਣ ਲਈ ਕੀਤੀ ਜਾ ਰਹੀ ਹੈ ਵੱਖ-ਵੱਖ ਪਹਿਲੂਆਂ ਤੋਂ ਜਾਂਚ
ਪੁਲਸ ਦੀ ਮੁੱਢਲੀ ਜਾਂਚ ਅਨੁਸਾਰ ਕਤਲ ਦਾ ਕਾਰਨ ਜ਼ਮੀਨੀ ਵਿਵਾਦ ਹੋ ਸਕਦਾ ਹੈ । ਮਿਤਕ ਦੇ ਡਰਾਈਵਰ ਦੀ ਭੂਮਿਕਾ ਦੀ ਵੀ ਜਾਂਚ ਕੀਤੀ ਜਾ ਰਹੀ ਹੈ । ਸ਼ੱਕ ਹੈ ਕਿ ਡਰਾਈਵਰ ਨੇ ਅਪਰਾਧ ਨੂੰ ਅੰਜਾਮ ਦੇਣ ਲਈ ਵਿਰੋਧੀਆਂ ਨਾਲ ਸਾਜਿ਼ਸ਼ ਰਚੀ ਹੋਵੇਗੀ । ਪੁਲਸ ਸਾਰੇ ਪੱਖਾਂ ਦੀ ਜਾਂਚ ਕਰ ਰਹੀ ਹੈ । ਕਤਲ ਦੇ ਅਸਲ ਮੰਤਵ ਤੇ ਮੁਲਜ਼ਮਾਂ ਦਾ ਪਤਾ ਲਾਉਣ ਲਈ ਕਈ ਟੀਮਾਂ ਬਣਾਈਆਂ ਗਈਆਂ ਹਨ ।
