ਕੰਨੌਜ, 25 ਅਗਸਤ 2026 : ਭਾਰਤ ਦੇਸ਼ ਦੇ ਸੂਬੇ ਉਤਰ ਪ੍ਰਦੇਸ਼ (Uttar Pradesh) ਦੇ ਜਿਲਾ ਕਨੋਜ ਵਿਖੇ ਇਕ ਹਾਦਸਾਗ੍ਰਸਤ ਕਾਰ ਵਿਚੋਂ ਤਲਾਸ਼ੀ ਲੈਣੀ ‘ਤੇ 15. 39 ਕਰੋੜ ਰੁਪਏ ਦੀ ਕੀਮਤ ਦਾ ਸੋਨਾ ਬਰਾਮਦ (Gold recovered) ਹੋਇਆ ਹੈ ।
ਕਿੰਨਾ ਸੋਨਾ ਕੀਤਾ ਗਿਆ ਹੈ ਬਰਾਮਦ
ਮਿਲੀ ਜਾਣਕਾਰੀ ਅਨੁਸਾਰ ਉੱਤਰ ਦੇਸ਼ ਦੇ ਕੰਨੌਜ ਜਿ਼ਲੇ (Kannauj District) ‘ਚ ਤਾਲਗ੍ਰਾਮ ਖੇਤਰ ਦੇ ਮਾਗਰਾ-ਲਖਨਊ ਐਕਸਪ੍ਰੈੱਸ-ਵੇਅ ‘ਤੇ ਪੁਲਸ ਵਲੋਂ ਜੋ ਹਾਦਸਾਗ੍ਰਸਤ ਕਾਰ ਦੀ ਤਲਾਸ਼ੀ ਦੌਰਾਨ 15. 39 ਕਰੋੜ ਦੀ ਕੀਮਤ ਦਾ ਸੋਨਾ ਬਰਾਮਦ ਕੀਤਾ ਗਿਆ ਹੈ ਉਹ 0.026 ਕਿਲੋਗ੍ਰਾਮ ਅਤੇ 24 ਕੈਰਟ ਸੋਨਾ ਹੈ ।
ਕੀ ਦੱਸਿਆ ਐਸ. ਪੀ. ਨੇ
ਪੁਲਸ ਸੁਪਰਡੈਂਟ (Police Superintendent) ਵਿਨੋਦ ਕੁਮਾਰ ਨੇ ਦੱਸਿਆ ਕਿ ਸ਼ਨੀਵਾਰ ਨੂੰ ਸਕਰਾਵਾ ਥਾਣਾ ਇੰਚਾਰਜ ਦੀ ਸਰਕਾਰੀ ਗੱਡੀ ਨੂੰ ਐਕਸਪ੍ਰੈੱਸ-ਵੇਅ ‘ਤੇ ਇਕ ਕਾਰ ਨੇ ਟੱਕਰ ਮਾਰ ਦਿੱਤੀ ਸੀ । ਮੌਕੇ ‘ਤੇ ਪਹੁੰਚੀ ਪੁਲਸ ਨੇ ਲੱਗਭਗ 100 ਮੀਟਰ ਅੱਗੇ ਹਾਦਸਾਗ੍ਰਸਤ ਕਾਰ ਨੂੰ ਫੜਿਆ, ਜਿਸ ‘ਚ ਮਹਾਰਾਜਗੰਜ ਵਾਸੀ ਸੰਦੀਪ ਜਾਇਸਵਾਲ ਅਤੇ ਨੇਪਾਲ ਵਾਸੀ ਸਰੋਜ ਪੰਤ ਸਵਾਰ ਸਨ । ਤਲਾਸ਼ੀ ਦੌਰਾਨ ਬੈਗ ‘ਚੋਂ ਸੋਨੇ ਦੀਆਂ 10 ਇੱਟਾਂ ਮਿਲੀਆਂ । ਦੋਵੇਂ ਸੋਨੇ ਨਾਲ ਸਬੰਧਤ ਜਾਇਜ਼ ਦਸਤਾਵੇਜ਼ ਨਹੀਂ ਦਿਖਾ ਸਕੇ ।
ਬਰਾਮਦ ਕੀਤਾ ਗਿਆ ਸੋਨਾ ਕਸਟਮ ਵਿਭਾਗ ਨੂੰ ਦੇ ਦਿੱਤਾ ਗਿਆ
ਐੱਸ. ਬੀ. ਆਈ. ਦੇ ਅਧਿਕਾਰਤ ਸੋਨਾ ਮੁਲਾਂਕਣਕਰਤਾ ਨੇ ਸੋਨੇ ਨੂੰ 24 ਕੈਰਟ ਦੱਸਿਆ । ਜੀ. ਐੱਸ. ਟੀ. ਟੀਮ ਨੇ ਪਹਿਲੀ ਨਜ਼ਰੇ ਅੰਤਰਰਾਸ਼ਟਰੀ ਸੋਨਾ ਸਮੱਗਲਿੰਗ ਦਾ ਖਦਸ਼ਾ ਪ੍ਰਗਟਾਇਆ ਹੈ । ਬਰਾਮਦ ਸੋਨਾ ਅਗਲੇਰੀ ਜਾਂਚ ਲਈ ਕਸਟਮ ਵਿਭਾਗ ਨੂੰ ਸੌਂਪ ਦਿੱਤਾ ਗਿਆ ਹੈ ।
