ਰਾਇਲ ਇਨਫੀਲਡ ਨੇ ਲੰਬੇ ਇੰਤਜ਼ਾਰ ਤੋਂ ਬਾਅਦ Super Meteor 650 ਦੀਆਂ ਕੀਮਤਾਂ ਦਾ ਐਲਾਨ ਕੀਤਾ ਹੈ। 3.49 ਦੀ ਸ਼ੁਰੂਆਤੀ ਕੀਮਤ ‘ਤੇ ਆਉਣ ਵਾਲੀ ਇਸ ਬਾਈਕ ਦੀ ਲੁੱਕ ਕਾਫੀ ਸ਼ਾਨਦਾਰ ਹੈ। ਆਓ ਜਾਣਦੇ ਹਾਂ ਰਾਇਲ ਐਨਫੀਲਡ ਦੀ ਇਸ ਨਵੀਂ ਬਾਈਕ ਦੀਆਂ ਮੁੱਖ ਵਿਸ਼ੇਸ਼ਤਾਵਾਂ ਬਾਰੇ।
Royal Enfield Super Meteor 650 ਇਕ 648cc, ਏਅਰ/ਓਇਲ-ਕੂਲਡ, ਪੈਰਲਲ-ਟਵਿਨ ਇੰਜਣ ਦੀ ਵਰਤੋਂ ਕਰਦਾ ਹੈ। ਜੋ 47bhp ਅਤੇ 52Nm ਦਾ ਪੀਕ ਟਾਰਕ ਜਨਰੇਟ ਕਰਦਾ ਹੈ। ਇਹ ਉਹੀ ਯੂਨਿਟ ਹੈ ਜੋ RE 650cc ਟਵਿਨਸ ਨੂੰ ਪਾਵਰ ਦਿੰਦਾ ਹੈ। ਹਾਲਾਂਕਿ, ਇਹ ਬੇਸਪੋਕ ਮੈਪਿੰਗ ਤੇ ਗੇਅਰਿੰਗ ਦੀ ਵਰਤੋਂ ਕਰਦਾ ਹੈ ਜੋ ਸਿਰਫ 2,500rpm ‘ਤੇ 80% ਜ਼ਿਆਦਾ ਪੀਕ ਟਾਰਕ ਪੈਦਾ ਕਰਦਾ ਹੈ।
ਕਲਰ ਆਪਸ਼ਨ
ਐਂਟਰੀ-ਲੈਵਲ ਐਸਟ੍ਰਲ ਵੇਰੀਐਂਟ ਤਿੰਨ ਸਿੰਗਲ-ਟੋਨ ਰੰਗਾਂ – ਬਲੈਕ, ਬਲੂ ਤੇ ਗ੍ਰੀਨ ਵਿਚ ਪੇਸ਼ ਕੀਤਾ ਗਿਆ ਹੈ, ਸਭ ਦੀ ਕੀਮਤ 3.49 ਲੱਖ ਰੁਪਏ ਹੈ। ਅੱਗੇ ਮਿਡ-ਸਪੈਕ ਇੰਟਰਸਟੇਲਰ ਹੈ, ਜਿਸਦਾ ਇਕ ਸਟੈਂਡਆਉਟ ਰੰਗ ਹੈ। ਤੁਸੀਂ ਇਸ ਬਾਈਕ ਨੂੰ ਡਿਊਲ ਟੋਨ ‘ਚ ਦੇਖੋਗੇ, ਜਿਸ ‘ਚ ਗ੍ਰੇਅ ਤੇ ਹਰੇ ਰੰਗ ਸ਼ਾਮਲ ਹਨ। Royal Enfield Super Meteor 650 ਦੇ ਟਾਪ ਮਾਡਲ ਦਾ ਨਾਂ ਸੇਲੇਸਟੀਅਲ ਹੈ। ਇਸ ਵਿਚ ਕੁਝ ਸਟੈਂਡਰਡ ਅਸੈੱਸਰੀਜ਼ ਨੂੰ ਸ਼ਾਮਲ ਕਰ ਕੇ ਇਸ ਨੂੰ ਵੱਖ ਕੀਤਾ ਗਿਆ ਹੈ ਜਿਸ ਵਿਚ ਵਿੰਡਸਕ੍ਰੀਨ, ਡੀਲਕਸ ਟੂਰਿੰਗ ਤੇ ਪਿਲੀਅਨ ਬੈਕਰੈਸਟ ਆਦਿ ਸ਼ਾਮਲ ਹਨ। ਇਸ ਵਿਚ ਡਿਊਲ ਟੋਨ ਕਲਰ ਆਪਸ਼ਨ ਦਿੱਤੀ ਗਈ ਹੈ।
Royal Enfield Super Meteor 650 ਨੂੰ ਕੁੱਲ 3 ਵੇਰੀਐਂਟਸ ਵਿਚ ਪੇਸ਼ ਕੀਤਾ ਗਿਆ ਹੈ, ਜਿਸ ਵਿੱਚ Astral, Interstellar, Celestial variants ਸ਼ਾਮਲ ਹਨ। ਕੀਮਤ ਦੀ ਗੱਲ ਕਰੀਏ ਤਾਂ Royal Enfield Super Meteor 650 Astral ਦੀ ਕੀਮਤ 3.49 ਲੱਖ ਰੁਪਏ (ਐਕਸ-ਸ਼ੋਰੂਮ), ਇੰਟਰਸਟੇਲਰ ਦੀ ਕੀਮਤ 3.64 ਲੱਖ ਰੁਪਏ (ਐਕਸ-ਸ਼ੋਰੂਮ) ਅਤੇ ਸੇਲੇਸਟੀਅਲ ਦੀ ਕੀਮਤ 3.79 ਲੱਖ ਰੁਪਏ (ਐਕਸ-ਸ਼ੋਰੂਮ) ਹੈ।
